༢༠༡༧ ཟླ་ ༡༠ ཚེས་ ༩ རེས་གཟའ་ཟླ་བ།
༄༅། །བོད་རྒྱ་གྲོས་མོལ་བསྐྱར་གསོ་ཡོང་ཐབས་སླད་བཞུགས་སྒར་དརྨ་ཤཱ་ལའི་ནང་དཔལ་ལྡན་སྲིད་སྐྱོང་མཆོག་དབུ་བཞུགས་ཉིན་གཉིས་རིང་གི་བོད་རྒྱ་ཞི་མོལ་ལས་དོན་ཚོགས་ཆུང་ཐེངས་ ༢༩ དབུ་འཛུགས་གནང་འདུག ལྷན་ཚོགས་སྐབས་འབྱུང་འགྱུར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དང་རྒྱ་ནག་གཞུང་གི་སྐུ་ཚབ་འཐུས་མིའི་དབར་གྲོས་མོལ་བསྐྱར་གསོ་ཡོང་སླད་ཐབས་ལམ་ཇི་འདྲ་ཞིག་ལག་བསྟར་དགོས་མིན་སོགས་ཀྱི་ཐད་བསྐྱར་ཞིབ་གནང་རྒྱུ་དང་། ད་ཐེངས་བོད་རྒྱ་ཞི་མོལ་ལས་དོན་ཚོགས་ཆུང་ཚོགས་ཐེངས་ ༢༩ ཆགས་ཡོད་ཅིང་། བོད་རྒྱ་ཞི་མོལ་ལས་དོན་ཚོགས་ཆུང་ཐོག་མ་དེ་ཕྱི་ལོ་ ༡༩༩༦ ལོར་ཚོགས་འདུག་པ་དང་། བོད་རྒྱ་ཞི་མོལ་ལས་དོན་ཚོགས་ཆུང་གི་ལྷན་ཚོགས་མཐའ་མ་དེ་ཕྱི་ལོ་ ༢༠༡༦ ཟླ་ ༦ ནང་དརྨ་ཤཱ་ལར་ཚོགས་ཡོད།
དེ་ཡང་སྤྱིར་བོད་རྒྱ་ཞི་མོལ་ལས་དོན་ཚོགས་ཆུང་ཚོགས་དགོས་དོན་གཙོ་བོ་ནི། བོད་ཀྱི་གནད་དོན་དེ་གཉིས་སྨན་དབུ་མའི་ལམ་གྱི་ཐབས་ལམ་གཞིར་འཛིན་ནས་བོད་མི་རྣམས་ལ་མིང་དོན་མཚུངས་པའི་རང་སྐྱོང་གི་གནས་བབས་ཚད་ལྡན་ཞིག་ཐོབ་ཐབས་བྱ་རྒྱུ་དང་། དེའི་ཆེད་དུ་རྒྱ་ནག་དང་དུས་བསྟུན་ཆབ་སྲིད་ཀྱི་ལངས་ཕྱོགས་དང་ཐབས་བྱུས་ཇི་དགེ་ལག་བསྟར་ཡོང་རྒྱུ་སོགས་ཀྱི་གནད་དོན་ཐོག་གོ་བསྡུར་སྦྱངས་བཤད་གནང་རྒྱུ་ཡིན་འདུག་པ་བཅ།།
