༢༠༡༧ ཟླ་ ༡༢ ཚེས་ ༢༩ རེས་གཟའ་པ་སངས།
༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རིང་མིན་ཕྱི་ལོ་གསར་པའི་ནང་གནས་མཆོག་རྡོ་རྗེ་གདན་དུ་ཆིབས་སྒྱུར་བཀའ་དྲིན་བསྐྱང་གནང་མཛད་རྒྱུ་ཡིན་སྟབས། ༸སྐུ་ཕྱྭའི་ཉེན་སྲུང་ཐོག་བསྐྱར་ཞིབ་གནང་ཆེད། གནས་དེར་ཕྱི་ཟླ་ ༡༢ ཚེས་ ༢༦ ཉིན་བདེ་སྲུང་བཀའ་བློན་འཕགས་པ་ཚེ་རིང་མཆོག་དབུ་བཞུགས་ཐོག་གྷ་ཡ་རྫོང་དཔོན། ཉེན་རྟོག་འགོ་དཔོན། གོ་སྒྲིག་ཚོགས་ཆུང་གི་ཚོགས་མི་རྣམ་གྲྭ་བསྟན་འཛིན་དཀོན་མཆོག་ལགས་དང་། འཇམ་དཔལ་ལྷུན་གྲུབ་ལགས། དེ་བཞིན་བདེ་སྲུང་ལས་བྱེད་འཇིག་མེད་རྒྱ་མཚོ་ལགས་ཀྱི་གཙོས་འབྲེལ་ཡོད་ལས་བྱེད་བཅས་ཚང་འཛོམས་ཐོག་ཚོགས་འདུ་ཚོགས་འདུག
སྐབས་དེར་༸གོང་ས་མཆོག་གི་༸སྐུ་ཕྱྭའི་ཉེན་སྲུང་དང་ཆོས་ཞུ་བ་རྣམས་ལ་ཆུ་གློག་གི་མཐུན་རྐྱེན། དེ་བཞིན་༸གོང་ས་མཆོག་གི་ཆིབས་སྒྱུར་སྐབས་གོ་སྐབས་བཟུང་ནས་ཟ་ཁང་ཁག་གི་ཟས་རིན་དང་མགྲོན་ཁང་ཁག་གི་རིན་བབ་ཧ་ཅང་ཆེན་པོ་ལེན་རྒྱུའི་ཉེན་ཁ་ཡོད་སྟབས་དེར་སྟངས་འཛིན་གནང་ཕྱོགས་སྐོར་གོ་བསྡུར་ཞིབ་ཕྲ་གནང་འདུག་པ་བཅས།།
