༢༠༡༨ ཟླ་ ༦ ཚེས་ ༡༡ རེས་གཟའ་ཟླ་བ།
༄༅། །ཕྱི་ལོ་ ༢༠༡༨ ཟླ་ ༦ ཚེས་ ༡༡ ཉིན་རྒྱ་གར་གྱི་གྲོང་ཁྱེར་ Hyderabad དུ་རྒྱ་གར་གྱི་གཞུང་འབྲེལ་མིན་པའི་ཚོགས་པ་ The New Indian Express ཞེས་པའི་གོ་སྒྲིག་འོག་ལོ་ན་བཞི་བཅུ་མན་གྱི་ཁེ་ལས་མི་སྣའི་ཚོགས་འདུ། ‘40 under 40: South India’s most vibrant young entrepreneurs’ཞེས་པ་གོ་སྒྲིག་གནང་སྐབས་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་བོད་མིའི་ཡར་ཐོན་ཚོང་ལས་རམ་འདེགས་ཚན་པས་བཙུགས་པའི་སྦེལ་ཀོབ་བོད་ཁྱིམ་སློབ་གྲྭའི་ཁེ་ལས་པའི་སློབ་མ་ཁག་གཅིག་ Entrepreneurship Club at TCV School མཉམ་ཞུགས་གནང་ཐུབ་ཡོད་འདུག ཟབ་སྦྱོང་མཐུན་འགྱུར་རོགས་རམ་གནང་མཁན་ཨ་རིའི་རོགས་དངུལ་ཐེབས་རྩ་ USAID ཞེས་པ་ཡིན་འདུག
ཚོགས་འདུར་ས་གནས་ཁེ་ལས་པ་ཙམ་མ་ཟད། རྒྱ་གར་གྱི་འཕྲུལ་རིག་བློན་ཆེན་སྐུ་ཞབས་ཀེ་ཊི་རཱ་མ་རའོ་ KT Rama Rao མཆོག་གིས་གཙོས་གཏམ་བཤད་གནང་མཁན་གྲགས་ཅན་པ་ཁག་གཅིག་གིས་གཏམ་བཤད་སྤེལ་འདུག སྐབས་དེར་སྦེལ་ཀོབ་བོད་ཁྱིམ་སློབ་གྲྭའི་ཁེ་ལས་སློབ་ཕྲུག་རྣམས་ཀྱིས་ཚོགས་འདུར་མཉམ་ཞུགས་གནང་བར་ཚོགས་བཅར་བ་རྣམས་ཀྱིས་དགའ་བསུ་ཤུགས་ཆེ་ཞུས་འདུག
བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་བོད་མིའི་ཡར་ཐོན་ཚོང་ལས་རམ་འདེགས་ཚན་པས་སྦེལ་སྐོབ་བོད་ཁྱིམ་སློབ་གྲྭ་དང་ཟུང་འབྲེལ་ཐོག འཛིན་རིམ་བཅུ་གཅིག་དང་བཅུ་གཉིས་ཀྱི་སློབ་ཚན་ལྔ་ཡོད་ཁར་ཁེ་ལས་སློབ་ཚན་འདམ་ཁར་བཞག་ཡོད་པ་བཅས།
