༢༠༡༧ ཟླ་ ༧ ཚེས་ ༡༣ རེས་གཟའ་ཕུར་བུ།
༄༅། །ཕྱི་ལོ་ ༢༠༡༧ ཟླ་ ༧ ཚེས་ ༡༢ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གནས་ཆོག་རྡོ་རྗེ་གདན་ཞུ་གཞུང་འབྲེལ་ཕྱོགས་ཕེབས་ཀྱི་མཛད་འཆར་སྔོན་སོང་ལྟར་བྱང་ཆུབ་མཆོད་རྟེན་ཆེན་མོར་གནས་མཇལ་ཞུས།
སྐབས་དེར་རྡོར་གདན་བྱང་ཆུབ་མཆོད་རྟེན་ཆེན་མོའི་འཛིན་སྐྱོང་ལྷན་ཚོགས་ཀྱི་ཚོགས་གཙོ་གནས་བརྟན་སྡེ་པའི་དགེ་འདུན་པ་མཆོག་གིས་ཕེབས་བསུའི་སྣེ་ལེན་ཞུས་འདུག
ཐེངས་འདིར་ཆོས་རིག་དྲུང་ཆེ་ལུང་རྟོག་ལགས་ལྷན་བཅར་ཞུས་འདུག ཕྱི་ཉིན་དཔལ་ལྡན་སྲིད་སྐྱོང་མཆོག་ཝཱ་རཱ་ཎ་སིར་ཕེབས་ཏེ་བོད་ཀྱི་མཐོ་སློབ་ཁང་གི་སློབ་མ་རྣམས་ལ་གསུང་བཤད་གནང་གཏན་འཁེལ་བ་བཅས།།
