༢༠༡༨ ཟླ་ ༢ ཚེས་ ༨ རེས་གཟའ་ཕུར་བུ།

༄༅། ། ཕྱི་ལོ་ ༢༠༡༨ ཟླ་ ༢ ཚེས་ ༧ ཉིན་བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་གིས་རྒྱལ་སྤྱིའི་ནང་པའི་མཐུན་ཚོགས་ཀྱི་འགན་འཛིན་དགེ་སློང་བྷེ་ལན་ཝི་ལ་ Dr Bellanwila Wimalaratana Thero མཆོག་སྐུ་གཤེགས་པར་མྱ་ངན་གུས་འདུད་དང་སྦྲགས་གདུང་སེམས་མཉམ་སྐྱེའི་འཕྲིན་ཡིག་ཅིག་ཕུལ་བའི་ནང་འཁོད་དོན།

ལྡི་ལིར་རྟེན་གཞི་བྱས་པའི་རྒྱལ་སྤྱིའི་ནང་པའི་མཐུན་ཚོགས་ཀྱི་དྲུང་ཆེ་ལས་ཁུངས་བརྒྱུད་གོ་ཐོས་ལ། ཕྱི་ལོ་ ༢༠༡༨ ཟླ་ ༢ ཚེས་ ༣ ཉིན་རྒྱལ་སྤྱིའི་ནང་པའི་མཐུན་ཚོགས་ཀྱི་འགན་འཛིན་དགེ་སློང་བྷེ་ལན་ཝི་ལ་ Bellanwila Wimalaratana Thero དམ་པ་མཆོག་གློ་བུར་དུ་སྐུ་གཤེགས་པར་ང་རང་བློ་ཕམ་ཧ་ཅང་བྱུང་།  དེར་བརྟེན་ངས་དམ་པ་ཁོང་གི་ཤུལ་ལུས་ནང་མི་སྤུན་མཆེད་དང་།  སློབ་མ་འཁོར་བཅས་ལ་སྙིང་ཁུང་རུས་པའི་གཏིང་ནས་སེམས་གསོ་ཞུ་རྒྱུ་ཡིན།

 བཀུར་འོས་ཞིང་གཤེགས་དམ་པ་མཆོག་གི་སྐུ་ཚེའི་མཛད་རྣམ་ལ་མཚོན་ན། སྐུ་ཚེ་ཧྲིལ་པོའི་རིང་མཁས་ཤིང་གྲུབ་པ་འཛིན་པའི་འདུལ་བའི་ཉམས་བཞེས་པ་ཙམ་མ་ཟད།  ཆོས་ཕྱོགས་ཀྱི་དབུ་ཁྲིད་ཡིན་བཞིན་དུ་སྤྱི་ཚོགས་ཀྱི་བདེ་དོན་སླད་ཕྱག་ལས་ཧ་ཅང་གནང་མྱོང་ཡོད་མཁན་ཀུན་གྱི་མིག་དཔེར་འོས་པ་ཞིག་ཏུ་གྱུར་ཡོད་འདུག དེར་བརྟེན་ང་ཚོས་དམ་པ་ཁོང་གིས་སྐུ་འཚོ་བཞུགས་རིང་བསྟན་པ་དང་འགྲོ་བའི་སླད་ཕྱག་ལས་རྒྱ་ཆེན་པོ་གནང་བ་དེར་ཡི་རངས་བསྔགས་བརྗོད་ཞུ་བ་དང་ལྷན་མཐའ་དོན་དམ་པ་ཁོང་གི་ཐུགས་བཞེད་ལྷུན་གྱིས་འགྲུབ་པ་དང་རྣམ་མཁྱེན་རྒྱལ་བའི་གོ་འཕང་མྱུར་དུ་ཐོབ་སྟེ་འདུལ་བྱ་རྣམས་ཚེ་རབས་ནས་ཚེ་རབས་རྗེས་སུ་འཛིན་པའི་སྨོན་འདུན་ཤུགས་དྲག་དང་བཅས།།