༢༠༡༦ ཟླ་ ༧ ཚེས་ ༢༥ རེས་གཟའ་ཟླ་བ།
༄༅། །སྤྱི་ནོར་༸གོང་ས་ལྷ་མིའི་རྣམ་འདྲེན་༸སྐྱབས་མགོན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་ཞལ་སྔ་ནས་ཕྱི་ལོ་ ༢༠༡༧ ཟླ་ ༡ ཚེས་ ༣ ནས་ ༡༤ བར་འཕགས་ཡུལ་གནས་མཆོག་རྡོ་རྗེ་གདན་དུ་དཔལ་དུས་ཀྱི་འཁོར་ལོའི་དབང་ཆེན་ཐེངས་ ༣༤ སྩལ་རྒྱུའི་བཀའ་བཞེས་བཟང་པོ་སྨིན་སྩལ་མཛད་པ་ལྟར། དད་ལྡན་ཆོས་ཞུ་བ་གྲྭ་བཙུན་དང་། རྒྱ་གར་བ། ཧི་མཱ་ལ་ཡི་རི་རྒྱུད། ཕྱི་རྒྱལ་བ་བཅས་ནས་དྲ་རྒྱ་བརྒྱུད་ནས་དེབ་སྐྱེལ་བྱེད་དགོས་ན། དྲ་རྒྱའི་འབྲེལ་ཐག་ www/kalachakra2017.net/online registration / www.kalachakra2017.co.in འདི་བརྒྱུད་དེབ་སྐྱེལ་གནང་དགོས།
ཕྱི་ལོ་ ༢༠༡༦ ལོར་དེབ་སྐྱེལ་ཟིན་པ་རྣམས་ནས་མེག་གྷན་དུ་ཡོད་པའི་བདེ་སྲུང་ཡན་ལག་ལས་ཁུངས་ཀྱི་ཁ་པར་ཨང་གྲངས ༠༡༨༩༢-༢༢༡༥༦༠ དང་། གློག་འཕྲིན་ཁ་བྱང་། [email protected] ཐོག་འབྲེལ་བ་གནང་དགོས།
གནས་མཆོག་རྡོ་རྗེ་གདན་དུ་ཆོས་ཞུ་བའི་ཕྱག་འཁྱེར་ཞུ་བར་ཕེབས་སྐབས་དྲ་ཐོག་དེབ་སྐྱེལ་གནང་བའི་འགེངས་ཤོག་དང་། བོད་རིགས་གྲྭ་བཙུན་རྣམས་ཀྱིས་དོ་བདག་གི་དཔྱ་ཁྲལ་ལག་དེབ་བམ་ཡང་ན་སྐྱབས་བཅོལ་ལག་དེབ་མཉམ་འཁྱེར་དགོས་རྒྱུ།
ཕྱི་ལོ་ ༢༠༡༦ ཟླ་ ༡༢ ཚེས་ ༣༡ ཉིན་གྱི་མཚན་མོ་ཆུ་ཚོད་ ༡༡།༥༩ གོང་དེབ་སྐྱེལ་ཟིན་པ་དགོས་རྒྱུ་བཅས་ཀྱི་གསལ་བསྒྲགས་སུ།།
