༢༠༡༧ ཟླ་ ༤ ཚེས་ ༡༨ རེས་གཟའ་མིག་དམར།
༄༅། །བརྒྱུད་ལམ་ཁག་ནས་གནས་ཚུལ་ཐོན་གསལ་ལྟར་ན། ཟླ་བ་འདིའི་
དམ་པ་ཁོང་གི་སྐྱེ་ཡུལ་གྲོང་སྡེ་ཉག་སྟོད་༼ཨ་བསེ་འབྲོག་པ།༽དང་༼ཀླུ་མོ་རོ།༽༼ཧོ་ར་མ།༽ གྲོང་སྡེ་གསུམ་ནང་ཡོད་པའི་མི་མང་ལ་རྒྱ་ནག་གཞུང་གིས་ཚོགས་འདུ་ཚོགས་ནས། དཀར་མཛེས་དང་རྫོང་ཁག་གཞན་ནང་སྔར་ནས་ཡིག་ཆ་ཁག་གསུམ་བཞི་མེད་ན་འགྲོ་འདུག་མི་ཆོག་པའི་ཁྲིམས་དམ་པོ་བཟོས་ཡོད་པ་མ་ཟད། ཟླ་བ་འདིའི་ཕྱི་ཚེས་ ༡༦ ནས་ཉིན་གཉིས་རིང་དེར་ཡོད་ཀྱི་མི་མང་ཚང་མ་བཀག་ཉར་བྱས་འདུག
དེ་ཡང་དཔལ་ལྡན་སྲིད་སྐྱོང་མཆོག་གིས་རང་ལུས་མེར་སྲེག་དང་འབྲེལ་གསུང་དོན། ཕྱི་ཟླ་ ༣ ཚེས་ ༡༨ ཉིན་རང་ལོ་ ༢༤ ལ་སོན་པའི་བོད་མི་པདྨ་རྒྱལ་མཚན་ལགས་ཀྱིས་དཀར་མཛེས་རྫོག་ཏུ་རང་ལུས་མེར་སྲེག་བཏང་ཡོད་པ་དང་། དེ་བཞིན་ལོ་གསུམ་གོང་ཕྱི་ཟླ་ ༤ ཚེས་ ༡༥ ཉིན་རང་ལོ་ ༣༢ ཡིན་པ་འཕྲིན་ལས་རྣམ་རྒྱལ་ལགས་ཀྱིས་དཀར་མཛེས་ཁུལ་དུ་རང་ལུས་མེར་སྲེག་བཏང་ཡོད། འདི་ལྟ་བུ་བོད་མི་རྣམས་ཀྱིས་རང་གི་གཅེས་པའི་ལུས་སྲོག་བློས་གཏོང་གནང་བ་དེས་བོད་ནང་རྒྱ་ནག་གཞུང་གིས་དྲག་གནོན་ཇེ་ཞན་ཇེ་སྡུག་ཏུ་འགྲོ་བཞིན་ཡོད་པ་ར་སྤྲོད་ཐུབ་ཀྱི་ཡོད། དེར་བརྟེན་རྒྱ་ནག་གཞུང་གིས་བོད་ནང་རང་དབང་དང་༸གོང་ས་མཆོག་བོད་ལ་ཕྱིར་ཕེབས་དགོས་པའི་བོད་མིའི་མངོན་འདོད་ཐོག་དོ་སྣང་སྤྲད་དགོས་པའི་དུས་ལ་བབས་ཡོད། རྒྱ་ནག་གཞུང་ནས་གང་མགྱོགས་བོད་མིའི་དོན་དམ་གྱི་དཀའ་སྡུག་སེལ་ཐབས་བྱེད་དགོས། ཞེས་གསུངས།།
