༢༠༡༦ ཟླ་ ༩ ཚེས་ ༥ རེས་གཟའ་ཟླ་བ།
༄༅། །འདི་ག་ལས་ཁུངས་ནས་དཔལ་ལྡན་དགའ་ལྡན་ཕོ་བྲང་ཡིག་ཚང་གི་བཀའ་འབྲེལ་དང་དུས་ཀྱི་དགོས་མཁོར་གཟིགས་ཏེ་ཕྱི་ལོ་ ༢༠༠༥ ཙམ་དུ་གདན་ས་བཤད་གྲྭ་ཁག་ཏུ་རྒྱའི་སྐད་ཡིག་འཛིན་གྲྭ་འཛུགས་དགོས་པའི་ལམ་སྟོན་སོང་བའི་ཐོག དགེ་རྒན་རྣམས་ལ་གསོལ་ཕོགས་ཀྱི་མཐུན་རྐྱེན་སྦྱར་དང་སྦྱོར་མུས་ཡིན་ཅིང་། ད་ལམ་ཆོས་སྡེ་རེ་ཟུང་ནས་རྒྱ་ཡིག་དགེ་རྒན་བསྐོ་གཏོང་ཡོང་བའི་རེ་འདུན་བྱུང་བར་བརྟེན་། རྒྱ་ཡིག་ཆུ་ཚད་ལེགས་པར་ལྡན་ཞིང་ཆོས་སྡེ་ཁག་ཏུ་དགེ་རྒན་ཕེབས་འདུན་ཡོད་ཚེ། རྒྱ་ཡིག་སྦྱོང་བརྡར་བྱས་པའི་ལག་ཁྱེར་དང། རྒྱ་གར་གནས་སྡོད་ཆོག་པའི་ལག་འཁྱེར། འབུལ་འབབ་གཙང་བའི་དཔྱ་ཁྲལ་ལག་དེབ་བཅས་ཀྱི་ངོ་བཤུས་དང་། རྒྱ་ཡིག་ཐོག་སོ་སོའི་ལོ་རྒྱུས་སྙིང་བསྡུས་རེ་བཅས་འདི་ག་ལས་ཁུངས་སུ་ཕྱི་ལོ་ ༢༠༡༦ ཟླ་ ༡༠ ཚེས་ ༧ ནང་ཚུད་ཞུ་ཡིག་འབུལ་དགོས་རྒྱུ་དང་འབྲེལ། དགེ་རྒན་དག་ལ་འདི་ག་ལས་ཁུངས་ནས་ཟླ་རེེར་ཧིན་སྒོར་ ༦༥༠༠ གསོལ་ཕོགས་དང་། འབྲེལ་ཡོད་ཆོས་སྡེ་ནས་བཞུགས་གནས་དང་བཞེས་ལག་སོགས་ཀྱི་མཐུན་རྐྱེན་རིན་མེད་སྦྱོར་རྒྱུ། རྒྱ་སྐད་སྦྱོང་བརྡར་བྱས་པའི་ལག་འཁྱེར་མེད་ཀྱང་སློབ་འཕེར་ཡོད་རིགས་ཀྱང་འཚང་སྙན་འབུལ་ཆོག འོན་ཀྱང་མཐའ་མར་རྒྱ་ཡིག་ཤེས་ཚད་རྒྱུགས་ལེན་ཐོག་ནས་བསྐོ་གཞག་བྱ་རྒྱུ་ཡིན་པ་བཅས། ཆོས་རིག་ལས་ཁུངས་ནས་ཕྱི་ལོ་ ༢༠༡༦ ཟླ་ ༩ ཚེས་ ༥ ལ།།
