༢༠༡༨ ཟླ་ ༦ ཚེས་ ༦ རེས་གཟའ་ལྷག་པ།
༄༅། །འདི་གར་སྲིད་སྐྱོང་ལས་ཁུངས་ནས་བཏང་གནས་ནང་འཁོད་དོན། སྔ་འགྱུར་རྙིང་མའི་དབུ་འཛིན་བདུན་པ་སྐྱབས་རྗེ་ཀཿཐོག་དགེ་རྩེ་རིན་པོ་ཆེ་མཆོག་རྡ་སར་ཕེབས་པ་དང་བསྟུན་བོད་མིའི་སྒྲིགས་འཛུགས་བཀའ་ཤག་ནས་ཇི་ལྟར་གདན་ཞུས་ལྟར། ཕྱི་ལོ་ ༢༠༡༨ ཟླ་ ༦ ཚེས་ ༥ ཉིན་གྱི་ཕྱི་དྲོ་ཆུ་ཚོད་ ༦།༣༠ ཐོག་བཀའ་ཤག་གི་ཚོགས་ཁང་དུ་ཕེབས་ཡོད།
སྐབས་དེར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མཆོག་གིས་དབུས་བཀའ་བློན་རྣམས་ཀྱིས་མཇལ་དར་སྒྲོན་འབུལ་དང་སྦྲགས་སྲོལ་རྒྱུན་གྱི་ལམ་ནས་ཕེབས་བསུའི་སྣེ་ལེན་གཟབ་རྒྱས་ཞུས་པ་མ་ཟད། དེ་ཉིན་ཕྱེད་ཡོལ་གསོལ་ཚིགས་ལྷན་བཞེས་གནང་སྐབས་རིན་པོ་ཆེ་མཆོག་གིས་བཀའ་སློབ་
གསོལ་ཚིགས་སྐབས་བོད་མི་མང་སྤྱི་འཐུས་ཚོགས་གཙོ་དང་རྙིང་མའི་སྤྱི་འཐུས་མཁན་པོ་བསོད་ནམས་བསྟན་འཕེལ་མཆོག་ཀྱང་ཕེབས་ཡོད་པ་མ་ཟད། བཀའ་དྲུང་རྫོང་ཁ་སྟོབས་རྒྱལ་ཚེ་རིང་ལགས་དང་ཆོས་རིག་དྲུང་ཆེ་ལུང་རྟོགས་ལགས་ཀྱང་ཆེད་བཅར་ཞུས་འདུག དཔལ་ལྡན་སྲིད་སྐྱོང་མཆོག་གིས་རིན་པོ་ཆེ་མཆོག་བཀའ་ཤག་དུ་འཚམས་གཟིགས་སུ་ཕེབས་པར་དགའ་དད་གུས་གསུམ་ཐོག་ནས་འཚམས་འདྲི་སོགས་གནང་ཡོད་པ་བཅས། །
