༢༠༡༧ ཟླ་ ༣ ཚེས་ ༢༥ རེས་གཟའ་སྤེན་པ།
༄༅། །ཕྱི་ལོ་ ༢༠༡༧ ཟླ་ ༣ ཚེས་ ༢༥ རེས་གཟའ་སྤེན་པའི་ཉིན་སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གསུམ་པ་རྒྱལ་ཁའི་ངང་མཇུག་སྒྲིལ་ཡོད། དེ་ཡང་དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་མཇུག་བསྡོམས་གསུང་བཤད་གནང་དོན།
ཐེངས་འདིར་ང་ཚོས་ལས་རིམ་བསྐྱང་སྐབས་མང་ཆེ་བ་སྔོན་རྩིས་ཀྱི་ཐོག་བཏང་བ་རེད། སྔོན་རྩིས་ཀྱི་ལས་རིམ་སྐབས་དཔལ་ལྡན་བཀའ་ཤག་ལྷན་རྒྱས་དང་བཀུར་འོས་གྲོས་ཚོགས་ཀྱི་འཐུས་མི་རྣམ་པས་ཚ་ཚ་འུར་འུར་གྱི་ཐོག་ནས་ཆ་ཤས་བླངས་ཏེ་སྔོན་རྩིས་ཀྱི་ལས་རིམ་གང་ཙམ་ཞིབ་ཚགས་པོ་དང་ཡག་པོ་བྱུང་སོང་། དེར་བརྟེན་ཚོགས་གཙོ་གཉིས་ཀྱི་ངོས་ནས་ཚང་མར་ལེགས་གསོལ་བསྔགས་བརྗོད་ཞུ་རྒྱུ་ཡིན།
ང་ཚོའི་དཔལ་འབྱོར་གྱི་གནས་བབ་ཐོག་ནས་དཔལ་འབྱོར་བཀའ་བློན་མཆོག་གིས་སྔོན་རྩིས་ཀྱི་གཏམ་བཤད་ནང་ཡོད་པ་གཞིར་བཟུང་། ང་ཚོའི་དཔལ་འབྱོར་གྱི་ཡོང་འབབ་ཡོང་ཁུངས་གཅིག་རང་དབང་དཔྱ་ཁྲལ་ལག་དེབ་ཆགས་ཡོད། དེ་བཞིན་ལས་ཁུངས་སོ་སོ་དང་། བོད་མིའི་སྒྲིག་འཛུགས་ཀྱི་མ་དངུལ། དེ་བཞིན་བཀའ་ཤག་གི་རོགས་དངུལ་ཐབས་འཚོལ་བྱེད་པ་ལས་གཞན་པའི་དཔལ་འབྱོར་གྱི་ཡོང་ཁུངས་མེད་སྟབས། ང་ཚོ་བཙན་བྱོལ་གྱི་གནས་སྟངས་ཐོག་ནས་རང་ཁ་རང་གསོ་ཡོང་ཐུབ་རྒྱུ་ཧ་ཅང་ཁག་པོ་ཆགས་ཡོད།
འོན་ཀྱང་ང་ཚོས་རྩིས་ལོ་ ༢༠༡༧།༡༨ ནང་ས་ཡ་ཉིས་སྟོང་ཞི་བརྒྱ་ལྷག་ཙམ་བཀའ་འཁྲོལ་གཏན་འབེབས་ཞུས་ཐུབ་པ་དང་། དེ་བཞིན་འཛིན་སྐྱོང་བཀའ་ཤག་གི་ངོས་ནས་ལས་འཆར་མང་པོ་ཞིག་འཆར་འབུལ་ཞུས་ཐུབ་པར་ལེགས་གསོལ་བསྔགས་བརྗོད་ཞུ་རྒྱུ་ཡིན། དངོས་སུ་ང་ཚོས་བཀའ་འཁྲོལ་གཏན་འབེབས་ཟིན་རྗེས་བོད་མིའི་སྒྲིག་འཛུགས་ཀྱི་དབུས་སའི་ལས་ཁུངས་དང་འབྲེལ་ཡོད་ལས་བྱེད་ཚང་མའི་ངོས་ནས་ལྷག་བསམ་དང་འགན་ཁུར་ཆེ་བཞེས་ཀྱི་ཐོག་ནས་དངུལ་འབོར་བཀའ་འཁྲོལ་ཐོན་པ་དེ་དག་སྲི་འཚག་གི་ཐོག་ནས་ལས་དོན་རྣམས་དོན་ཕན་ལྡན་པ་ཞིག་ཡོང་ཐུབ་དགོས་རྒྱུ་ཧ་ཅང་གལ་ཆེན་པོ་ཆགས་ཡོད་པར་བརྟེན། ཚོགས་གཙོ་གཉིས་ཀྱི་ཐོག་ནས་འབྲེལ་ཡོད་ཚང་མས་ལས་དོན་རྣམས་དོན་ལ་སྨིན་པ་ཡོང་ཆེད་ཧུར་ཐག་འབད་ཐག་ཐོག་ནས་འགན་ཁུར་མཉམ་ཞུགས་གནང་དགོས་པའི་འབོད་སྐུལ་ཞུ་རྒྱུ་ཡིན།
དེ་བཞིན་གྲོས་ཚོགས་ཀྱི་ལས་རིམ་ནང་གྲོས་ཆོད་གྲོས་འཆར་ཁག་གཅིག་གཏན་འབེབས་ཞུ་ཐུབ་པ་བྱུང་ཡོད། ལས་དོན་གཞན་ཞིག་ནི་ཁྲིམས་བཟོའི་ལས་དོན་དེ་རེད། ད་ཐེངས་འོས་བསྡུའི་སྒྲིག་གཞི་འཆར་ཟིན་ཟིན་འབྲི་ཚོགས་ཆུང་གི་སྙན་ཐོ་དང་འཆར་ཟིན་དེ་གྲོས་ཚོགས་ནང་ཕེབས་ཡོད། དེ་ཚོའི་ཐོག་ཚོགས་ཆུང་གི་ངོས་ནས་ལས་དོན་དེ་དག་རུ་ངར་ཞིབ་ཚགས་གནང་ཐུབ་འདུག ཅེས་ཚོགས་གཙོ་གཉིས་ནས་བསྔགས་བརྗོད་ཞུ་རྒྱུ་དང་།
དེ་བཞིན་ང་ཚོས་དངོས་སུ་གྲོས་ཚོགས་ཀྱི་ལས་རིམ་འགྲོ་བའི་སྐབས་བཀའ་ཤག་ནས་གྲོས་ཚོགས་ལ་འགག་པ་བརྒྱབ་པ་དང་གྲོས་ཚོགས་ནས་ཕྱིར་ཕེབས་པ་བྱུང་ཡོད། དེར་བརྟེན་ཚོགས་གཙོ་གཉིས་ཀྱི་ངོས་ནས་བཀའ་ཤག་གིས་ཚོགས་འདུ་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞི་ལ་བརྩི་བཀུར་དང་ཉམས་ལེན། དེ་བཞིན་གྲོས་ཚོགས་ལ་འགན་ཁུར་བཞེས་ཕྱོགས་གང་འདྲ་ལྟ་བུ་ཆགས་ཀྱི་ཡོད་ན་བསམ་པའི་ཚོར་སྣང་བྱུང་། ཞེས་ཞུ་རྒྱུ་ཡིན། དེ་བཞིན་འོས་བསྡུ་སྒྲིག་གཞི་འཆར་ཟིན་དང་འབྲེལ་བའི་ཐོག་ནས་སྔོན་འགྲོ་དང་དངོས་གཞིའི་བརྒྱུད་རིམ་གྱི་ཐོག་ཚོགས་གཙོས་ཞིབ་ཕྲ་ཞུ་རྒྱུ་འབད་བརྩོན་ཞུ་གི་མེད།
འོན་ཀྱང་ཚོགས་གཙོས་ཞུ་དགོས་པ་གཅིག་ལ། འོས་བསྡུ་བྱུང་རིམ་གྱི་རྩོད་རྙོག་ལས་ལྷག་འོས་བསྡུ་གྲུབ་འབྲས་ནི་དེ་བས་ཉེན་ཁ་ཆེ་བ་ཞིག་ཆགས་ཀྱི་ཡོད། དེར་བརྟེན་འོས་བསྡུའི་གྲུབ་འབྲས་དེ་ཡག་པོ་ཞིག་བྱུང་མ་ཐུབ་ཚེ་ཉེན་ཁ་ཆེ་བ་དང་། མི་མང་ལ་ཡིད་ཆེས་བརླག་པ། ༸སྐྱབས་མགོན་རིན་པོ་ཆེའི་དགོངས་བཞེད་གཞིར་བཟུང་དང་། བོད་མིའི་རྩ་དོན་གྱི་འཐབ་རྩོད་ལ་མདུན་བསྐྱོད་བྱེད་མ་ཐུབ་པ་དེ་འདྲ་བྱུང་ན། ང་ཚོའི་མི་རིགས་ཀྱི་རྩ་དོན་དང་འཐབ་རྩོད་གང་ཅིའི་ཐོག་ལ་འཐུས་ཤོར་ཆེ་ཤོས་ཤིག་ཆགས་འགྲོ་གི་ཡོད།
ལོ་སྔ་རྗེས་ང་ཚོའི་སྤྱི་ཚོགས་ནང་ཟང་ངེ་ཟིང་ངེ་ཀྱང་ཀྱང་དང་སྤྱི་ཚོགས་ནང་དངོས་ཤུགས་བརྒྱུད་གསུམ་ནས་བརྡབ་གསིག་ཁོ་ན་ཡོང་བསྡད་ན། ང་ཚོའི་བཙན་བྱོལ་བོད་མིའི་བཅའ་ཁྲིམས་ཀྱིས་འགན་དབང་བསྐུར་བ་དེ་མ་འགྲིག་པ་ཞིག་ཆགས་ཀྱི་ཡོད། དེར་བརྟེན་དེ་རིང་གི་གོ་སྐབས་འདི་བརྒྱུད་ནས་ཚོགས་མི་རྣམ་པ་དང་། དེ་བཞིན་རྒྱ་ཆེའི་མང་ཚོགས་ཀྱི་ངོས་ནས་ཀྱང་དེར་ཐུགས་སྣང་དང་འགན་ཁུར་བཞེས་དགོས་རྒྱུ་གལ་ཆེན་པོ་རེད་ཅེས་ཞུ་འདོད་བྱུང་།
དེ་བཞིན་གྲོས་ཚོགས་ཀྱི་ལས་རིམ་བསྐྱང་སྐབས་བཀུར་འོས་སྤྱི་འཐུས་རྣམ་པ་རིགས་གཅིག་དང་འཛིན་སྐྱོང་བཀའ་ཤག་ནས་ང་ཚོའི་ཚོགས་འདུ་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞི་གཞིར་བཟུང་ཕེབས་མ་ཐུབ་པར་ཕྱི་ལོག་ཏུ་ཡང་ཡང་ཕེབས་འགྲོ་གི་འདུག དེར་བརྟེན་ཚོགས་གཙོའི་ངོས་ནས་ཁ་ཐུག་དེར་སྟངས་འཛིན་བྱེད་ན་གནས་ཚུལ་ཆེད་མངགས་བཟོ་བསྡད་པ་ནང་བཞིན་ཆགས་མི་སྲིད་པ་མི་འདུག ང་ཚོས་དེ་ལྟ་བུའི་ཐོག་བཟོད་སྒོམ་བྱེད་བཞིན་ཡོད། དཔེར་མཚོན་ཁག་གཅིག་ཞུ་ན། གྲོས་ཚོགས་ནང་སྐད་ཡིག་གཞན་བེད་སྤྱོད་གཏོང་སྐབས་ཚོགས་གཙོར་བཀའ་འཁྲོལ་ཞུ་དགོས་པ་དང་། གྲོས་ཚོགས་ཀྱི་ཚོགས་མི་དང་ཟུར་ཉ
དེ་དག་ང་ཚོའི་ཚོགས་འདུའི་འགྲོ་ལུག
དེ་བཞིན་གྲོས་ཚོགས་ཀྱི་སྡིངས་ཆ་
གྲོས་ཚོགས་ཀྱི་སྡིངས་ཆ་འདི་གཙོ་
དེ་བཞིན་བོད་མིའི་སྒྲིག་འཛུགས་ལ
དེ་བཞིན་བོད་མིའི་སྒྲིག་འཛུགས་འ
དེ་འདྲའི་བསམ་བློ་གཏོང་བའི་ཐོག་
ལྷག་པར་༸གོང་ས་༸སྐྱབས་མགོན་ཆེན་
དེ་བཞིན་གནད་དོན་གལ་ཆེ་བ་ཞིག་ང་
བོད་མི་ལ་རང་དབང་དགོས་རྒྱུ་དེ་ཆ
ལྷག་པར་རྒྱ་ནག་གཞུང་གི་ངོས་ནས་མ
གནད་དོན་གཞན་ཞིག་ནི། ད་རེས་གྲོས་ཚོགས་ཚོགས་ཐེངས་འདིའི་ཐོག་སྤྱི་འཐུས་རེ་གཉིས་ཙམ་རེད་མ་གཏོགས་གཞན་ཚང་མ་ཕེབས་ཐུབ་ཡོད། ཉིན་མ་གཉིས་གསུམ་དགོངས་པ་ཞུས་པ་རེད་མ་གཏོགས་གཞན་སྤྱི་འཐུས་ཚང་མ་བཅར་ཐུབ་ཡོད་པར་བརྟེན། སྤྱི་འཐུས་རྣམ་པ་ངོས་ནས་འགན་འཁུར་བཞེས་ཕྱོགས་ཡག་པོ་གནང་སོང་། དེ་ལ་ཚོགས་གཙོ་སྦྲེལ་པོ་ངོས་ནས་ཐུགས་རྗེ་ཆེ་ཞུ་རྒྱུ་དང་། དེ་བཞིན་འཛིན་སྐྱོང་བཀའ་ཤག་ངོས་ནས་ཀྱང་བཀའ་བློན་རེ་གཉིས་ཙམ་ཚོགས་འདུ་ཛ་དྲག་དེ་འདྲ་ཕེབས་དགོས་བྱུང་བ་རེད་མ་གཏོགས་མང་བ་གྲོས་ཚོགས་སུ་རྟག་བཅར་གནང་རྒྱུ་དང་ལས་རིམ་ཆ་ཤས་བཞེས་རྒྱུ་ཡག་པོ་བྱུང་སོང་། ཞེས་ཞུ་རྒྱུ་ཡིན།
མ་འོངས་པར་གྲོས་ཚོགས་ཚོགས་པའི་ལས་ཉིན་དེ་ཚོ་ཟླ་བ་བཞི་ལྔ་ཙམ་ནས་ཡོངས་གྲགས་ཟིན་གྱི་ཡོད། དུས་ཚོད་དེའི་རིང་མཛད་འཆར་གཞན་མ་སྒྲིག་པའི་ཐོག་ནས་གྲོས་ཚོགས་ནང་མཉམ་ཞུགས་དང་འགན་འཁུར་བཞེས་ཐུབ་དགོས་པའི་འབད་བརྩོན་གནང་དགོས་འདུག ཅེས་ཞུ་རྒྱུ་ཡིན།
གྲོས་ཚོགས་འདི་གྲོལ་བའི་ཟླ་བ་དྲུག་རྗེས་དཔལ་ལྡན་བཀའ་ཤག་ལྷན་རྒྱས་རེད། བཀུར་འོས་གྲོས་ཚོགས་ཀྱི་འཐུས་མི་རྣམ་པ་གཟུགས་ཁམས་བདེ་ཐང་ཐོག་ནས་སླར་ཡང་ལྷན་འཛོམས་དང་ལས་དོན་ཐོག་མཉམ་ཞུགས་ཡོང་ཐུབ་པའི་རེ་བ་དང་སྨོན་ལམ་ཞུ་རྒྱུ་ཡིན། ང་ཚོའི་གྲོས་ཚོགས་འདི་གང་ཙམ་ཚགས་ཚུད་དང་ཞིབ་ཚགས་པོ། ཡག་པོ་འགྲོ་སོང་སེམས་ཀྱི་ཡོད། དེར་བརྟེན་དེ་ཚོའི་ཐོག་ཡིག་ཆ་མཐུན་འགྱུར་གནང་མཁན་གཙོ་བོ་ཚོགས་དྲུང་གིས་གཙོས་པའི་ཚོགས་དྲུང་ལས་ཁུངས་ཀྱི་ལས་བྱེད་རྣམ་པས་དཀའ་ལས་ཧུར་ཐག་འབད་ཐག་གནང་ཡོད། དེ་བཞིན་གྲོས་ཚོགས་ཀྱི་ལས་རིམ་ཕྱི་གསལ་ནང་གསལ་ཐོག་དྲྭ་རྒྱའི་ཐོག་ནས་ཐད་གཏོང་གནང་མཁན་ཕྱི་དྲིལ་སྒྲ་བརྙན་གྱི་ཉིན་མཚན་ལྟོས་མེད་ཐོག་ནས་ཐུགས་འཁུར་ཆེན་པོ་ཐོག་ནས་ཕྱག་ལས་ཡག་པོ་གནང་སོང་བར་བརྟེན་གོ་སྐབས་འདིའི་བརྒྱུད་ཚོགས་གཙོ་སྦྲེལ་པོ་ངོས་ནས་ཁོང་རྣམ་པ་ལའང་ཐུགས་རྗེ་ཆེ་ཞུ་རྒྱུ་ཡིན།
མཐའ་དོན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་སྐུ་ཚེ་བསྐལ་བརྒྱར་བརྟན་ཞིང་ཐུགས་བཞེད་ལྷུན་གྱི་གྲུབ་པ་དང་བོད་དོན་བདེན་མཐའ་མྱུར་དུ་གསལ་བའི་སྨོན་འདུན་ཞུ་རྒྱུ་ཡིན། ཐུགས་རྗེ་ཆེ། ཞེས་གསུང་བཤད་གནང་རྗེས་སྐབས་བཅུ་དྲུག་པའི་བོད་མི་མང་གི་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གསུམ་པ་རྒྱལ་ཁའི་ངང་ནས་མཇུག་སྒྲིལ་ཡོད་པ་བཅས། །
