༢༠༡༧ ཟླ་ ༡༠ ཚེས་ ༣ རེས་གཟའ་མིག་དམར།

སྦེལ་ཇམ་གྱི་སྲིད་བློན་གཞོན་པ་མཆོག་དང་། གྲོང་ཁྱེར་ཨེནྜ་ཝརྤན་གྱི་སྲིད་སྐྱོང་མཆོག དེ་བཞིན་ཡུ་རོབ་སྤྱི་མཐུན་ཚོགས་པའི་ནང་རྒྱ་གར་གཞུང་ཚབ་པ་མཆོག་བཅས་དང་ལྷན།

༄༅། །སྦར་སེལ་སྐུ་ཚབ་དོན་གཅོད་བཀྲ་ཤིས་ཕུན་ཚོགས་ལགས་གྲོང་ཁྱེར་ཨེནྜ་ཝརྤན་ནང་དུ་རྒྱ་གར་གྱི་མེས་པོ་དམ་པ་བདག་ཉིད་ཆེན་པོ་གྷན་དི་མཆོག་གི་སྐུའི་འཁྲུངས་སྐར་མཛད་སྒོར་བཅར་འདུག སྐབས་དེར་སྦེལ་ཇམ་གྱི་སྲིད་བློན་གཞོན་པ་སྐུ་ཞབས་ཀི་རི་སི་པི་ཊར་སི་ Kris Peters  མཆོག་དང་།  གྲོང་ཁྱེར་ཨེནྜ་ཝརྤན་གྱི་སྲིད་སྐྱོང་ལྕམ་སྐུ་ཀེ་ཐི་བྷེར་སི་ Ms Cathy Bers  མཆོག  དེ་བཞིན་ཡུ་རོབ་སྤྱི་མཐུན་ཚོགས་པའི་ནང་རྒྱ་གར་གཞུང་ཚབ་པ་ལྕམ་སྐུ་གྷ་ཡཏྲི་ཨི་སཱར་ཀུ་མཱར་ Ms Gaitri Issar Kumar མཆོག་གིས་གཙོས་གནད་ཡོད་མི་སྣ་མང་དག་ཅིག་ཕེབས་འདུག་ཅིང་།   མཛད་སྒོ་གོ་སྒྲིག་གནང་མཁན་སྦེལ་ཇམ་རྒྱ་གར་གཞུང་ཚབ་ལས་ཁུངས་ཡིན་འདུག

སྦེལ་ཇམ་གྱི་སྲིད་བློན་གཞོན་པ་སྐུ་ཞབས་ཀི་རི་སི་པི་ཊར་སི་ Kris Peters མཆོག་དང་ལྷན།

དེ་ཡང་མཛད་སྒོའི་ཐོག་མར་བདག་ཉིད་ཆེན་པོ་གྷན་དི་མཆོག་གི་སྨོན་ལམ་གསུང་འདོན་གནང་།  དེ་རྗེས་རྒྱ་གར་གཞུང་ཚབ་པ་མཆོག་དང་གྲོང་ཁྱེར་ཨེནྜ་ཝརྤན་གྱི་སྲིད་སྐྱོང་ལྕམ་སྐུ་ཀེ་ཐི་བྷེར་སི་ Ms Cathy Bers  མཆོག  དེ་བཞིན་ཡུལ་དེའི་སྲིད་བློན་གཞོན་པ་སྐུ་ཞབས་ཀི་རི་སི་པི་ཊར་སི་ Kris Peters  མཆོག་བཅས་ཀྱིས་གསུང་བཤད་གནང་།

ཡུ་རོབ་སྤྱི་མཐུན་ཚོགས་པའི་ནང་རྒྱ་གར་གཞུང་ཚབ་པ་ལྕམ་སྐུ་གྷ་ཡཏྲི་ཨི་སཱར་ཀུ་མཱར་ Ms Gaitri Issar Kumar མཆོག་དང་ལྷན།

གསུང་བཤད་ལས་རིམ་ཡོངས་སུ་ལེགས་གྲུབ་རྗེས་བདག་ཉིད་ཆེན་པོ་གྷན་དི་མཆོག་གི་སྐུ་འདྲར་ཆེ་བསྟོད་ཞུས།  སྐབས་དེར་སྐུ་ཚབ་དོན་གཅོད་བཀྲ་ཤིས་ཕུན་ཚོགས་ལགས་ནས་ཀྱང་མེས་པོ་དམ་པ་གྷན་དི་མཆོག་གི་སྐུ་འདྲར་མཇལ་ཁ་ཞུས་ནས་མེ་ཏོག་གི་ཕྲེང་པ་ཕུལ།

གཞན་ཡང་མཛད་སྒོའི་ཐོག་སྐུ་ཞབས་པྲ་མོ་དི་ཀ་པུར་ Mr Pramod Kapoor  ལགས་ཀྱིས་བརྩམས་པའི་བདག་ཉིད་ཆེན་པོ་གྷན་དིའི་སྐུ་ཚེའི་ལོ་རྒྱུས་སྐོར་གྱི་དེབ་  Gandhi: An Illustrated Biography  དབུ་འབྱེད་གནང་འདུག

མཛད་སྒོའི་ཐོག་སྦར་སེལ་སྐུ་ཚབ་དོན་ཁང་གི་དྲུང་ཆེ་མཐུ་སྟོབས་རྣམ་རྒྱལ་ལགས་ཀྱང་ཕེབས་ཡོད་པ་བཅས།།