༢༠༡༦ ཟླ་ ༦ ཚེས་ ༡༦ རེས་གཟའ་ཕུར་བུ།
༄༅། །འདི་གར་ཆེས་མཐོའི་ཁྲིམས་ཞིབ་ཁང་གིས་བཏང་གནས་ནང་འཁོད་དོན། དབུས་འོས་བསྡུ་ལས་ཁང་ནས་སྐབས་ ༦ པའི་འདེམས་ཐོན་ཀ་སྤུག་ས་འཐུས་ཀྱི་ལས་འཁུར་དམ་འབུལ་ཡོང་བའི་ཞུ་སྐུལ་འབྱོར་དོན་ལྟར། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་མཆོག་ནས་སྒང་ཏོག་ས་གནས་འགོ་འཛིན་བདུད་འདུལ་རྡོ་རྗེ་ལགས་འཕྲལ་སེལ་ས་གནས་ཁྲིམས་ཞིབ་པར་བསྐོ་གཞག་བགྱིས་ཏེ། ཕྱི་ལོ་ ༢༠༡༦ ཟླ་ ༠༦ ཚེས་ ༠༣ ཉིན་འཕྲལ་སེལ་ས་གནས་ཁྲིམས་ཞིབ་པའི་མདུན་དུ་ས་གནས་འཐུས་ཚོགས་སྐབས་ ༦ པའི་བདམས་ཐོན་འཐུས་མི་དང་། ཚོགས་གཙོ་ཚོགས་གཞོན་བཅས་ནས་ལས་འཁུར་དམ་བཅའ་འབུལ་བཞེས་གནང་འདུག་པ་དང་། ཀ་སྤུག་ས་འཐུས་ཚོགས་གཙོ་ནོར་བུ་དོན་གྲུབ་ལགས་དང་། ཚོགས་གཞོན་ཟླ་བ་ཚེ་རིང་ལགས་གཉིས་སྤྱི་མོས་ཀྱི་འདེམས་ཐོན་བྱུང་འདུག་པ་བཅས།།
