༢༠༡༧ ཟླ་ ༢ ཚེས་ ༩ རེས་གཟའ་ཕུར་བུ།
༄༅། །བོད་ཀྱི་ཟློས་གར་ཚོགས་པ་ནས་ཕྱི་ལོ་ ༢༠༡༧ ཟླ་བ་ ༠༢ ཚེས་ ༠༩ ཉིན་འདི་གར་བཏང་གནས་ནང་འཁོད་དོན། བོད་ཀྱི་ཟློས་གར་ཚོགས་པའི་ཚོགས་མི་ཟུར་པ་མོན་གྷོ་འདོད་རྒུ་གླིང་གཞིས་ཆགས་ཀྱི་གྲོང་སྡེ་ ༥ ཁང་ལེན་ ༡༤ ནང་ཕ་འཆི་མེད་ཚེ་རིང་དང་། མ་མེ་ཏོག་ལྷ་མོ་གཉིས་ཀྱི་བུ་མོ་བསྟན་འཛིན་ཆོས་སྒྲོན་དེང་ Boston, USA བཅའ་སྡོད་བྱ་མུས་ཡིན་པ།
ཁོ་མོ་ཕྱི་ལོ་ ༡༩༩༥ ཟླ་བ་ ༠༣ ཚེས་ ༡༥ ཉིན་ནས་བོད་ཀྱི་ཟློས་གར་ཚོགས་པའི་ནང་སློབ་འཇུག་ཞུས་ཏེ་ཚོགས་མི་སྤྱི་མཚུངས་མཐུན་རྐྱེན་དང། བོད་ཀྱི་ཐུན་མོང་མ་ཡིན་པའི་རིག་གཞུང་སྦྱང་བརྩོན་གོ་སྐབས་ཆ་ཚང་ཐོབ་རྗེས་ཕྱི་ལོ་ ༢༠༡༠ ཟླ་བ་ ༠༢ ནང་ཨ་རིར་ “སེམས་ཤུགས་” SEMSHOOK ཞེས་པའི་གློག་བརྙན་མཛད་སྒོའི་ཆེད་ཕོགས་མེད་གུང་གསེང་བསྐྱོད་དེ་རང་མཚམས་ཕྱིར་ལོག་མ་བྱུང་སྟབས། ཚོགས་པའི་སྒྲིག་གཞི་དོན་ཚན་ ༢༦ ཏ་པའི་དགོངས་དོན་རང་བཞིན་བུད་པ་དང་།
སྒྲིག་གཞི་ ༢༠ ནང་གསེས་པའི་དགོངས་དོན་སྤྱི་མཚུངས་སློབ་གཉེར་དུས་སྐབས་ཀྱི་གྲོན་འབབ་ཧིན་སྒོར་ ༣༨༨༤༩༢། སྤྱི་ཁྱབ་རྩིས་ཞིབ་ལས་ཁུངས་ནས་བཏོན་པ་འཇལ་གྲུབ་དགོས་པ་དོ་བདག་དང་དོ་བདག་གི་ཕ་མ། ས་གནས་འགོ་འཛིན། འབྲེལ་ཡོད་དགའ་རོགས་བཅས་ལ་ཕྱི་ལོ་ ༢༠༡༠ ཟླ་བ་ ༠༧ ཚེས་ ༣༠ ནས་ད་བར་སྦྲག་བརྒྱུད། མྱུར་འཕྲིན། ངོ་དེབ་བརྒྱུད་བརྡ་དེད་ལན་མང་ཞུས་ཀྱང་སྒྲུབ་འཇལ་མ་ཞུས་སྟབས། བོད་ཀྱི་ཟློས་གར་ཚོགས་པའི་འཛིན་སྐྱོང་ཚོགས་ཆུང་དང་། འགན་འཛིན་ལྷན་ཚོགས་ཀྱི་ཐག་ཆོད་དགོངས་དོན་གསར་ལམ་ཁག་བརྒྱུད་སྤྱི་རྒྱུ་སྒེར་ཟས་བྱས་པའི་རྒྱ་ཁྱབ་གསལ་བསྒྲགས་སུ།།
