ཕྱི་ལོ་ ༢༠༡༧ ཟླ་ ༢ ཚེས་ ༡༣ རེས་གཟའ་ཟླ་བ།

༄༅། །ཕྱི་ལོ་ ༢༠༡༧ ཟླ་ ༢ ཚེས་ ༡༢ ཉིན་བོད་མིའི་སྒྲིག་འཛུགས་ཀྱི་ཕྱི་དྲིལ་འགྲེམས་སྟོན་ཚན་པས་མན་པཌ་ས་གནས་སུ་ཉིན་གྲངས་གསུམ་རིང་གི་པར་རིས་འགྲེམས་སྟོན་གྱི་ལས་རིམ་མཇུག་སྒྲིལ་ཡོད།

དེ་ཡང་མན་པཌ་བོད་མིའི་ས་གནས་འགོ་ཛིན་ལས་ཁུངས་ནས་བོད་ཀྱི་རིག་གཞུང་དང་ལོ་རྒྱུས། དེ་བཞིན་འཕགས་བོད་གཉིས་ཀྱི་འབྲེལ་ལམ་སྐོར་གོ་རྟོགས་སྤེལ་ཆེད་ Mainpat Carnival 2017 ཞེས་པའི་ལོ་འཁོར་དུས་སྟོན་དང་སྟབས་བསྟུན་པར་རིས་འགྲེམས་སྟོན་གོ་སྒྲིག་གནང་ཡོད།

ཕྱི་ཚེས་ ༡༠ ཉིན་ས་གནས་ཀྱི་རྫོང་དཔོན་གཞོན་པ་ཨུ་ཇི་ཝལ་པོར་ཝལ་ Sh. Ujjawal Porwal ལགས་ཀྱིས་དབུ་འབྱེད་གནང་ཡོད་པ་དང་ཐེངས་འདིའི་པར་རིགས་འགྲེམས་སྟོན་གྱི་བརྗོད་གཞི་གཙོ་བོ་ནི། ྋགོང་ས་ྋསྐྱབས་མགོན་ཆེན་པོ་མཆོག་གི་མཛད་རྣམ་སྐོར་དང་།འཕགས་བོད་གཉིས་དབར་གནའ་དེང་གི་འབྲེལ་ལམ་འཕེལ་རྒྱས་འགྲོ་ཚུལ་སྐོར་འགྲེམས་སྟོན་གནང་ཡོད།།