༢༠༡༧ ཟླ་ ༢ ཚེས་ ༦ རེས་གཟའ་ཟླ་བ།
༄༅། །ཕྱི་ལོ་ ༢༠༡༧ ཟླ་ ༢ ཚེས་ ༦ ཉིན་རྒྱ་གར་བྱང་ཕྱོགས་ཧི་མཱ་ཅལ་མངའ་སྡེའི་རྒྱལ་ས་སིམ་ལར་རྟེན་གཞི་བྱས་པའི་ཧི་མཱ་ཅལ་མངའ་སྡེའི་འཛིན་སྐྱོང་ཟབ་སྦྱོང་བསྟི་གནས་ཁང་ HIPA དུ་བོད་མིའི་སྒྲིག་འཛུགས་ལས་བྱེད་འདེམས་ལྷན་གྱི་གོ་སྒྲིག་འོག སྲི་ཞུ་བ་དྲུང་གཞོན་དང་དྲུང་ལས་ཁག་གཅིག་ལ་འཛིན་སྐྱོང་དང་འགོ་ཁྲིད་ཀྱི་ཟབ་སྦྱོང་འགོ་འཛུགས་གནང་ཡོད།
དེ་ཡང་ལས་བྱེད་འདེམས་ལྷན་གྱི་དྲུང་ཚབ་འཇིགས་མེད་ཚེ་རིང་ལགས་ཀྱིས་འགོ་ཁྲིད་འོག བཀའ་དྲུང་ཡིག་ཚང་དང་། ཤེས་རིག་ལས་ཁུངས། དཔལ་འབྱོར་ལས་ཁུངས། ནང་སྲིད་ལས་ཁུངས། བདེ་སྲུང་ལས་ཁུངས། ཕྱི་དྲིལ་ལས་ཁུངས། རྩིས་ཞིབ་ལས་ཁུངས་བཅས་བོད་མིའི་སྒྲིག་འཛུགས་ཀྱི་ལྷན་ཁང་ཁག་གི་ལས་བྱེད་དང་། དེ་བཞིན་བལ་ཡུལ་ཤ་ཝ་ར་གསུམ་གྱི་ས་གནས་འགོ་འཛིན་དང་། འབྲུག་བོད་མིའི་ས་གནས་ལས་ཁུངས་ཀྱི་ལས་དྲུང་བཅས་ཁྱོན་མི་གྲངས་ ༢༥ ཟབ་སྦྱོང་ནང་མཉམ་ཞུགས་གནང་ཡོད། ཟབ་སྦྱོང་འདི་བཞིན་ཕྱི་ལོ་ ༢༠༡༧ ཟླ་ ༢ ཚེས་ ༦ ནས་ ༡༨ བར་གནང་རྒྱུ་ཡིན་ཞིང་། ཐེངས་འདིའི་ཟབ་སྦྱོང་ནི་ཨ་རིའི་ USAID རོགས་ཚོགས་ནས་དཔལ་འབྱོར་གྱི་མཐུན་འགྱུར་གནང་བ་ཞིག་ཡིན་འདུག་པ་བཅས།།
