༢༠༡༨ ཟླ་ ༦ ཚེས་ ༢༢ རེས་གཟའ་པ་སངས།
༄༅། །ཕྱི་ལོ་ ༢༠༡༨ ཟླ་ ༦ ཚེས་ ༡༩ ནས་ ༢༡ བར་ཉིན་གྲངས་གསུམ་རིང་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་གོ་སྒྲིག་འོག་མ་སུ་རི་བོད་ཁྱིམ་སློབ་གྲྭར་ཕྱི་ལོ་ ༢༠༡༨ ཚན་རིག་དང་ཨང་རྩིས། ཁོར་ཡུག་བཅས་ཀྱི་འགྲེམས་སྟོན་ཐེངས་གཉིས་པ་དབུ་འཛུགས་གནང་འདུག
ཐེངས་འདིར་འགྲེམས་སྟོན་ནང་ཀ་སྦུག་གཏན་སློབ་དང་། ཧར་པ་སྤུར་སམ་བྷོ་ཊ་སློབ་གྲྭ། སེ་ལ་ཀུའི་བོད་ཁྱིམ་སློབ་གྲྭ། མ་སུ་རི་དང་རཱཇ་པུར་བོད་ཁྱིམ་སློབ་གྲྭ་བཅས་ནས་སློབ་མ་གྲངས་ ༣༧ དང་དགེ་རྒན་ ༦ མཉམ་ཞུགས་གནང་འདུག དེ་ཡང་འགྲེམས་སྟོན་གྱི་དམིགས་ཡུལ་གཙོ་བོ་ནི་བོད་རིགས་ན་གཞོན་སློབ་ཕྲུག་
ལྷག་པར་གསར་གཏོད་ཀྱི་རྣམ་པའི་ཐོག་ནས་སྒྱུ
གོང་ཚེས་དབུ་འབྱེད་ཉིན་འགྲེམས་སྟོན་དབུ་འཛུགས་ཀྱིས་ཐོག་མར་དེང་སྐབས་དྲ་ལམ་གྱི་དུས་སྐབས་ཆགས་ཟིན་སྟབས། དྲ་ལམ་བརྒྱུད་ཡིག་འབྲེལ་སོགས་བྱེད་སྒོ་སྣ་མང་ཞིག་ཡོད་པ་དེ་དག་ལག་བསྟར་གནང་སྐབས། རེ་བ་དང་གདོང་ལེན་བྱེད་དགོས་པའི་གནད་དོན་གང་ཡོད། Digital Transaction: Promises and Challenges ཅེས་པའི་བརྗོད་གཞིའི་ཐོག་བགྲོ་གླེང་ཚོགས་འདུ་ཚོགས་པ་དང་། སྐབས་དེར་སྐུ་མགྲོན་གཙོ་བོ་མ་སུ་རི་བོད་ཁྱིམ་སློབ་གྲྭའི་སྤྱི་ཁྱབ་དྲུང་ཆེ་ཀརྨ་ཆུང་བདག་ལགས་དང་། གསུང་བཤད་གནང་མཁན་ཚན་རིག་པ་སྐུ་ཞབས་ཨ་ཛཱད་སིངྒ་ Azaad Singh ལགས། དེ་བཞིན་ཉེ་འཁོར་སློབ་གྲྭ་ཁག་གི་འགན་འཛིན་བཅས་ལྷན་འཛོམས་ཀྱིས་ཐོག་མར་མ་སུ་རི་བོད་ཁྱིམ་གྱི་སློབ་སྤྱི་འབུམ་རམས་པ་པ་སངས་དོན་གྲུབ་ལགས་ཀྱིས་ཕེབས་བསུའི་གསུང་བཤད་གནང་།
དེ་རྗེས་ཤེས་རིག་ལས་ཁུངས་ཀྱི་སྲོལ་དེང་ཤེས་ཡོན་ཚན་པའི་འགན་འཛིན་བསྟན་འཛིན་རྡོ་རྗེ་ལགས་ཀྱིས་ཐེངས་འདིའི་འགྲེམས་སྟོན་སྐོར་ངོ་སྤྲོད་གསུང་བཤད་གནང་བསྟུན་སློབ་གྲྭ་ཁག་ནས་དྲ་ཐོག་འབྲེལ་ལམ་ཞུ་སྟངས་ Digital transactions ངོ་སྤྲོད་སྐར་མ་བཅུ་རེ་གནང་རྗེས་སྐུ་ཞབས་ཨ་ཛཱད་སིངྒ་ལགས་ཀྱིས་དྲ་ལམ་གྱི་དུས་སྐབས་འདིར་དེ་སྔ་དང་མི་འདྲ་བར་ཡིག་འབྲེལ་གྱིས་གཙོས་ཕྱི་ནང་གི་ཤེས་བྱའི་གནས་རྣམས་དྲ་ཐོག་ནས་ལྟ་ཀློག་དང་། གཏང་འབྱོར་སོགས་ཧ་ཅང་སྟབས་བདེའི་དུས་སྐབས་དང་མཐུན་པར་འགྲོ་དགོས་པར་བརྟེན་སློབ་ཕྲུག་ཚོས་དོ་སྣང་ཙམ་མ་ཟད་གནད་དོན་ཁག་གཅིག་ལ་སྤྱང་གྲུང་ཡང་བྱེད་དགོས་གལ་སྐོར་དང་། ལྷག་པར་རྒྱ་གར་གྱི་སྲིད་བློན་མོ་དི་མཆོག་གི་ལམ་སྟོན་འོག་ད་ཆ་རྒྱ་གར་རྒྱལ་ཡོངས་དྲ་ལམ་དྲ་འབྲེལ་གྱི་དུས་སྐབས་ Digital India ཤིག་ཆགས་ཟིན་སྐོར་སོགས་ཀྱི་གསུང་བཤད་གནང་རྗེས་དྲི་བ་རྣམས་ལ་ལན་འདེབས་གནང་།
སྤྱི་ཁྱབ་དྲུང་ཆེ་ཀརྨ་ཆུང་བདག་ལགས་དང་ཚན་རིག་པ་སྐུ་ཞབས་ཨ་དཱད་སིངྒ་ལགས།
དེ་ནས་དྲུང་ཆེ་ཀརྨ་ཆུང་བདག་ལགས་ཀྱིས་བོད་པའི་སློབ་གྲྭ་ཟུར་འཛུགས་མཛད་དགོས་པའི་སྤྱིའི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐོག་མའི་དགོངས་བཞེས་ཇི་ལྟར་མཛད་པའི་བརྒྱུད་རིམ་དང་། དམིགས་ཡུལ། དེ་བཞིན་ཤེས་ཡོན་གྱི་གལ་གནད་སོགས་ཀྱི་སྐོར་གསུང་བཤད་གནང་།
ཉིན་རྒྱབ་འགྲེམས་སྟོན་དེར་རྒྱ་གར་རྒྱལ་ཡོངས་ཤེས་ཡོན་དང་ཉམས་ཞིབ་སྦྱོང་བརྡར་བསྟི་གནས་ཁང་NCERT ནས་ཆེད་མངགས་གཟུ་དཔང་མགྲོན་འབོད་ཞུས་པ་རྣམས་ཀྱིས་འགྲེམས་སྟོན་རེ་རེ་བཞིན་རྟོག་ཞིབ་གནང་ནས་ལེགས་ཉེས་དབྱེ་འབྱེད་གནང་འདུག ཐེངས་འདིར་འགྲེམས་སྟོན་ཕུལ་བྱུང་དྲུག་དྲག་འདེམས་བྱུང་རྗེས། རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་ནཱེ་རུ་རྒྱལ་ཡོངས་ཚན་རྩིས་དང་ཁོར་ཡུག་གི་འགྲེམས་སྟོན་ཐེངས་ ༤༥ JNNSMEE – 2018 ཐོག་མཉམ་ཞུགས་གནང་རྒྱུ་ཡིན་འདུག ད་ཐེངས་འགྲེམས་སྟོན་ལས་གཞིའི་ཐོག་ཨ་རིའི་རོགས་ཚོགས་ USAID ནས་མཐུན་འགྱུར་རོགས་རམ་གནང་བར་ཤེས་རིག་ལས་ཁུངས་ནས་ཐུགས་རྗེ་ཆེ་ཞུས་འདུག་པ་བཅས།
