ཕྱི་ལོ་ ༢༠༡༧ ཟླ་ ༩ ཚེས་ ༡༥ རེས་གཟའ་ཕུར་བུ།
༄༅། །འཛམ་གླིང་བོན་འབངས་ཡོངས་རྫོགས་ཀྱི་དབུ་ཁྲིད་ྋཞྭ་དཀར་བསྟན་པའི་གཙུག་རྒྱན་ྋསྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་དཔལ་བཟང་པོ་མཆོག་བོན་གྱི་གདན་ས་ཆེན་པོ་ྋདཔལ་གཤེན་བསྟན་སྨན་རིའི་གླིང་གི་བླ་བྲང་དུ་ཁ་སང་ཕྱི་ཟླ་ ༩ ཚེས་ ༡༤ རེས་གཟའ་ཕུར་བུ་ཕྱི་དྲོ་ཆུ་ཚོད་ ༦།༢༥ ཐོག་དགོངས་པ་བོན་དབྱིངས་སུ་ཐིམ་ཚུལ་བསྟན་པའི་ཡིད་སྐྱོའི་གནས་ཚུལ་བྱུང་བར།བཀའ་ཤག་ལྷན་རྒྱས་ཐུགས་ཕམ་ཆེན་པོ་དང་བཅས་ཏེ་སྐུ་ཞི་བར་གཤེགས་པ་ྋསྐྱབས་རྗེ་རྒྱལ་བ་སྨན་རི་ཁྲི་འཛིན་མཆོག་གང་གི་ཐུགས་ཀྱི་བཞེད་དགོངས་མཐའ་དག་ཡོངས་སུ་རྫོགས་པ་དང་སླར་ཡང་ཞིང་འདིའི་
ལྷན་ཁང་ཁག་གི་དྲུང་ཆེ་ཆུང་རྣམ་པ
ཐུགས་དམ་གཡོ་མེད་བོན་གྱི་སྐུ་རུ་བཞུགས་བཞིན་པ།
དེ་རིང་ང་ཚོ་གཞུང་འབྲེལ་མྱ་ངན་གུས་འདུད་ཞུ་བཞིན་ཡོད། རྩ་བའི་བཀའ་དྲུང་ནས་༸སྐྱབས་རྗེ་སྨན་རི་ཁྲི་འཛིན་རིན་པོ་ཆེ་མཆོག་གི་མཛད་པ་འཕྲིན་ལས་ཞིབ་ཕྲ་སྙན་སྒྲོན་གནང་གི་རེད། ཁྲི་འཛིན་རིན་པོ་ཆེ་མཆོག་གི་སྐུ་ཚེའི་ནང་མཛད་པ་འཕྲིན་ལས་ཧ་ལས་པའི་རྒྱ་ཆེན་པོ་ཆགས་ཡོད། དཔེན་ན། གཡུང་དྲུང་བོན་གྱི་གདན་ས་ཆེན་མོས་དབུས་འཛམ་གླིང་ཁྱོན་ཡོངས་ལ་གཡུང་དྲུང་བོན་གྱི་བསྟན་པ་དར་སྤེལ་མཛད་པ་དང་།་ལྷག་པར་བོད་ནང་དུའང་གདན་ས་ཁག་བསྐྱར་གསོ་དང་དར་སྤེལ་མཛད་ཡོད།
ད་ལྟ་རྗེས་ཤུལ་བླ་བྲང་དང་གཞིས་བྱེས་གཉིས་ཀྱི་མཁན་སློབ་རྣམ་པས་དབུས་འདུས་ཚོགས་དང་། ཕྱི་ནང་ལ་ཡོད་པའི་སློབ་མ་རྣམ་པ་ཡོངས་ལ་བཀའ་ཤག་གི་ཚབ་བྱས་ཏེ་ཐུགས་གསོ་གཏིང་ཟབ་ཞུ་བཞིན་ཡོད་པ་མ་ཟད། ༸སྐྱབས་རྗེ་དམ་པ་མཆོག་གང་གི་ཐུགས་ཀྱི་བཞེད་དགོངས་མཐའ་དག་ཡོངས་སུ་རྫོགས་པའི་སྨོན་ལམ་ཤུགས་དྲག་ཞུ་གི་ཡོད།
ང་རང་ལྟ་བུ་ཡིན་ནའང་སྐྱབས་རྗེ་སྨན་རི་ཁྲི་འཛིན་དམ་པ་མཆོག་ཐེངས་འགའ་ཤས་མཇལ་རྒྱུའི་སྐལ་བཟང་གི་གོ་སྐབས་ཐོབ་བྱུང་། ཕལ་ཆེར་ཕྱི་ལོ་ ༡༩༩༣ ལོར་མཇལ་ཁ་ཐེངས་དང་པོ་དང་། དེ་རྗེས་ཐེངས་འགའ་ཤས་དང་དེ་ནས་མཇལ་ཁ་མཐའ་མ་དེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༠ བཞེས་པའི་༸སྐུའི་གྱ་སྟོན་རྟེན་འབྲེལ་མཛད་སྒོའི་སྐབས་མཇལ་བ་ཡིན། མཇལ་ཁ་ནམ་ཞུ་སྐབས་དམ་པ་ཁོང་ནི་བླ་ཆེན་ཡིན་པ་ཙམ་མ་ཟད། ཐུགས་ཧ་ཅང་བརྩེ་བ་ཆེན་པོས་སྐྱེ་འགྲོའི་བདེ་དོན་སླད་དགོངས་བཞེས་གནང་བ་ཙམ་མ་ཟད། ཕྱག་ལས་གནང་བཞིན་ཡོད་པ་གསལ་པོར་མཇལ་ཐུབ།
དེར་བརྟེན་ག་དུས་མཇལ་ཡང་སྐུ་བག་ཕེབས་དང་། ཐུགས་ཧ་ཅང་སྙོམས་ཆུང་ཞིང་། ཐུགས་གཤིས་བཟང་པོ། དུས་རྟག་ཏུ་མི་རབས་གསར་པ་ཚོས་འགན་ཁུར་ཡག་པོ་འཁྱེར་དགོས་པ་དང་། ༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་ལམ་སྟོན་ལྟར་ཕྱག་ལས་ཧུར་ཐག་གནང་སྟེ་བོད་ཀྱི་རྩ་དོན་ཐོག་ཤུགས་རྒྱག་དགོས་པའི་བཀའ་སློབ་ལམ་སྟོན་གནང་བཞིན་ཡོད།
དེར་བརྟེན་ང་རང་སྒེར་ཐོག་ནས་ཡིན་ནའང་རིན་པོ་ཆེ་མཆོག་ཁ་སང་དགོངས་པ་རྫོགས་པའི་གནས་ཚུལ་ཐོས་སྐབས་བློ་ཕམ་ཧ་ཅང་བྱུང་། ཕྱོགས་གཅིག་ནས་ང་ཚོས་དུས་རྟག་ཏུ་བརྗོད་བཞིན་པ་ལྟར་བོད་ཡུལ་ཤོར་ནས་མི་རབས་རྒན་པ་རྣམས་རིམ་བཞིན་ཕེབས་བཞིན་ཡོད། འོན་ཀྱང་ཁོང་ཚོའི་མངོན་འདོད་དེ་དག་ང་ཚོ་མི་རབས་གཞོན་པ་ཚོས་བསྒྲུབ་ཐབས་ཆེད་འབད་བརྩོན་བྱ་རྒྱུ་ཧ་ཅང་གལ་ཆེན་པོ་རེད། རིན་པོ་ཆེ་མཆོག་མཇལ་ཁ་མཐའ་མ་དེ་གྱ་སྟོན་སྐབས་སུ་ཡིན། གྱ་སྟོན་མཛད་སྒོ་ཡོངས་སུ་གྲུབ་ནས་ཕྱིར་བཞུགས་གནས་སུ་ཕེབས་ཁར་ཡང་ཆིབས་འགྲོའི་ནང་ནས་མཇལ་སྐབས་སྐུ་གཟུགས་དྭངས་སྐྱེད་དེ་ཙམ་མེད་པ་ཤེས་ཀྱི་ཡོད། དེར་བརྟེན་ཕེབས་ལམ་ལ་སྐུ་ལྷོ་ལྷོད་གནང་ནས་ཕེབས་རོགས་ཞེས་རེ་སྐུལ་ཞུས་པ་ཡིན། དེ་སྔོན་དུའང་མི་རབས་གསར་པས་འགན་ཡག་པོ་འཁྱེར་ནས་༸གོང་ས་མཆོག་གི་བཀའ་དགོངས་ལམ་སྟོན་འོག་ཤར་བསྐྱོད་གནང་དགོས་པའི་བཀའ་སློབ་ལམ་སྟོན་གནང་བ་དེ་དག་དུས་ནམ་ཡང་བརྗེད་ཐབས་མེད། དེ་རིང་སྐྱབས་རྗེ་དམ་པ་མཆོག་དགོངས་པ་རྫོགས་སྟབས་སྐུ་ཚེ་རྗེས་མ་དེར་ཡང་གཡང་དྲུང་བོན་གྱི་བསྟན་པ་དར་སྤེལ་ཆེད་དུ་སྐུ་ལས་སྐྱོན་མཁན་ཞིག་ཡོང་བ་དང་། བོད་ཀྱི་རྩ་དོན་ཆེད་དུ་སྐུ་ལས་སྐྱོན་མཁན་ཞིག་ཡོང་བར་ཤོག ཅེས་སྨོན་ལམ་ཞུ་རྒྱུ་ཡིན། ཚང་མས་ཐུགས་སྨོན་གནང་རོགས།།
