༢༠༡༨ ཟླ་ ༥ ཚེས་ ༢༤ རེས་གཟའ་ཕུར་བུ།
༄༅། །དགའ་ལྡན་ཕོ་བྲང་གིས་གོ་སྒྲིག་འོག་ཕྱི་ལོ་ ༢༠༡༨ ཟླ་ ༥ ཚེས་༢༤ ཉིན་གྱི་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་ཐོག་སྔ་འགྱུར་རྙིང་མའི་དབུ་འཛིན་སྐྱབས་རྗེ་ཀཿཐོག་དགེ་རྩེ་རིན་པོ་ཆེ་མཆོག་དང་སྐུ་བཅར་རྣམ་རྒྱལ་གྲྭ་ཚང་གི་མཁན་པོ་ཁྲོམ་ཐོག་རིན་པོ་ཆེ་མཆོག དེ་བཞིན་སེར་སྐྱ་མང་ཚོགས་བཅས་ནས་ཐེག་ཆེན་ཆོས་གླིང་གཙུག་ལག་ཁང་དུ་བོད་ཀྱི་བསྟན་སྲིད་དོན་དུ་མ་ཧཱ་གུ་རུའི་འབུམ་ཚོགས་ཚོགས་གནང་ཡོད།
དེ་ཡང་གསར་འགོད་པས་སྐུ་བཅར་རྣམ་རྒྱལ་གྲྭ་ཚང་གི་མཁན་པོ་ཁྲོམ་ཐོག་རིན་པོ་ཆེ་མཆོག་ལ་དེ་རིང་གི་འབུམ་ཚོགས་སྐོར་དྲི་བ་ཞུས་པར་རིན་པོ་ཆེ་མཆོག་གིས་ལན་འདེབས་གནང་དོན།
བོད་ཀྱི་བསྟན་སྲིད་ཆེད་དུ་ལྷ་བླ་ཁག་གིས་ཕྱོགས་གསུམ་བཞི་ཞིག་ལ་འབུམ་ཚོགས་འབུལ་དགོས་པའི་ལུང་བསྟན་དང་བཀའ་ལུང་མང་པོ་ཕེབས་ཡོད་ས་རེད། གཙོ་ཆེ་ཤོས་བལ་ཡུལ་དང་ས་ཆ་གཞན་ཁག་གཅིག་ནས་བླ་ཆེན་རྣམ་པས་དབུ་འཛུགས་ཐོག་འབུམ་ཚོགས་ཕུལ་ཡོད་པ་དང་།
དེ་རིང་འདིར་བོད་ཀྱི་བསྟན་སྲིད་ཆེད་དུ་སྤྱི་ནོར་༸གོས་ས་༸སྐྱབས་མགོན་ཆེན་པོ་མཆོག་དང་སྔ་འགྱུར་རྙིང་མའི་དབུ་འཛིན་སྐྱབས་རྗེ་ཀཿཐོག་དགེ་རྩེ་རིན་པོ་ཆེ་མཆོག་ཆིབས་སྒྱུར་བསྐྱངས་ཡོད། དེར་བསྟན་དེ་གནད་འགག་ཆེན་པོ་ཞིག་ཡིན་པ་འདྲ། ཅེས་གསུངས།།
རྣམ་རྒྱལ་གྲྭ་ཚང་གི་མཁན་པོ་ཁྲོམ་ཐོག་རིན་པོ་ཆེ་མཆོག
