ཕྱི་ལོ་ ༢༠༡༨ ཟླ་ ༢ ཚེས་ ༢༠ རེས་གཟའ་མིག་དམར།

༄༅། །ཕྱི་ལོ་ ༢༠༡༧ ཟླ་ ༢ ཚེས་ ༡༦ ནས་ ༡༨ བར་ལོ་གསར་ཉིན་གསུམ་རིང་ཨོ་སི་ཀྲི་ལི་ཡའི་རྒྱལ་ས་ཀེན་བྷེ་རའི་ Canberra  མི་མང་འདུ་འཛོམས་ཆེ་སའི་ Garema Place ཞེས་པའི་ས་གནས་སུ་རྒྱལ་ཡོངས་སྣ་མང་རིག་གཞུང་དུས་དྲན་སྲུང་བརྩི་གཟབ་རྒྱས་ཞུས་འདུག

དེ་ཡང་རྒྱལ་ཡོངས་སྣ་མང་རིག་གཞུང་དེ་ལོ་གཅིག་ལ་ཐེངས་གཅིག་སྲུང་བརྩི་ཞུ་གི་ཡོད་པ་དང་། མི་རིགས་འདྲ་མིན་དང་རྒྱལ་ཁབ་འདྲ་མིན་མཉམ་ཞུགས་ཀྱིས་སོ་སོའི་རིག་གཞུང་དང་གོམས་སྲོལ་འགྲེམས་སྟོན་བྱེད་ཀྱི་ཡོད་པ་རེད། སྐབས་དེར་བོད་ཀྱི་རིག་གཞུང་བསྟི་གནས་ཁང་གི་འགན་ཁུར་འོག་དུས་དྲན་དེའི་ནང་མཉམ་ཞུགས་ཀྱིས་བོད་པའི་ཐུན་མིན་ཆོས་དང་རིག་གཞུང་སོགས་པར་རིས་དང་སྒྱུ་རྩལ་དངོས་རིགས་ཀྱི་ལམ་ནས་འགྲེམས་སྟོན་གནང་འདུག

བོད་རིགས་རྣམས་ནས་དུས་དྲན་ཚང་མའི་ནང་མཉམ་ཞུགས་ཀྱིས་རིག་གཞུང་ཁྲབ་སྟོན་སོགས་གནང་ཡོད་པ་དང་། ཐེངས་འདིར་དུས་དྲན་དེའི་ནང་མཉམ་ཞུགས་ཀྱིས་མི་རིགས་འདྲ་མིན་ལ་བོད་ཀྱི་ཆོས་དང་རིག་གཞུང་སོགས་ངོ་སྤྲོད་གནང་བ་ཐེངས་ ༡༣ དེ་ཆགས་ཀྱི་ཡོད་འདུག །