༢༠༡༧ ཟླ་ ༡༠ ཚེས་ ༡༨ རེས་གཟའ་ལྷག་པ།

༄༅། །དབུས་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཁྱབ་ཁོངས་སློབ་ཁག་དུ་མདུན་ལམ་སློབ་སྟོན་པའི་ས་མིག་སྟོང་པ་ཡོད་ན། གཤམ་གསལ་ཆ་རྐྱེན་ཚང་ཞིང་དོན་དམ་སློབ་གྲྭའི་ནང་མདུན་ལམ་སློབ་སྟོན་ཆེད་ཞབས་འདེགས་ཞུ་འདོད་ཡོད་རིགས་ནས་ཕྱི་ལོ་ ༢༠༡༧ ཟླ ༡༡ ཚེས་ ༢༧ འགྱངས་མེད་འཚང་སྙན་འབུལ་འཐུས།

༡། ལས་འགན། སློབ་གྲྭའི་ནང་མདུན་ལམ་སློབ་སྟོན་པ།

༢། ཤེས་ཚད། ངོས་འཛིན་ཡོད་པའི་རྒྱ་གར་དང་ཕྱི་རྒྱལ་མཐོ་རིམ་གཙུག་ལག་སློབ་ཁང་གང་རུང་ནས། བསམ་བློའི་ཚན་རིག (Psychology) ཐོག་གཙུག་ལག་རབ་འབྱམས་པ་ (M.A./M.Sc. in Psychology or Master in Social Work – MSW) ཐོན་པའམ། ཡང་ན། ཤེས་ཡོན་རིག་པའི་གཙུག་ལག་རབ་འབྱམས་པ་ (M.A. Education) ཐོན་པའི་ཤེས་ཚད་ལག་འཁྱེར་ངེས་པར་ཡོད་དགོས་དེ་དག་ལ་གྲུབ་འབྲས་ཨང་སྡེ་གཉིས་པ་ (2nd Division) ཡོད་ངེས་ངོས་འཛིན་ཡོད་པའི་མཐོ་སློབ་གང་རུང་ནས་ཐོན་པའི་ཐོག སློབ་ཕྲུག་གི་མདུན་ལམ་དང་བྱ་སྤྱོད་ལམ་སྟོན་ (Guidance & Counseling)ཐོག་ཉུང་མཐར་དུས་ཡུན་ལོ་གཅིག་རིང་མཐོ་རིམ་ཁྱད་སྦྱོང་ (Post Graduate Diploma) གང་རུང་ཐོན་པའི་ལག་འཁྱེར་ངེས་པར་ཡོད་དགོས། འོན་ཀྱང་རྩ་བའི་གཙུག་ལག་རབ་འབྱམས་པའི་ལག་འཁྱེར་དེ་ཉིད་སློབ་ཕྲུག་གི་མདུན་ལམ་དང་བྱ་སྤྱོད་ལམ་སྟོན་པ་ (Master Degree in Career Counseling & Guidance) ཐོན་པ་ཡིན་ཚེ་གོང་གསལ་མཐོ་རིམ་ཁྱད་སྦྱོང་གི་ལག་འཁྱེར་ཟུར་དུ་མེད་ཀྱང་འགྲིག་རྒྱུ།

༣། ཉམས་མྱོང་། མདུན་ལམ་སློབ་སྟོན་དང་འབྲེལ་བའི་ཐོག་ལས་ཀའི་ཉམས་མྱོངཡོད་ཚེ། ཉམས་མྱོང་ལག་འཁྱེར་ངོ་མ་དགོས་པ།

༤། ལོ་ཚད། རང་ལོ་ ༢༡ ལས་མི་ཉུང་ཞིང་ ༣༥ ལས་མ་བརྒལ་བ་དགོས།

༥། རྒྱུགས་གཞི། ཨིན་བོད་གཉིས་ཀྱི་ཐོག་ངག་རྒྱུགས་ཀྱི་ལམ་ནས་འདེམས་སྒྲུག་གནང་རྒྱུ།

དགོས་ངེས་ཆ་རྐྱེན།
➢ ཕྱི་ལོ་༢༠༡༧ ཟླ ༣ ཚེས་ ༣༡ བར་དྭང་བླངས་དཔྱ་ཁྲལ་ལག་དེབ་(Green Book)ཀྱི་ཤོག་གྲངས་དང་པོ་དང། གཉིས་པ། འབུལ་འབབ་གཙང་ཕུལ་ཟིན་པའི་མཐའ་མའི་ངོ་བཤུས།
➢ སྐྱབས་བཅོལ་ལག་དེབ་ (RC) ཤོག་གྲངས་དང་པོ་དང། གཉིས་པ། དུས་འགྱངས་ཞུས་པའི་མཐའ་མའི་ངོ་བཤུས་དགོས་པ།
➢ སྨན་པ་ཚད་ལྡན་ནས་གཟུགས་གཞི་བདེ་ཐང་ལས་འཕེར་ཡིན་པའི་སྨན་པའི་ངོས་སྦྱོར་དགོས་པ།
➢ སྤྱི་སྒེར་གང་རུང་ནང་ལས་ཀ་བྱེད་མུས་ཡིན་ཚེ་ལས་ཡུལ་ནས་དགག་ཆ་མེད་པའི་(No objection certificate)ངོས་སྦྱོར་ངོ་མ་དགོས་པ།
➢ དོ་བདག་སོ་སོར་འབྲེལ་བ་ཞུ་བདེའི་སླད་ཁ་བྱང་དང་གློག་འཕྲིན་(Email id) དེ་བཞིན་ཁ་པར་ཨང་གྲངས་སོགས་ཁ་གསལ་བཀོད་དགོས།
➢ ཁྲིམས་མཐུན་སྐྱེས་ཚེས་ལག་འཁྱེར་(Birth Certificate)དང་འཛིན་རིམ་བཅུ་པའི་ལག་འཁྱེར་ (class X pass certificate) གྱི་ངོ་བཤུས།
➢ གོང་གསལ་ཡིག་ཆའི་ངོ་བཤུས་ཁག་ལ་འབྲེལ་ཡོད་ས་གནས་འགོ་འཛིན་ནམ་ཟུང་དྲུང་གནས་རིམ་ཡན་སུ་རུང་གི་དག་མཆན་(Attestation) དགོས་རྒྱུ།
➢ ལག་འཁྱེར་སོགས་ཡིག་ཆ་ངོ་མ་རྣམས་འབྱོར་ཐོ་སྐྱོན་སྐབས་མཉམ་འཁྱེར་དགོས་རྒྱུ།(Original documents for verification) གོང་གསལ་དུས་བཀག་ཟིན་རྗེས་འཚང་སྙན་འབུལ་རིགས་རྩིས་མེད་ཡིན། ཆ་རྐྱེན་ཚང་བའི་ཞུ་སྙན་ཕུལ་མཁན་རྣམས་འདེམས་རྒྱུགས་ཀྱི་ཚེས་ཆ་སྐབས་མཚམས་ཐག་གཅོད་བྱ་རྒྱུ་ཡིན་པ་བཅས་ཀྱི་ཡོངས་ཁྱབ་གསལ་བསྒྲགས་སུ། ཤེས་རིག་ལས་ཁུངས་ནས་ཕྱི་ལོ་ ༢༠༡༧ ཟླ་ ༡༠ ཚེས་ ༡༨ ཉིན་ལ།

Secretary
Department of Education,CTA
Gangchen Kyishong
Dharamsala-176215
Distt.Kangra
H.P India