༢༠༡༧ ཟླ་ ༡༡ ཚེས་ ༡༦ རེས་གཟའ་ཕུར་བུ།
བློན་ཆེན་མཆོག
༄༅། །ཁེ་ན་ཌའི་གྲོས་ཚོགས་ནང་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཞོན་སྐུ་ཞབས་རན་ཌལ་གེ་རི་སོན་ Mr Randall Garrison མཆོག་གིས་འདི་ལོའི་ཕྱི་ཟླ་ ༦ ནང་ཁེ་ན་ཌའི་སྲིད་གཞུང་ལ་བོད་ཀྱི་པཎ་ཆེན་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་གང་དུ་ཡོད་མེད་དང་། ཁོང་གི་གནས་སྟངས་རྒྱུས་ལོན་ཆེད་གཞུང་གིས་སྐུ་ཚབ་རྟོག་ཞིབ་ཚོགས་པ་གཏོང་གནང་རྒྱུ་བཅས་ཀྱི་གནད་དོན་ཐོག་དྲི་བ་ཕུལ་བར། ཕྱི་སྲིད་བློན་ཆེན་སྐུ་ཞབས་ཁི་རི་སི་ཊི་ཡ་ཕྲི་ལེན་ཌི་ Chrystia Freeland མཆོག་གིས་རྒྱ་ནག་གཞུང་ལ་བོད་མིའི་འགྲོ་བ་མིའི་ཐོབ་ཐང་དང་ཆོས་དད་རང་དབང་ལ་བརྩི་བཀུར་ཞུ་དགོས་པའི་རེ་འདུན་ཤུགས་ཆེ་དང་སྦྲགས། ཀུན་གཟིགས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་དང་ཁོང་གི་ནང་མི་བཅས་ཀྱི་གནས་སྟངས་ཇི་ཡིན་གསལ་བཤད་དགོས་པའི་བསྒྲགས་གཏམ་སྤེལ་བའི་ནང་འཁོད་དོན།
གྲོས་ཚོགས་འཐུས་མི།
རྒྱ་ནག་གཞུང་གིས་འཛམ་གླིང་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ཚོགས་ཆུང་གི་ཚོགས་མི་དང་། རྒྱལ་ཚོགས་ཀྱི་ཆོས་དད་རང་དབང་སྲུང་སྐྱོབ་པའི་ཆེད་ལས་མི་སྣ་ཀུན་གཟིགས་པཎ་ཆེན་རིན་པོ་ཆེ་མཆོག་གི་གནས་སྟངས་རྟོག་ཞིབ་སླད་ཆོག་མཆན་ཕུལ་དགོས། པཎ་ཆེན་དགེ་འདུན་ཆོས་ཀྱི་ཉི་མ་མཆོག་ཕྱི་ལོ་ ༡༩༩༥ ལོར་དགུང་གྲངས་ ༦ ལས་སོན་མེད་ཀྱང་རྒྱ་ནག་གཞུང་གི་བཙན་དབང་འོག་གར་སོང་ཆ་མེད་དུ་གྱུར་ཡོད། ཅེས་འཁོད་པ་མ་ཟད། རིན་པོ་ཆེ་མཆོག་ད་ལྟ་གང་དུ་ཡོད་མེད་དང་ཁོང་དང་ཁོང་གི་ནང་མའི་གནས་སྟངས་ཇི་ཡིན། དེ་བཞིན་ཆུང་སྲིད་རིན་པོ་ཆེ་མཆོག་གི་ཤེས་ཡོན་གནས་སྟངས་ཇི་འདྲ་ཡིན་པ། ནང་མི་དང་བཅས་པར་ནམ་ཞིག་གློད་ཀྲོལ་བྱ་མིན་ཐོག་གསལ་བཤད་དགོས་སྐོར་འཁོད།
སྤྱིར་གོང་གི་གྲོས་ཚོགས་འཐུས་མི་ཁོང་ནས་རྒྱ་ནག་རྒྱལ་ས་པེ་ཅིང་དུ་ཡོད་པའི་ཁེ་ན་ཌའི་གཞུང་ཚབ་པ་མཆོག་གིས་ཁེ་ན་ཌའི་སྐུ་ཚབ་བོད་ནང་བསྐྱོད་ཆོག་པའི་ཆོག་མཆན་ཞུ་རྒྱུའི་ལས་དོན་མཇུག་སྐྱོང་ཇི་འདྲ་གནང་མིན་སོགས་ཀྱི་དྲི་བ་ཕུལ་འདུག
ཕྱི་སྲིད་བློན་ཆེན་མཆོག་ནས་ཁེ་ན་ཌའི་སྲིད་གཞུང་གིས་བོད་མིའི་འགྲོ་བ་མིའི་ཐོབ་ཐང་དང་ཆོས་དད་རང་དབང་ལ་རྒྱ་ནག་གཞུང་གིས་གུས་བཀུར་ཞུ་དགོས་པའི་རེ་འདུན་ཤུགས་ཆེ་བཏོན་འདུག་པ་བཅས།།
.
