༢༠༡༨ ཟླ་ ༡ ཚེས་ ༢ རེས་གཟའ་མིག་དམར།
༄༅། །འདི་ག་ཕྱི་དྲིལ་བོད་ཡིག་ཚན་པའི་གསར་འགོད་པ་ངག་དབང་ཐོགས་མེད་ཀྱིས་ས་གནས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༨ ཟླ་ ༡ ཚེས་ ༢ རེས་གཟའ་མིག་དམར་ཉིན་གྱི་སྔ་དྲོ་ཆུ་ཚོད་ ༩ ཐོག་བཀའ་བློན་ཁྲི་ཟུར་སློབ་དཔོན་ཟམ་གདོང་རིན་པོ་ཆེ་མཆོག་གིས་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་ཨ་ཏི་ཤའི་ཚོགས་ཁང་དུ་ལྔ་བཅུའི་དུས་སྟོན་དུ་མཉམ་ཞུགས་གནང་མཁན་སློབ་ཟུར་རྣམས་ལ་གསུང་བཤད་གནང་ཡོད།
དེ་ཡང་སྐབས་དེར་ཐོག་མར་རྒྱལ་རབས་སློབ་དཔོན་བྱམས་པ་བསམ་གཏན་ལགས་ཀྱིས་ངོ་སྤྲོད་གནང་བཤད་གནང་དོན། རང་ཅག་རྣམས་ལ་བཀའ་དྲིན་ལྷག་པར་དུ་ཆེ་བའི་སྐྱབས་རྗེ་ཟམ་གདོང་རིན་པོ་ཆེ་མཆོག་མཐོ་རིམ་སློབ་གྲྭའི་ལོ་ ༥༠ འཁོར་བའི་དུས་སྟོན་འདི་དང་སྟབས་བསྟུན་ནས་ཕེབས་སྐབས་རྒྱལ་ཁབ་ཁག་མི་འདྲ་བ་ ༡༢ ཙམ་ནས་ཕེབས་པའི་སློབ་ཟུར་རྣམས་ལ་ལམ་སྟོན་བཀའ་སློབ་ཞིག་སྩལ་གནང་ཡོང་བ་ཞུ་ཞེས་གསོལ་བ་ཕུར་ཚུགས་སུ་བཏབ་ནས་ཞེ་ས་མ་ཞུས་ན། བོད་པའི་ཁ་རྒྱུན་ན་ཕྲུ་གུ་ངུ་ས་ཨ་མའི་འགྲམ་དུ་རེད། ཅེས་པ་ལྟར་ང་ཚོས་སློབ་སྟོན་གྱི་རེ་བ་བཅོལ་ས་དེ་སྐྱབས་རྗེ་རིན་པོ་ཆེ་རང་རེད།
ད་ལྟ་འདིར་ཡོད་པ་རྣམས་གང་དུ་ཡོད་པ་དང་གནས་སྟངས་ཇི་འདྲ་ཞིག་ཆགས་ཡོད་ཀྱང་ལོ་ ༥༠ སྔོན་ལ་ང་ཚོ་གང་འདྲ་ཡོད་པ་ཐོག་མ་འགོ་ཚུགས་སྐབས་ང་ཚོ་གང་འདྲ་ཡོད་པ་ད་ལྟ་ང་ཚོ་ག་པར་བསླེབ་འདུག་རང་གིས་རང་ལ་ཕྱི་མིག་ཞིག་བལྟ་བ་ཡིན་ནའང་སོ་སོར་ད་ལྟ་གང་ཡོད་པ་དེ་དག་ཀྱང་གང་ཟག་སྒེར་ལ་མཚོན་ནའང་རེད། སློབ་གྲྭ་འདིའི་ཕྱིའི་གཙུག་ལག་ཁང་གི་འཛུགས་སྐྲུན་དེ་དག་ལ་མཚོན་ནའང་རེད། སྐྱབས་རྗེ་རིན་པོ་ཆེ་མཆོག་གི་སྐུ་ཚེའི་ནང་གི་ལོ་ངོ་ ༣༠ ཐམ་པའི་རིང་སྐུ་ལས་སྐྱོན་པ་དེའི་འབྲས་བུར་འདི་འདྲ་ཞིག་བསྒྲུབ་ཡོད། ཅེས་སོགས་ཀྱི་གསུང་བཤད་གནང་རྗེས་སློབ་དཔོན་མཁས་དབང་ཟམ་གདོང་རིན་པོ་ཆེ་མཆོག་གིས་གསུང་བཤད་གནང་དོན།
སཱར་ནཱཐ་བོད་ཀྱི་གཙུག་ལག་སློབ་གཉེར་ཁང་གི་ཉེ་བའི་རིགས་བདག་སློབ་དཔོན་དགེ་བཤེས་ངག་དབང་བསམ་གཏན་མཆོག བོད་མིའི་སྒྲིག་འཛུགས་ཀྱི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་ཨཱཅཱརྱ་ཡེ་ཤེས་ཕུན་ཚོགས་མཆོག ངའི་ཕྱག་སྦྲེལ་བཀའ་ཟུར་སྐུ་ངོ་ཐུབ་བསྟན་ལུང་རིག བཀའ་ཟུར་ལས་ལྷག་པ་ཚོགས་ཟུར་ཡང་རེད། དེ་བཞིན་སློབ་ཁང་འདིའི་སློབ་དཔོན་ལས་ཐོག་པ་དང་སློབ་དཔོན་ཟུར་པ། རྒྱལ་ཁབ་ ༡༢ ཙམ་ནས་དེ་སྔ་ཝཱ་རཱ་ཎ་སིར་སློབ་སྦྱོང་གནང་མྱོང་མཁན་དེ་རིང་ཆེད་མངགས་དོན་གཉེར་ཆེན་པོ་བྱས་ནས་འདིར་ ༥༠ དུས་དྲན་ཐོག་འདུ་འཛོམས་གནང་ཡོད།
གོང་དུ་སློབ་དཔོན་བྱམས་པ་བསམ་གཏན་མཆོག་གིས་གསུངས་པ་ལྟར་སློབ་ཟུར་མཐུན་ཚོགས་ཀྱིས་སྔ་ཕྱི་ཐེངས་གསུམ་ཙམ་ངའི་སར་ཕེབས་ནས་དེ་རིང་ཡིན་ཅིག་ཡོང་དགོས་ཡོད་གནད་འགག་ཡོད་ཅེས་ཨུ་ཚུགས་གནང་བྱུང་། དེ་སྔོན་ཉེ་བའི་རིགས་བདག་མཆོག་གི་ཕྱག་བྲིས་གནང་བྱུང་། མཇལ་སྐབས་སུའང་གསུང་གི་འདུག ལྔ་བཅུའི་དུས་སྟོན་གྱི་མཛད་སྒོ་དང་དེའི་གོང་ཉིན་གཉིས་རིང་རྒྱལ་སྤྱིའི་བགྲོ་གླེང་ལྷན་ཚོགས་སུ་ཡོང་ཐུབ་ན་ཡག་པོ་ཡོད་ཅེས་གསུངས་བྱུང་། སྔ་མོ་ལོ་ན་གཞོན་དུས་དུས་སྟོན་བྱ་རྒྱུར་དགའ་པོ་ཡོད། ད་ཆ་ལོ་ན་རྒས་དུས་སྣང་བ་དེ་ཙམ་མིན་འདུག གང་ལྟར་མཛད་སྒོ་དང་ཆོ་ག་ཕྱག་ལེན་ལྟ་བུ་རེད། བཅར་མི་དགོས་པ་བྱུང་ན་ཞེས་ཉེ་བའི་རིགས་བདག་ལ་འདི་འདྲ་ཞུས་པ་ཡིན། དེའི་གོང་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་དུ་ཕྱི་ཟླ་ ༡ ཚེས་ ༥།༦།༧ ཉིན་རྒྱ་གར་བ་ཚོར་གསུང་ཆོས་སྩལ་རྒྱུ་ལོ་གཅིག་ཙམ་གོང་ནས་ཐུགས་གཏན་འཁེལ་ཡོད།
དེ་དང་ཆབས་ཅིག་ཧི་མཱ་ལ་ཡི་རི་རྒྱུད་དང་རྒྱ་གར་གྱི་མི་མང་པོ་ཞིག་འཛོམས་སྐབས་དང་བསྟུན་འབྲས་སྤུངས་བློ་གསལ་གླིང་སྤྲུལ་སྐུ་མཐུན་ཚོགས་ཀྱིས་སྤྲུལ་སྐུ་སྐུ་ན་གཞོན་པ་དེ་ཚོས་གསུང་ཆོས་ཞུ་རྒྱུ་དང་ཆབས་ཅིག་རྡོ་རྗེ་གདན་དུ་ཕེབས་རྒྱུ་ཡིན། ང་ཚོ་མཉམ་དུ་ཉིན་ཤས་བསྡད་ནས་གཞུང་གི་སྐོར་དང་གནས་ཚུལ་རེ་ཟུང་ཐོག་ལ་གོ་བསྡུར་བྱས་ན་ཞེས་ལས་གཞི་དེ་གཏན་འཁེལ་ཡོད། དེར་བརྟེན་འདིར་བཅར་མི་དགོས་པ་ཞིག་བྱུང་ན་བསམས་དྲན་པ་རེད། འོན་ཀྱང་ཡིན་གཅིག་ཤོག་གསུངས་སྟབས་འདི་ནས་རླངས་འཁོར་བཏང་ནས་ལེན་དུ་བཏང་འདུག དེར་བརྟེན་བཅར་བ་རེད།
དེ་རིང་འདིར་བསླེབས་ནས་དགའ་པོ་དང་བློ་འདོད་ཚིམ་པོ་བྱུང་། སློབ་ཟུར་མང་པོ་ཞིག་ཐག་རིང་པོ་ནས་བསླེབས་འདུག བྱང་སྒྲ་མི་སྙན་ནས་བསླེབས་མཁན་མང་པོ་འདུག ནམ་ཕྱེད་ཉི་མ
ཕྱོགས་གཅིག་ནས་ལྷན་རྒྱས་ཚོ་ལོ་མང་རིང་མཇལ་འཕྲད་བྱུང་ཡོད་ཀྱི་མ་རེད་བསམ་བཞིན་འདུག དེར་བརྟེན་གྲོགས་པོ་རྙིང་པ་དེ་དག་ཡང་སྐྱར་མཇལ་འཛོམས་གནང་རྒྱུ་འདིར་ཨིན་སྐད་ནང་ reunion ཞེས་བརྗོད། དེ་དང་ཆབས་ཅིག་གསན་བསམ་གནང་བཞིན་པའི་སློབ་ཕྲུག་རྣམས་ལའང་བློ་སྤོབས་སྐྱེ་རྒྱུ་དང་། སེམས་ཤུགས་སྤར་རྒྱུ་ལྟ་བུ་ཡོང་རྒྱུ་རེད། སྤྱིར་བཏང་ཁྱེད་རང་ཚོས་སློབ་གྲྭ་ཐོན་པའི་རྗེས་ལའང་གཙུག་ལག་སློབ་ཁང་འདིའི་སྣོད་བཅུད་གང་གི་ཐད་ནས་ཡར་རྒྱས་དང་གསར་གཏོད་ཇི་སྙེད་བྱུང་པ་དེ་དག་ཀྱང་གཅིག་གཟིགས་ཡོང་སྐབས་ཏན་ཏན་དོན་དང་ལྡན་པ་དང་ཕན་ཐོགས་ཡོད་པ་ཆགས་ཡོད་རེད་བསམ་པ་དྲན་བཞིན་འདུག
ང་ཚོ་ལོ་མང་པོ་མ་མཇལ་བར་དེ་རིང་མཇལ་སྐབས་བགྲེས་སོང་ཆགས་ནས་ཞལ་མ་ཚོར་བ་དེ་འདྲའང་འགའ་ཤས་བྱུང་། སྔ་མོ་སྐམ་པོ་དེ་ཚོ་རྒྱག་རིལ་རིལ་ཆགས་འདུག སྔོན་མ་རྒྱགས་པ་དེ་ཚོ་སྐམ་པོ་ཆགས་འདུག སྔ་མོ་སྐྲ་ནག་པོ་དེ་ཚོ་དཀར་པོ་ཆགས་འདུག འགའ་ཤས་དཀར་པོ་བྱུག་མཁན་དེ་འདྲ་ཡོད་མདོག་ཁ་པོ་རེད། ཕྱི་ལོ་ ༡༩༥༩ ལོར་བོད་མི་སྐྱབས་བཅོལ་བ་ཁྲི་བརྒྱད་ཡས་མས་ཤིག་རྒྱ་གར་དུ་འབྱོར་བ་རེད། དེ་ཚོས་རྒྱ་གར་ནང་དུ་འཚོ་ཐབས་དང་རང་རང་གི་མི་ཚེའི་མདུན་ལམ་གཉིས་ཀའི་ཐོག་དགོངས་པ་བཞེས་དགོས་པ་ཞིག་ཆགས་ཡོད།
ཁ་སང་༸གོང་ས་༸སྐྱབས་མགོན་ཆེན་པོས་ཟུར་ཙམ་བཀའ་སྩལ་བ་ལྟར་རེད། འབྲུག་ཡུལ་བརྒྱུད་ནས་ཡོང་མཁན་གྱི་བོད་མི་སྐྱབས་བཅོལ་བ་ཚང་མ་བྷེང་གཱལ་གྱི་སྦག་ས་ཌོར་ཞེས་པ་དེར་བསགས་ནས་བཞག་ཡོད། མོན་བརྒྱུད་ནས་ཡོང་མཁན་ཚང་མ་ཨཱ་སམ་ Assam གྱི་ཏེ་ཇི་པུར་ Tezpur རྫོང་གི་མི་ས་མ་རི་ Missamari ཞེས་པ་དེར་བསགས་ནས་ཐོག་མར་སྐྱབས་བཅོལ་བ་གསོག་སའི་ས་གནས་གཉིས་དང་། དེའི་ནང་ནས་ལོ་གཞོན་པའམ་ལོ་ཉི་ཤུ་རྩ་་གྲངས་མན་ཆད་དེ་ཚོའི་གྲས་སློབ་གྲྭ་ཁག་ལ་གཏོང་རྒྱུའི་འཆར་གཞི་དར་བབ་དེ་ཚོ་རང་རང་སོ་སོའི་འཚོ་ཐབས་ཀྱི་མདུན་ལམ་གཞིས་ཆགས་ཁག་སྐབས་དེར་གཞི་ནས་འགོ་འཛུགས་རྒྱུ་ཡིན་སྟབས་མང་ཆེ་བ་ལམ་བཟོར་བཏང་གནང་བ་རེད། རྒན་འཁོགས་ནད་གཅོང་དེ་དག་རྒན་གསོ་ཁང་དང་སྨན་བཅོས་སོགས་གནང་ཡོད།
དེའི་ནང་ནས་རིས་སུ་མ་ཆད་པའི་ཆོས་བརྒྱུད་ཁག་ནས་བཤད་གྲྭ་གདན་ས་ཁག་གི་ནང་སློབ་གཉེར་གནང་བཞིན་པ་དེ་དག་ལམ་བཟོ་དེ་འདྲར་འགྲོ་མི་དགོས་པར་སློབ་གཉེར་མུ་མཐུད་ནས་གནང་རྒྱུ་བྱུང་ན་དགོངས་པ་དེ་༸རྒྱལ་བ་རིན་པོ་ཆེའི་དགོངས་བཞེད་ནང་ལའང་ཡོད་པ་ཞིག་རེད། ས་གནས་སོ་སོར་འབྱོར་ཟིན་པའི་སློབ་གཉེར་བ་དེ་ཚོའི་སྙན་ཞུ་ཕུལ་བ་དེ་འདྲ་བྱས་ནས་ཐོག་མ་སློབ་གཉེར་བ་ ༥༠༠ ཙམ་དང་། དེ་ནས་ ༡༥༠༠ སྤར་ནས་དེ་དག་མུ་མཐུད་ནས་སྦག་སར་བཞུགས་ནས་མི་ས་མ་རིར་ཡོད་མཁན་ཚོ་སྦག་སར་ཟླ་སྒྲིལ་བཏང་། ཡང་དེའི་ཆ་ཤས་སུ་ཌལ་ཧོར་དུ་སྤོས་པ་དེ་འདྲ་རེད། སྐབས་དེར་འཕྲལ་སེལ་གྱི་གནས་བབ་དེ་འདྲ་ཞིག་བྱུང་བ་རེད།
གཞིས་ཆགས་དང་ལམ་བཟོ། སློབ་གྲྭར་གཏོང་རྒྱུའི་འཆར་གཞི་
གཉིས་ནས་སློབ་གཉེར་བྱས་རྗེས་ཁོ
དེའི་སྔོན་ནས་ཕྱི་ལོ་ ༡༩༥༦།༥༧ ལོར་བོད་ནང་རྒྱ་མི་འབྱོར་ཟིན་སྐ
དེར་བརྟེན་ནེ་རུའི་བསམ་བློའི་
སྐབས་དེར་མི་ཆ་ཧ་ཅང་དཀོན་པོ་ཡོ
སྐབས་དེར་གཞུང་མདུན་དུ་ཐོན་ནས་
མགྲོན་ཤོག་འབྱོར་སྐབས་དེར་༸གོ
དེར་བརྟེན་རྒྱ་གར་གྱི་སྲུང་སྐྱོ
གཞུང་གི་ངོས་ནས་མགྲོན་ཤོག་ཕུལ་
