༢༠༡༨ ཟླ་ ༤ ཚེས་ ༢༧ རེས་གཟའ་པ་སངས།
༄༅། །བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་འདི་ལོའི་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་བཞི་པ་དེ་བཞུགས་སྒར་རྡ་རམ་ས་ལར་ཕྱི་ལོ་ ༢༠༡༨ ཕྱི་ཟླ་ ༨ ཚེས་ ༢༢ ནས་ ༢༤ བར་ཉིན་གསུམ་རིང་ཚོགས་རྒྱུར་གནང་གཏན་འཁེལ་ཡོད་འདུག འདི་ལོའི་ཉམས་ཞིབ་ཚོགས་འདུའི་ནང་རྒྱ་གར་དང་ཕྱི་རྒྱལ་ཡུལ་གྲུ་ཁག་གི་གཙུག་ལག་སློབ་ཆེན་ནང་ཡོད་པའི་བོད་རིགས་སློབ་མ་འབུམ་རམས་པ་དང་། ཉེ་བའི་འབུམ་རམས་པ། དེ་བཞིན་ཉམས་ཞིབ་ལྟེ་གནས་ཁང་འདྲ་མིན་ནང་ཉམས་ཞིབ་གནང་མུས་ཡིན་པའི་ཉམས་ཞིབ་པ་རྣམས་ནས་གཤམ་འཁོད་བརྗོད་གཞི་ཁག་དང་འབྲེལ་བའི་གཏམ་བཤད་དང་དཔྱད་རྩོམ་ཕྱོགས་བསྡུས་བྱ་རྒྱུ་ཡིན།
བརྗོད་གཞི།
༡༽བོད་ཀྱི་སྤྱི་ཚོགས་དང་དཔལ་འབྱོར་འཛུགས་སྐྲུན།
༢༽བོད་ཀྱི་ཁོར་ཡུག
༣༽བོད་ཀྱི་ཆོས་དང་རིག་གཞུང་།
༤༽བཙན་བྱོལ་བོད་མིའི་གནས་སྟངས།
༥༽བོད་ཀྱི་རྒྱལ་རབས་ལོ་རྒྱུས།
༦༽བོད་ནང་རྒྱ་ནག་གི་འགོ་འཁྲིད་དང་སྲིད་བྱུས།
༧༽བོད་དང་རྒྱལ་སྤྱིའི་འབྲེལ་ལམ།
༨༽བོད་ཀྱི་ཤེས་ཡོན་དང་སྐད་ཡིག
ཚོགས་བཅར་དེབ་སྐྱེལ།
• ཚོགས་བཅར་གནང་འདོད་ཡོད་པ་རྣམས། ཕྱི་ལོ་ ༢༠༡༨ ཟླ་ ༥ ཚེས་ ༣༠ འགྱངས་མེད་དེབ་སྐྱེལ་དང་། རྩོམ་ཡིག་སྙིང་བསྡུས་ཚིག་འབྲུ་ ༢༥༠ ལས་མི་ཉུང་བ་དང། ༣༠༠ ལས་མི་མང་བ་གཏོང་དགོས་པ་ཡིན།
• དྲ་རྒྱའི་དེབ་སྐྱེལ་གྱི་འགེངས་ཤོག་དགང་དགོས་པ་དང་ཡང་ན་བོད་ཀྱི་སྲིད་བྱུས་ཉམས་ཞིབ་ཁང་གི་དྲ་རྒྱ་ www.tibetpolicy.net ནས་དེབ་སྐྱེལ་གྱི་འགེངས་ཤོག་ཕབ་ལེན་ཞུ་ཆོག
• ཚོགས་འདུ་འདིར་རྒྱ་གར་དང་ཕྱི་རྒྱལ་ཡུལ་གྲུ་ཁག་གི་གཙུག་ལག་སློབ་ཆེན་ནང་ཡོད་པའི་བོད་རིགས་སློབ་མ་འབུམ་རམས་པ་དང་། ཉེ་བའི་འབུམ་རམས་པ། དེ་བཞིན་ཉམས་ཞིབ་ལྟེ་གནས་ཁང་ནང་ཉམས་ཞིབ་གནང་བཞིན་པའི་ཉམས་ཞིབ་པ་རྣམས་ནས་ཚོགས་བཅར་གནང་ཆོག
• ཚོགས་བཅར་བ་རྣམས་ཀྱི་ལམ་གྲོན་དང་། བཞུགས་གནས་སོགས་ཚོགས་འདུ་གོ་སྒྲིག་པས་རྩིས་འབུལ་ཞུ་རྒྱུ།
• ཕྱི་རྒྱལ་ཡུལ་གྲུ་ཁག་ནས་ཚོགས་བཅར་ཞུ་མཁན་རང་ཉིད་ནས་ལམ་གྲོན་འགན་ཁུར་དགོས་པ་དང་ལྡི་ལཱི་ནས་རྡ་ས་པར་སྤྱི་སྤྱོད་རླངས་འཁོར་གྱི་རིན་འབབ་ཚོགས་འདུ་གོ་སྒྲིག་པས་རྩིས་འབུལ་ཞུ་རྒྱུ་ཡིན།
རྩོམ་བསྡུ་དང་འབྲེལ་བའི་གནད་དོན།
• རྩོམ་ཡིག་སྙིང་བསྡུས་རྣམས་ལ་ཞིབ་འཇུག་ཟིན་རྗེས། ༢༠༡༨ ཟླ་ ༦ ཚེས་ ༡༥ གོང་གཏམ་བཤད་གནང་མཁན་དོ་བདག་སོ་སོར་འབྲེལ་བ་ཞུ་རྒྱུ།
• རྩོམ་ཡིག་ཚིག་འབྲུ་ ༣༠༠༠ ལས་མི་ཉུང་བ་དང་། ༣༥༠༠ ལས་མི་མང་བ་ ༢༠༡༨ ཟླ་ ༧ ཚེས་ ༡༥ གོང་ཚོགས་འདུ་གོ་སྒྲིག་པར་འབུལ་འབྱོར་ཟིན་པ་དགོས་རྒྱུ།
• རྩོམ་ཡིག་དང་གཏམ་བཤད་གཉིས་བོད་ཨིན་སྐད་ཡིག་གང་རུང་བཀོད་སྤྱོད་ཆོག།
• ཚོགས་འདུའི་སྐོར་དོགས་འདྲི་ཡོད་ཚེ། བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་གཞོན་པ་བསྟན་འཛིན་ལེགས་བཤད་ལ་ཐད་ཀར་འབྲེལ་བ་གནང་རོགས། འབྲེལ་གཏུག གློག་འཕྲིན [email protected] ཞལ་པར་ཨང་གྲངས་ ༨༨༥༡༨༢༢༩༩༠
