ཕྱི་ལོ་ ༢༠༡༨ ཟླ་ ༥ ཚེས་ ༡༠ རེས་གཟའ་ཕུར་བུ།
༄༅། །སྐབས་ ༡༥ བཀའ་ཤག་གིས་འཛིན་སྐྱོང་གི་ལས་དོན་འགན་ཁུར་བཞེས་ནས་ལོ་གཉིས་འཁོར་བ་དང་བསྟུན་ཕྱི་ལོ་ ༢༠༡༨ ཟླ་ ༥ ཚེས་ ༤ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་དབུ་ཁྲིད་པའི་བཀའ་བློན་རྣམ་པས་༸རྒྱལ་བའི་ཕོ་བྲང་དུ་བཅར་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གསེར་ཞལ་མཇལ་བའི་གོ་སྐབས་བཟང་པོ་བྱུང་བ་མ་ཟད་བཀའ་སློབ་ལམ་སྟོན་ཟབ་མོ་སྩལ་ཐོབ་བྱུང་ཡོད། ཡིན་ནའང་ཉེ་ཆར་ངོ་དེབ་དང་། སྐད་འཕྲིན་སོགས་ཀྱི་ཐོག་ཏུ་༸གོང་ས་མཆོག་གི་བཀའ་སློབ་རྫུན་བཟོ་དང་ཁྱབ་སྤེལ་བྱས་ཏེ་སྤྱི་ཚོགས་ཟང་ཟིང་བཟོ་བའི་ལས་ངན་སྤེལ་བཞིན་ཡོད་འདུག་ན། རྒྱ་ཆེའི་མང་ཚོགས་ནས་རྫུན་གཏམ་དེ་རིགས་ལ་དབུ་མ་འཁོར་བར་དངོས་ཡོད་བཀའ་སློབ་ཇི་གནང་བོད་མིའི་སྒྲིག་འཛུགས་ཀྱི་དྲྭ་རྒྱར་གཟིགས་གནང་ཡོང་བ་ཞུ། བདེ་སྲུང་ལས་ཁུངས་ནས་ཕྱི་ལོ་ ༢༠༡༨ ཟླ་ ༥ ཚེས་ ༡༠ ཉིན་ལ།།
