༢༠༡༧ ཟླ་ ༣ ཚེས་ ༢༥ རེས་གཟའ་སྤེན་པ།
༄༅། །བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་བོད་མིའི་གཞིས་ཆགས་ཨོ་རི་ས་དང་མན་སྤར། བྷན་ད་ར། ལྡི་ལི་བཅས་སུ་གཞུང་འབྲེལ་ཕྱོགས་ཕེབས་གནང་གཏན་འཁེལ་འདུག དེ་ཡང་བཀའ་བློན་མཆོག་ཕྱི་ལོ་ ༢༠༡༧ ཟླ་ ༣ ཚེས་ ༢༥ ཉིན་རྡ་ས་ནས་ཕེབས་ཐོན་གྱིས། ཕྱི་ཚེས་ ༢༦ ཉིན་ཨོ་རི་སར་རྟེན་གཞི་བྱས་པའི་རི་དགོན་ཐུབ་བསྟན་སྨིན་གྲོལ་གླིང་གི་བསླབ་པ་མཐར་སོན་གྱི་མཛད་སྒོར་སྐུ་མགྲོན་གཙོ་བོར་གདན་ཞུས་ལྟར་ཕེབས་རྒྱུ་མ་ཟད། ཕྱི་ཉིན་ཁུལ་དེར་ཡོད་པའི་དགོན་སྡེ་ཁག་དང་བོད་མིའི་གཞིས་ཆགས་སུ་གཟིགས་སྐོར་ཕེབས་རྒྱུ་ཡིན་ཞིང་།
ཕྱི་ཚེས་ ༢༨ ནས་ཕྱི་ཟླ་ ༤ ཚེས་ ༣ བར་བྷན་ད་ར་ནོར་རྒྱས་གླིང་དང་མན་སྤར་ཕན་བདེ་གླིང་བོད་མིའི་གཞིས་ཆགས། ལྡི་ལིར་རྟེན་གཞི་བྱས་པའི་བོད་ཁང་བཅས་སུ་ཕེབས་རྒྱུ་ཡིན་འདུག
ཐེངས་འདིར་བཀའ་ཤག་གི་རྒྱ་གར་ནང་གི་བོད་མི་གནས་སྡོད་ཀྱི་ས་ཁུལ་འདྲ་མིན་ནང་དུ་ལྷན་ཁང་ལཁག་གི་བཀའ་བློན་རྣམ་པ་འཚམས་གཟིགས་སུ་ཕེབས་རྒྱུའི་ལས་འཆར་གྱི་ཆ་ཤས་ཡིན་འདུག་པ་བཅས།།
