༢༠༡༧ ཟླ་ ༩ ཚེས་ ༢༦ རེས་གཟའ་མིག་དམར།

༄༅། །འདི་ལོའི་ཕྱི་ཟླ་ ༦ ནང་ཨ་རིའི་སེན་ཌི་གོ་གྲོང་ཁྱེར་གྱི་ཁེ་ལི་ཕོར་ནི་ཡ་གཙུག་ལག་སློབ་གཉེར་ཁང་ UC San Diego  གི་བསླབ་པ་མཐར་སོན་པའི་དགའ་སྟོན་མཛད་སྒོའི་སྐུ་མགྲོན་གཙོ་བོར།  བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གདན་འདྲེན་ཞུས་པར་བརྟེན།  རྒྱ་ནག་གཞུང་གིས་ལོ་ལྟར་རྒྱ་ནག་ནས་ཨ་རིའི་མཐོ་སློབ་དེའི་ནང་སློབ་སྦྱོང་ཆེད་སློབ་ཡོན་སྤྲོད་བཞིན་ཡོད་པ་དེར་དམ་བསྒྲགས་བྱས་འདུག

དེ་ཡང་རྒྱ་ནག་གཞུང་གི་ཤེས་ཡོན་སློབ་ཡོན་ཚོགས་ཆུང་ཟེར་བ་དེས་ཕྱི་རྒྱལ་མཐོ་སློབ་འདྲ་མིན་ནང་སློབ་སྦྱོང་བྱ་རྒྱུའི་ཆེད་རྒྱ་རིགས་སློབ་ཕྲུག་རྣམས་ལ་སློབ་ཡོན་སྤྲོད་སྲོལ་ཡོད་འདུག

ཐེངས་འདིར་དམ་བསྒྲགས་བྱེད་དགོས་པའི་རྒྱུ་མཚན་གཙོ་བོ་ནོ་འདི་ལོའི་ཕྱི་ཟླ་ ༦ ནང་༸གོང་ས་༸སྐྱབས་མགོན་ཆེན་པོ་མཆོག་མཐོ་སློབ་དེར་ཆིབས་སྒྱུར་བསྐྱངས་པ་དེ་ལ་དམིགས་པ་ཞིག་ཡིན་འདུག་པ་བཅས།།