༢༠༡༦ ཟླ་ ༡༢ ཚེས་ ༢༦ རེས་གཟའ་ཟླ་བ།
༄༅། །༸གོང་ས་མཆོག་གིས་སྔོན་འགྲོའི་བཀའ་ཆོས་ཧ་ཅང་གལ་ཆེར་དགོངས་ནས་ཉིན་གཅིག་འཕར་མ་མཛད་གཏན་འཁེལ་འདུག་པར་བརྟེན། ཕྱི་ཚེས་ ༢ ནས་ ༤ བར་དཀྱིལ་འཁོར་ས་ཕྱོགས་སོགས་དབང་གི་སྟ་གོན་ཆོ་ག་དང་སློབ་མ་རྗེས་འཛིན། ཕྱི་ཚེས་ ༥ ནས་ ༨ བར་སྔོན་འགྲོའི་བཀའ་ཆོས་སྩལ་གནང་མཛད་རྒྱུ། དེ་རྗེས་ཕྱི་ཚེས་ ༩ ཉིན་དཀྱིལ་འཁོར་བརྒྱན་ཅིང་མཆོད་པ། ཕྱི་ཚེས་ ༡༠ ཉིན་བཀའ་དབང་སྔོན་འགྲོ་སློབ་མ་སྟ་གོན། ཕྱི་ཚེས་ ༡༡ ནས་ ༡༣ བར་དབང་དངོས་གཞི། ཕྱི་ཚེས་ ༡༤ ཉིན་༸གོང་ས་མཆོག་ལ་སྒྲོལ་དཀར་ཡིད་བཞིན་འཁོར་ལོའི་སྒོ་ནས་བརྟན་བཞུགས་བསྟར་འབུལ་ཞུ་རྒྱུ་མ་ཟད། མགོན་པོ་གང་ཉིད་མཆོག་ནས་དད་ལྡན་མང་ཚོགས་རྣམས་ལ་སྤྱན་རས་གཟིགས་ངན་སོང་ཀུན་གྲོལ་གྱི་རྗེས་སྣང་སྩལ་གནང་མཛད་རྒྱུ་ཡིན་འདུག་པ་བཅས།།
