༄༅། །ཕྱི་ལོ་ ༢༠༡༦ ཟླ་ ༡༢ ཚེས་ ༨ ཉིན་ཨ་རིའི་གྲོས་ཚོགས་འོག་མའི་ཚོགས་གཙོ་ཟུར་པ་དང་མང་གཙོ་ཚོགས་པའི་ཚོགས་གཙོ་ལྕམ་སྐུ་ནེན་སི་པི་ལོ་སི་ Nancy Pelosi མཆོག་གི་ལམ་སྟོན་ལྟར།  ཨ་རིའི་གྲོས་ཚོགས་ཀྱི་རྒྱལ་སྤྱིའི་ཆོས་དད་རང་དབང་སྲུང་སྐྱོབ་ཚན་པས

་འབུམ་རམས་པ་བསྟན་འཛིན་རྡོ་རྗེ་ལགས་རྒྱལ་སྤྱིའི་ཆོས་དད་རང་དབང་སྲུང་སྐྱོབ་ཚན་པའི་ U.S. Commission on International Religious Freedom འགན་འཛིན་དུ་བསྐོ་གཞག་གནང་འདུག

དེ་ཡང་ཚན་པའི་འགན་འཛིན་ཐོ་མ་སི་ཇེ་ Chair Rev.Thomas J. Reese མཆོག་གིས་གསུང་དོན།    ང་ཚོས་ཨ་རིའི་སྲིད་འཛིན་དང་ཕྱི་སྲིད་དྲུང་ཆེ། དེ་བཞིན་ཨ་རིའི་གྲོས་ཚོགས་བཅས་ལ།  དེང་སྐབས་འཛམ་གླིང་ཁྱོན་དུ་ཆོས་དད་རང་དབང་ལ་བརྩི་མེད་རྡོག་རོལ་ཤུགས་ཆེ་གཏོང་བཞིན་པའི་ཛ་དྲག་གི་གནས་སྟངས་ལ་གདོང་ལེན་གནང་བ་བརྒྱུད།  ཨ་རི་གཞུང་གི་ཕྱི་འབྲེལ་སྲིད་བྱུས་ནང་ཆོས་དད་རང་དབང་སྲུང་སྐྱོབ་ཀྱི་སྲིད་བྱུས་གཏན་འབེབས་ཇི་འདྲ་གནང་མིན་དང་།  སྲིད་བྱུས་དེ་དག་ལག་བསྟར་ཇི་ལྟར་གནང་དགོས་མིན་ཐད་ལམ་སྟོན་ཞུ་རྒྱུར་འབད་བརྩོན་ཞུ་བཞིན་པའི་སྐབས་འདིར་ཁོང་ང་ཚོའི་ཚན་པའི་འགན་འཛིན་དུ་བསྐོ་གཞག་གནང་ཐུབ་པ་དེ་ནི་རིན་ཐང་ཧ་ཅང་ཅན་ཞིག་ལ་ངོས་འཛིན་ཞུ་བཞིན་ཡོད། ཅེས་གསུངས།