༢༠༡༧ ཟླ་ ༡༡ ཚེས་ ༧ རེས་གཟའ་མིག་དམར།

སྐུ་པར། ཆོས་འབྱོར་ལགས།

༄༅། །ཕྱི་ལོ་ ༢༠༡༧ ཟླ་ ༡༡ ཚེས་ ༧ ཉིན་གྱི་སྔ་དྲོ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་ཕོ་བྲང་ནང་དུ་ཨ་རིའི་ནང་རྟེན་གཞི་བྱས་པའི་ཞི་བདེ་གོང་སྤེལ་གྱི་གཞོན་སྐྱེས་འགོ་ཁྲིད་ལྷན་ཚོགས་ United States Institute of Peace   ཐེངས་གཉིས་པའི་ཐོག་བཀའ་སློབ་སྩལ་བའི་བརྙན་འཕྲིན་དཀྱིལ་ཤར་ཡུལ་གྲུའི་གསར་འགྱུར་བརྒྱུད་ལམ་ཨལ་ཇ་ཛི་རའི་ Aljazeera ཞེས་པའི་སྤྱི་ཚོགས་དྲ་རྒྱའི་ནང་ཐད་ཀར་རྒྱང་བསྲིང་ཞུས་འདུག

དེ་ཡང་དམག་འཁྲུག་དང་འཇིགས་སྐུལ་དྲག་སྤྱོད་པའི་དཀའ་ངལ་འོག་ཚུད་པའི་རྒྱལ་ཁབ་ཨབ་གྷ་ནི་སི་ཐན་Afghanistan དང་འབར་མ།  Burma ཀོ་ལམ་བྷི་ཡ། Colombia  ཨི་རཱག Iraq ནེ་ཇི་རི་ཡ།  Nigeria  ཤྲི་ལངྐ།  Sri Lanka  ལྷོ་སུ་དཱན།  South Sudan  སི་རི་ཡ།  Syria ཏུ་ནི་ཤི་ཡ།  Tunisia དཀྱིལ་ཤར་ཡུལ་གྲུ།    United Arab Emirates   ཨ་རི། USA   སུ་དཱན་ Sudan བཅས་རྒྱལ་ཁབ་ ༡༢ ནས་ཚོགས་བཅར་བ་མི་གྲངས་ ༢༥ ལྷན་འཛོམས་ཐོག་༸གོང་ས་མཆོག་གིས་ཞི་བདེ་བསྐྲུན་ཐབས་སྐོར་བཀའ་སློབ་སྩལ་འདུག

རྒྱང་སྲིང་སྐབས་དེར་ཐོག་མར་ལྷོ་སུ་དཱན་ནས་ཡིན་པ་གཞོན་སྐྱེས་ཨ་ལུ་ཝེལ་ཨ་ཏེམ་ལགས་དང་། ཀོ་ལམ་བྷི་ཡ་Colombia ནས་ཡིན་པ་གཞོན་སྐྱེས་པའོ་ལ་པོ་ར་སི་Paula Porras ལགས།  དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་བཅས་ཞི་བདེའི་སྐོར་བགྲོ་གླེང་མཛད་པ་དཀྱིལ་ཤར་ཡུལ་གྲུའི་གསར་འགྱུར་བརྒྱུད་ལམ་གྲགས་ཅན་ཨལ་ཇ་ཛི་ར་AlJazeera English ཞེས་པའི་སྤྱི་ཚོགས་དྲ་རྒྱ་ད་སི་ཊིམ་ The Stream ཞེས་པ་བརྒྱུད་རྒྱང་བསྲིང་ཞུས་འདུག་པ་བཅས།།