༢༠༡༧ ཟླ་ ༡༡ ཚེས་ ༨ རེས་གཟའ་ལྷག་པ།
ཕྱི་ལོ་ ༢༠༡༦ ཧེ་ལི་ཕེག་སིའི་ནང་དུ་རྒྱལ་སྤྱིའི་བདེ་འཇགས་ལྷན་ཚོགས་སྐབས།
༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་ཕྱི་ལོ་ ༢༠༡༧ ཟླ་ ༡༡ ཚེས་ ༨ ཉིན་རྒྱབ་ནས་ཟླ་ ༡༡ ཚེས་ ༢༥ བར་ལྡི་ལི་བརྒྱུད་ཌེན་མག་དང་ནོར་སྦེ། སུ་ལྦི་ཌེན། ཁེ་ན་ཌའི་གྲོང་ཁྱེར་ཧི་ལི་ཕེག་སི། གྲོང་འཁྱེར་ཊོ་རོན་ཊོ། རྒྱལ་ས་ཨོ་ཊ་ལྦ། དེ་རྗེས་ཨིན་ཡུལ་བཅས་སུ་གཞུང་འབྲེལ་ཕྱོགས་ཕེབས་གནང་གཏན་འཁེལ་ཡོད།
དེ་ཡང་དཔལ་ལྡན་སྲིད་སྐྱོང་མཆོག་ཕྱི་ཟླ་ ༡༡ ཚེས་ ༨ ཉིན་རྒྱབ་རྡ་ས་ག་གལ་གནམ་ཐང་ནས་ལྡི་ལི་བརྒྱུད་ཌེན་མག་ཏུ་ཕེབས་ཐོན་གྱིས་ས་གནས་སུ་གཞུང་འབྲེལ་ལས་དོན་སྤེལ་རྒྱུ་དང་། ཕྱི་ཟླ་ ༡༡ ཚེས་ ༡༨ དང་ ༡༩ ཉིན་ཁེ་ན་ཌའི་གྲོང་འཁྱེར་ཧི་ལི་ཕེག་སི་ནང་དུ་རྒྱལ་སྤྱིའི་བདེ་འཇགས་གླིང་ཞེས་པའི་ལྷན་ཚོགས་སུ་མཉམ་ཞུགས་དང་སྦྲགས་གསུང་བཤད་གནང་རྒྱུ་སོགས་ཀྱི་ལས་རིམ་ཁག་ལེགས་པར་གྲུབ་མཚམས་ཕྱི་ཟླ་ ༡༡ ཚེས་ ༢༤ ཉིན་ལྡི་ལིར་ཕེབས་འབྱོར་གནང་རྒྱུ་དང་། ལྡི་ལི་ས་གནས་སུ་ལས་རིམ་ཁག་ཡོངས་སུ་ལེགས་གྲུབ་རྗེས་ཕྱི་ཟླ་ ༡༡ ཚེས ༢༥ ཉིན་རྒྱ་གར་རྒྱལ་ས་ལྡི་ལི་ནས་ཕེབས་ཐོན་གྱིས་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས།།
