༢༠༡༨ ཟླ་ ༥ ཚེས་ ༢༢ རེས་གཟའ་མིག་དམར།

༄༅། །ཕྱི་ལོ་ ༢༠༡༨ ཟླ་ ༥ ཚེས ༢༢ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་བཞུགས་སྒར་རྡ་ས་གངས་ཅན་སྐྱིད་གཤོངས་གཉའ་ཁྲི་ཚོགས་ཁང་དུ་ཝེ་ཏི་ནམ་ནས་ཕེབས་པའི་ཤེས་ཡོན་པ་དང་། ཚོང་པ། གཞོན་ནུའི་སྐུ་ཚབ་བཅས་ཁྱོན་མི་གྲངས་ ༨༠ དང་ཐུག་འཕྲད་ཀྱིས་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་དང་། རང་དབང་ཅན་གྱི་སྡེ་ཚན་ཁག་གིས་གཙོས་ལྷན་ཁང་ཁག་གི་ལས་དོན་བྱེད་ཕྱོགས་སྐོར་ངོ་སྤྲོད་ཞིབ་ཕྲ་གནང་ཡོད་པ་མ་ཟད། ད་ལྟའི་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཛ་དྲག་ཇི་ཡིན་སྐོར་དང་།   དེ་བཞིན་མཐོ་སྒང་བོད་ཀྱི་ཁོར་ཡུག་གི་གལ་གནད་སོགས་ཀྱི་སྐོར་ངོ་སྤྲོད་གནང་འདུག 

 སྤྱིར་ཁོང་རྣམས་ཕྱི་ལོ་ ༢༠༡༨ ཟླ་ ༥ ཚེས་ ༢༡ དང་ ༢༢ བཅས་ཉིན་གྲངས་གཉིས་རིང་བཞུགས་སྒར་༸རྒྱལ་བའི་ཕོ་བྲང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་མཇལ་ཞུ་བཀའ་སློབ་སོགས་གྲུབ་བསྟུན་གངས་སྐྱིད་དུ་ཕེབས་པ་ཡིན་འདུག་པའི་ཁོངས་དགེ་འདུན་པ་དང་ཚོང་པའི་ལས་རིགས་ཀྱི་འགོ་ཁྲིད།  ཡིད་དགའ་ཆོས་འཛིན་སྒོམ་སྒྲུབ་བསྟི་གནས་(Tushita Meditation Centre)ཀྱི་མི་ཁག་གཅིག་བཅས་ཡོད་འདུག་པ་བཅས། །