༢༠༡༨ ཟླ་ ༡ ཚེས་ ༡༦ རེས་གཟའ་མིག་དམར།
༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་ཕྱི་ལོ་ ༢༠༡༨ ཟླ་ ༡ ཚེས་ ༡༧ རེས་གཟའ་ལྷག་པ་ཉིན་རྒྱབ་ནས་ཕྱི་ལོ་ ༢༠༡༨ ཟླ་ ༢ ཚེས་ ༥ བར་རྒྱ་གར་གྱི་རྒྱལ་ས་ལྡི་ལི་དང་། སྦེལ་ཇམ། ཕ་རན་སི། སུད་སི་བཅས་སུ་གཞུང་འབྲེལ་ཕྱོགས་ཕེབས་གནང་གཏན་འཁེལ་ཡོད།
དེ་ཡང་དཔལ་ལྡན་སྲིད་སྐྱོང་མཆོག་ཟླ་འདིའི་ཕྱི་ཚེས་ ༡༧ ཉིན་རྡ་ས་ག་གཱལ་གནམ་ཐང་ནས་མཁའ་ལམ་བརྒྱུད་ལྡི་ལིར་ཕེབས་ཐོན་གྱིས་ཕྱི་ཚེས་ ༡༨ ཉིན་ས་གནས་སུ་ལས་འཆར་དང་། ཕྱི་ཚེས་ ༡༩ ཉིན་ལྡི་ལི་ནས་སུད་སེར་ཕེབས་ཐོན་གྱིས་ཕྱི་ཚེས་ ༡༩ དང་ ༢༠
བཅས་སུ་ས་གནས་སུ་ལས་འཆར། ཕྱི་ཚེས་ ༢༡ ཉིན་སུད་སི་ནས་སྦེལ་ཇམ་དུ་ཕེབས་ཐོན་གྱིས་ཕྱི་ཚེས་ ༢༡ ནས་ ༢༤ བར་ས་གནས་སུ་ལས་འཆར། ཕྱི་ཚེས་ ༢༤ ཉིན་སྦེལ་ཇམ་ནས་ཕ་རན་སིར་ཕེབས་ཐོན་གྱིས་ཕྱི་ཚེས་ ༢༥ ནས་ ༢༧ བར་ས་གནས་སུ་ལས་འཆར། ཕྱི་ཚེས་ ༢༨ ཉིན་ཕ་རན་སི་ནས་སུད་སིར་ཕེབས་འབྱོར་གྱིས་ས་གནས་སུ་ལས་འཆར་ཁག་ཡོངས་སུ་ལེགས་པར་གྲུབ་མཚམས། ཕྱི་ཚེས་ ༣ ཉིན་སུད་སི་ནས་ལྡི་ལིར་ཕེབས་ཐོན་གནང་རྒྱུ་བཅས།།
