༢༠༡༧ ཟླ་ ༧ ཚེས་ ༡༤ རེས་གཟའ་པ་སངས།
༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། བཙན་བྱོལ་བོད་མིའི་གཞུང་དངུལ་འདུ་འགོད་དང་། ལོ་འཁོར་སྔོན་རྩིས། དངུལ་རྩིས་སྟངས་འཛིན་བཅས་ཀྱི་སྒྲིག་གཞི་དོན་ཚན་ ༡༠ པའི་ནང་གསེས་ ༢ དགོངས་དོན་ལྟར། སྤྱི་ཁྱབ་རྩིས་ཞིབ་ལས་ཁང་གི་རྩིས་ཁྲར་རྩིས་ཞིབ་བྱེད་པོའི་ཚོགས་ཆུང་ཞིག་བསྐོ་གཞག་གནང་དགོས་པ་བཞིན་ཕྱི་ལོ་ ༢༠༡༦ ཟླ་ ༦ ཚེས་ ༢༢ ཉིན་བོད་མི་མང་སྤྱི་འཐུས་རྒྱུན་ལས་ནས་སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་མཆོག་དང་། བདེ་སྲུང་དྲུང་གཞོན་ལྷ་དབང་རྒྱལ་པོ་ལགས། ཕྱི་དྲིལ་དྲུང་ལས་སྐལ་བཟང་ལྷུན་གྲུབ་ལགས་བཅས་དམིགས་འཛུགས་ཀྱིས་བསྐོ་གཞག་གནང་ཡོད་པ་དང་། བསྐོ་གཞག་གནང་བའི་ཚོགས་ཆུང་ནས་ལས་དོན་རུ་ངར་ཞིབ་ཚགས་གནང་སྟེ་ཕྱི་ལོ་ ༢༠༡༧ ཟླ་ ༧ ཚེས་ ༡༣ ཉིན་རྩིས་ཞིབ་ལས་ཁང་མ་ལག་དང་བཅས་པའི་རྩིས་ཁྲ་ཡོངས་ལ་རྩིས་ཞིབ་ལེགས་གྲུབ་ཀྱི་སྙན་ཐོ་ཚོགས་དྲུང་ལས་ཁུངས་སུ་ཕུལ་གྲུབ་ཟིན་པ་བཅས་ཀྱི་གནས་ཚུལ་དུ།།