༢༠༡༧ ཟླ་ ༤ ཚེས་ ༢༤ རེས་གཟའ་ཟླ་བ།

༄༅། །བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་ཕྱི་ལོ་ ༢༠༡༧ ཟླ་ ༤ ཚེས་ ༢༤ ཉིན་གྱི་སྔ་དྲོ་གློ་བུར་ཛ་དྲག་ངང་འཇམ་མགོན་རྒྱལ་བའི་རྒྱལ་ཚབ་སྐྱབས་རྗེ་དགའ་ལྡན་ཁྲི་རིན་པོ་ཆེ་རྗེ་བཙུན་བློ་བཟང་བསྟན་འཛིན་མཆོག་གི་སྐུ་གདུང་ཞུགས་འབུལ་ཆེད་མོན་གྷོ་རུ་ཕེབས་ཐོན་གྱིས་ཕྱི་ཚེས་ ༢༦ ཉིན་འབྲས་སྤུངས་བློ་གསལ་གླིང་དུ་སྐུ་གདུང་ཞུགས་འབུལ་སྐབས་ངོ་བཅར་གནང་གཏན་འཁེལ་ཡོད།

དེ་ནས་ཕྱི་ཚེས་ ༢༧ ནས་ ༢༨ བར་ལྡི་ལིར་དཔལ་ལྡན་དགའ་ལྡན་ཕོ་བྲང་ནས་གོ་སྒྲིག་ཞུས་པའི་ཆོས་དང་མ་འབྲེལ་བའི་བཟང་སྤྱོད་ Meeting on Secular Ethics ཞེས་པའི་བགྲོ་གླེང་ཚོགས་འདུར་ངོ་བཅར་གནང་རྒྱུ་ཡིན་འདུག་པ་བཅས།།