༢༠༡༧ ཟླ་ ༩ ཚེས་ ༥ རེས་གཟའ་མིག་དམར།
༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༧ ལོའི་ཟླ་ ༩ ཚེས་ ༣ ཉིན་ལྕམ་སྐུ་ནིར་མ་ལ་སི་ཏ་ར་མན་ Smt.Nirmala Sitharaman མཆོག་རྒྱ་གར་དབུས་གཞུང་གི་བདེ་སྲུང་བློན་ཆེན་ Defence Minister དུ་བསྐོ་གཞག་གནང་བ་དང་། སྐུ་ཞབས་པི་ཡུ་ཤི་གོ་ཡལ་ Piyush Goyal མཆོག་རྒྱ་གར་དབུས་གཞུང་གི་མེ་འཁོར་བློན་ཆེན་དུ་བསྐོ་གཞག་གནང་བ། དེ་བཞིན་བོད་དོན་རྒྱབ་སྐྱོར་བ་སྐུ་ཞབས་ Shri. Anant Kumar Dattatreya Hegde མཆོག་གིས་གཙོས་གཞན་ཁག་གཅིག་དབུས་གཞུང་གི་བློན་ཆེན་དུ་བསྐོ་གཞག་གནང་བར་བརྟེན།
དཔལ་ལྡན་ཚོགས་གཞོན་ཨཅཱརྱ་ཡེ་ཤེས་ཕུན་ཚོགས་མཆོག་ནས་བོད་མི་མང་སྤྱི་འཐུས་ལྷན་ཁང་གི་ཚབ་ཞུས་ཏེ་བཀའ་བློན་གསར་པ་ཁོང་རྣམས་ལ་དམིགས་བསལ་འཚམས་འདྲི་ཞུས་གནང་བ་དང་སྦྲགས་བོད་དོན་ཐོག་སྔར་ལྷག་རྒྱབ་སྐྱོར་གནང་སྐྱོང་ཡོང་བའི་རེ་སྐུལ་ཡང་ཞུས་གནང་ཡོད་པ་བཅས།།
