༢༠༡༦ ཟླ་ ༩ ཚེས་ ༩ རེས་གཟའ་པ་སངས།

༄༅། །བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་ཕྱི་ལོ་ ༢༠༡༦ ཟླ་ ༩ ཚེས་ ༥ ཉིན་སྡེ་ར་ལྡུན་ཁུལ་གྱི་ལས་རིམ་ཁག་ལེགས་པར་གྲུབ་རྗེས་བོན་གཞིས་ཌོ་ལན་ཇིར་ཡོད་པའི་ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་ཆེད་ཕེབས་ཀྱིས་དེ་གའི་དགོན་པ་དང་དཔེ་མཛོད་ཁང་སོགས་ལ་གནས་གཟིགས་གནང་། ཕྱི་ཚེས་ ༦ ཉིན་ཞྭ་དཀར་བསྟན་པའི་མངའ་བདག་སྨན་རིའི་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་ལ་བརྟན་བཞུགས་བསྡུས་པ་ཞིག་འདེགས་འབུལ་ཞུས་འདུག

ཕྱི་ཚེས་ ༧ ཉིན་བཀའ་བློན་མཆོག་མོན་གྷོ་འདོད་རྒུ་གླིང་དུ་ཕེབས་ཐོན་གནང་སྟེ། ཉིན་གྲངས་གཉིས་རིང་ཞྭ་སེར་བསྟན་པའི་གསལ་འབྱེད་སྐྱབས་རྗེ་དགའ་ལྡན་ཁྲི་རིན་པོ་ཆེ་མཆོག་དང་། སྐྱབས་རྗེ་ཤར་པ་ཆོས་རྗེ་རིན་པོ་ཆེ་རྣམ་གཉིས་ལ་འཚམས་འདྲིའི་མཇལ་ཕྱག་ཞུས་པ་དང། དེ་རྗེས་བོད་ཀྱི་ཆོས་བརྒྱུད་ཁག་གི་དགོན་སྡེ་དང་། བཙུན་དགོན་ཁག་ཏུ་གནས་གཟིགས་གནང་ཡོད་པ་བཅས།།