ཕྱི་ལོ་ ༢༠༡༧ ཟླ་ ༩ ཚེས་ ༡༤ རེས་གཟའ་ཕུར་བུ།
༄༅། །དེ་སྔ་དཔལ་འབྱོར་ལས་ཁུངས་ཀྱི་འཆར་འགོད་ཁྱད་ལས་དྲུང་འཕར་སྐུ་ཞབས་དཀོན་མཆོག་བརྩོན་འགྲུས་ལགས་ཕྱི་ལོ་ ༢༠༡༧ ཟླ་ ༨ ཚེས་ ༡༨ ནས་སྤྱི་ཁྱབ་འཆར་འགོད་པ་བསྐོ་གཞག་གནང་ཡོད།
དེ་ཡང་སྐུ་ཞབས་དཀོན་མཆོག་བརྩོན་འགྲུས་ལགས་ནི། ཕྱི་ལོ་ ༢༠༠༡ ཟླ་ ༨ ཚེས་ ༢༠ ནས་ཟུང་དྲུང་གནས་རིམ་ཐོག་ལོ་གཅིག་རིང་གསར་བསྐོ་ཆོད་བལྟ་བསྐོ་གཞག་དང་། ཕྱི་ལོ་ ༢༠༠༡ ཟླ་ ༡༡ ཚེས་ ༩ ཉིན་འཆར་འགོད་ལས་ཁང་གི་ཁྱད་ལས་ཟུང་དྲུང་དུ་བསྐོ་གཞག ཕྱི་ལོ་ ༢༠༠༢ ཟླ་ ༩ ཚེས་ ༡༦ ནས་ལས་ངོ་བསྐོ་གཞག་གནང་ཐོག་ལས་འགན་རང་འཇགས།
ཕྱི་ལོ་ ༢༠༡༠ ཟླ་ ༧ ཚེས་ ༢༩ ནས་ཞབས་ལོའི་འབབ་ཀྱི་དྲུང་འཕར་གནས་རིམ་དུ་གནས་སྤར། ཕྱི་ལོ་ ༢༠༡༠ ཟླ་ ༡༡ ཚེས་ ༢ ནས་འཆར་འགོད་ལས་ཁང་གི་ཁྱད་ལས་རང་འཇགས། ཕྱི་ལོ་ ༢༠༡༧ ཟླ་ ༨ ཚེས་ ༡༦ ནས་ཞབས་ལོའི་འབབ་ཀྱི་དྲུང་ཡིག་ཆེན་མོའི་གནས་རིམ་དུ་གནས་སྤར། ཕྱི་ལོ་ ༢༠༡༧ ཟླ་ ༨ ཚེས་ ༡༨ ནས་དཔལ་འབྱོར་ལས་ཁུངས་ཀྱི་སྤྱི་ཁྱབ་འཆར་འགོད་པར་བསྐོ་གཞག་གནང་ཡོད་པ་བཅས།།
