ཕྱི་ལོ་ ༢༠༡༨ ཟླ་ ༥ ཚེས་ ༡ རེས་གཟའ་མིག་དམར།

༄༅།  །ཕྱི་ལོ་ ༢༠༡༨ ཟླ་ ༤ ཚེས་ ༣༠ ཉིན་རེས་གཟའ་ཟླ་བ་ཉིན་གནས་བརྟན་སྡེ་པའི་ལུགས་ཀྱི་སྟོན་པ་མཉམ་མེད་ཤཱཀྱའི་རྒྱལ་པོ་མཆོག་ལྷུམས་སུ་ཞུགས་པ་དང་། སངས་རྒྱས་པ། མྱ་ངན་ལས་འདས་པ་བཅས་ཀྱི་དུས་ཆེན་ཁྱད་འཕགས་གསུམ་འཛོམས་ཀྱི་ཉིན་མོར་བདེ་སྐྱིད་གླིང་བོད་མིའི་ས་འགོ་ལས་ཁུངས་ཀྱི་གོ་སྒྲིག་འོག་ལྡེ་ར་ལྡུན་ཁུལ་གྱི་ནང་པ་ཚོགས་པ་དང་། ས་གནས་བོད་མི་རྣམས་ཀྱིས་ལྡེ་ར་ལྡུན་བོད་མིའི་ཁྲོམ་སའི་ཉེ་འགྲམ་གྱི་ཐང་ཆེན་ parade ground དུ་ཁྱོན་མི་གྲངས་ ༡༢༠༠ ཙམ་མཉམ་ཞུགས་ཐོག་༼རྒྱ་གར་གཞུང་མང་ལ་སྨོན་ལམ།༽ཞེས་རྒྱ་གར་འཕགས་ཡུལ་འདི་ཉིད་དར་ཞིང་རྒྱས་པ་དང་།  ཡུལ་མི་རྣམས་དུས་རྟག་ཏུ་བདེ་སྐྱིད་ཀྱི་དཔལ་ཡོན་ལ་ལོངས་སུ་སྤྱོད་ཐུབ་རྒྱུར་དམིགས་ནས་སྨོན་ལམ་གསུང་འདོན་ཞིག་གོ་སྒྲིག་ཞུས་འདུག  ཐེངས་འདིའི་མཆོད་སྨོན་ལམ་ནི་བོད་མིའི་སྒྲིག་འཛུགས་ནས་ཕྱི་ལོ ༢༠༡༨ ལོ་དེ་བཞིན་རྒྱ་གར་གཞུང་མང་གཉིས་ལ་ཐུགས་རྗེ་ཆེ་ཞུའི་ལོར་སྲུང་བརྩི་ཞུ་རྒྱུའི་ལས་འགུལ་གི་ཆ་ཤས་ཤིག་ཡིན་འདུག

དེ་ཡང་དམིགས་བསལ་སྨོན་ལམ་གསུང་འདོན་གྱི་ཉིན་མོར་སྐུ་མགྲོན་གཙོ་བོ་སྐྱབས་རྗེ་ཆོས་མགོན་རིན་པོ་ཆེ་མཆོག་དང་། ས་སྐྱ་སྒྲོལ་མ་ཕོ་བྲང་གི་བདག་མོ་སྐལ་ལྡན་མཆོག གཞན་ཡང་རྒྱ་གར་གཞུང་ཞབས་ལས་བྱེད་ཟུར་པ་སྐུ་ཞབས་ཅནྡྲ་ Shri Chandra( Retired I.A.S. Officer) ལགས་ཕེབས་ཡོད་པ་བཅས།