༢༠༡༨ ཟླ་ ༡ ཚེས་ ༢༥ རེས་གཟའ་ཕུར་བུ།

༄༅། །ཕྱི་ལོ་ ༢༠༡༨ ཟླ་ ༡ ཚེས་ ༢༥ རེས་གཟའ་ཕུར་བུའི་སྔ་དྲོ་ཆུ་ཚོད་ ༨།༣༠ ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་གྱི་གསུང་རའི་ནང་ཨེ་ལེ་སི་ལས་འཆར་ཁང་ Alice Project འོག་སློབ་གྲྭ་དང་མཐོ་སློབ་ཁག་གི་ནང་ཀུན་ཁྱབ་བཟང་སྤྱོད་ Education for Universal Ethics in Schools and Colleges ཅེས་པའི་བརྗོད་གཞིའི་ཐོག་དགེ་ལས་སློབ་ཕྲུག་རྣམས་ལ་བཀའ་སློབ་སྩལ་རྒྱུ་མ་ཟད།  ཆུ་ཚོད་ ༡༡ ཙམ་ལ་བྱང་ཆུབ་མཆོད་རྟེན་ཆེན་མོའི་ཉེ་འགྲམ་དུ་རྟེན་གཞི་བྱས་པའི་ཐའི་ལེནྜི་དགོན་པ་གསར་པ་ At Watpa  ཞེས་པ་དབུ་འབྱེད་རབ་གནས་དང་བཀའ་སློབ་སྩལ་གཏན་འཁེལ་འདུག དེ་ཡང་གདན་ཞུའི་གསོལ་འདེབས་ཞུ་མཁན་ཐའི་རྒྱ་གར་ནང་པའི་མཐུན་ཚོགས་ Buddhist Thai-Bharat Society ཞེས་པ་ཡིན་འདུག་པ་བཅས།།