ཕྱི་ལོ་ ༢༠༡༨ ཟླ་ ༧ ཚེས་ ༤ རེས་གཟའ་ལྷག་པ།

༄༅། །བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་ཕྱི་ལོ་ ༢༠༡༨ ཟླ་ ༧ ཚེས་ ༦ ཉིན་སུད་སི་སྐུ་ཚབ་དོན་གཅོད་ལས་ཁུངས་དང་། སུད་སི་དང་ལེག་ཊེན་སི་ཊེན། ཨོ་སི་ཊི་རི་ཡ་བོད་རིགས་སྤྱི་མཐུན་ཚོགས་པ་བཅས་ཟུང་སྦྲེལ་ཐོག་སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༣ ལ་ཕེབས་པའི་༸སྐུའི་འཁྲུངས་སྐར་དུས་ཆེན་སྲུང་བརྩིའི་མཛད་སྒོ་དང་། དེ་བཞིན་སུད་སི་དང་ཨོ་སི་ཊི་རི་ཡ་གཞུང་མང་གཉིས་ལ་ཐུགས་རྗེ་ཆེ་ཞུའི་མཛད་སྒོར་མཉམ་བཞུགས། ཕྱི་ཚེས་ ༧ ནས་ ༡༢ བར་སུད་སི་དང་ཨོ་སི་ཊི་རི་ཡ་ཁུལ་གྱི་བོད་བརྒྱུད་ནང་བསྟན་གྱི་ཆོས་ཚོགས་ཁག་དང་། བོད་མི་རྣམས་ལ་ཐུགས་འཕྲད་གནང་རྒྱུ།ཕྱི་ཚེས་ ༡༢ ནས་ ༢༣ བར་ཨིན་ཡུལ་ཁུལ་གྱི་བོད་མི་ཚོར་ཐུགས་འཕྲད་དང་ཨིན་ཡུལ་གྱི་རྒྱལ་ས་ལོན་ཌོན་ London དུ་རྟེན་གཞི་བྱས་པའི་བོད་བརྒྱུད་ནང་བསྟན་གྱི་ཆོས་ཚོགས་སུ་འཚམས་གཟིགས་སླད་གཞུང་འབྲེལ་ཕྱོགས་ཕེབས་གནང་ཡོད་པ་བཅས། །