༢༠༡༦ ཟླ་ ༥ ཚེས་ ༢༧ རེས་གཟའ་པ་སངས།
༄༅། ། ཕྱི་ལོ་ ༢༠༡༣ ཕྱི་ཟླ་ ༡ ཚེས་ ༡༨ ཉིན་རྒྱ་གར་དབུས་གཞུང་བཀའ་ཤག་ནས་ལྡི་ལི་དབུས་བོད་སློབ་འཛིན་ཚོགས་ཀྱི་ཁྱབ་ཁོངས་གཏན་ཉིན་སློབ་གྲྭ་ཁག་དབུས་བོད་མིའི་སྒྲིག་འཛུགས་ལ་རྩིས་སྤྲོད་གནང་རྒྱུ་ཐག་གཅོད་གནང་ཡོད་པ་ལྟར། ཉེ་ཆར་རྒྱ་གར་དབུས་ཤེས་རིག་ལས་ཁུངས་དང་དབུས་བོད་སློབ་འཛིན་ཚོགས་གཉིས་ནས་གཞི་རིམ་འོག་མའི་སློབ་གྲྭ་གྲངས་ ༥ དང་གཞི་རིམ་བར་མའི་སློབ་གྲྭ་གྲངས་ ༥ བཅས་སློབ་ཁག་གྲངས་ ༡༠ ཐམ་པ་འདི་ལོའི་ཕྱི་ཟླ་ ༦ པའི་ཟླ་མཇུག་ཙམ་ལ་དབུས་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཁྱབ་ཁོངས་སཾ་བྷོ་ཊ་བོད་སློབ་ཚོགས་པར་རྩིས་སྤྲོད་གནང་གཏན་འཁེལ་སོང་ན། རིང་མིན་སློབ་ཁག་དེ་ཚོའི་ནང་དགེ་ཆེ་(HM) གྲངས་ ༥ དང་། འབྲིང་རིམ་དགེ་རྒན་ (TGT) གྲངས་ ༡༤ གཞི་རིམ་འོག་མའི་དགེ་རྒན་ (PRT) གྲངས་ ༡༥ ལུས་རྩལ་དགེ་རྒན་ (PET) གྲངས་ ༤ གློག་ཀླད་དགེ་རྒན་ (Computer Instructor) གྲངས་ ༤ བཅས་ཛ་དྲག་གིས་དགོས་མཁོ་མཆིས་ན། རང་རེའི་སྤྱི་ཚོགས་ནང་གཤམ་གསལ་ཆ་རྐྱེན་ཚང་ཞིང་གོང་གསལ་ས་མིག་ཐོག་ཞབས་ཞུ་གནང་འདོད་ཡོད་རིགས་ནས་དོ་བདག་གི་ཞུ་སྙན་དང་དགོས་མཁོའི་ལག་འཁྱེར་ཡིག་ཆའི་ངོ་བཤུས་བཅས་ཕྱི་ལོ་ ༢༠༡༦ ཕྱི་ཟླ་ ༦ ཚེས་ ༡༥ ནང་ཚུད་ཤེས་རིག་ལས་ཁུངས་སུ་ཕུལ་འབྱོར་ཟིན་པ་དགོས། འཚང་སྙན་འགེངས་ཤོག་ཤེས་རིག་དྲ་རྒྱ་ (www.sherig.org/en) ནས་ཕབ་ལེན་གྱིས་འཐུས་གཙང་འགེངས་འབུལ་ཞུ་དགོས། འཚང་སྙན་འབུལ་མཁན་ཁྲོད་ཆ་རྐྱེན་ཚང་བ་རྣམས་ཕྱི་ལོ་ ༢༠༡༦ ཕྱི་ཟླ་ ༦ ཚེས་ ༢༢ ཉིན་དྷ་སར་བསྐོངས་ནས་ངག་རྒྱུགས་ལམ་ནས་འདེམས་སྒྲུག་བྱས་ཏེ་གོང་གསལ་སློབ་ཁག་བཅུའི་ནང་བསྐོ་གཞག་གནང་རྒྱུ་ཡིན།
ཀ དགེ་ཆེ་དང་། དགེ་ཆེ་དང་འབྲིང་རིམ་དགེ་རྒན། (HM & TGT)
| ཨང་། | ཉུང་མཐའི་ཤེས་ཚད་ཆ་རྐྱེན། |
| ༡ | Headmaster/mistress (Middle School): B.A./B Sc./B.com with B.Ed. minimum second division or equivalent with 2 yrs experience of Educational Administration or 3 years teaching experience in a Middle school |
| ༢ | Headmaster/mistress (Primary school): B.A/B Sc./B.Com with B.Ed. minimum second division or equivalent with 1 yrs experience of Educational Administration or 3 years teaching experience in a Middle school |
| ༣ | Trained Graduate Teacher: B.A/B.Sc./B.com with B.Ed. minimum second division or equivalent |
ཁ གཞི་རིམ་འོག་མའི་དགེ་རྒན་དང་། ལུས་རྩལ་དགེ་རྒན། གློག་ཀླད་དགེ་རྒན། (PRT, PET & Computer Instructor)
| ཨང་། | ཤེས་ཚད་ཆ་རྐྱེན། |
| ༡ | B.A. /B Sc/ B.com with B.Ed minimum second division or equivalent and above |
| ༢ | Physical Education Teacher: Bachelor of Physical Education from a recognized college/university |
| ༣ | Computer Instructor: BCA/ C++ or equivalent degree and above |
དགོས་མཁོའི་ཡིག་ཆ་ཁག
༡༽ ཤེས་ཚད་ལག་འཁྱེར་ཁག་གི་ངོ་བཤུས།
༢༽ ཕྱི་ལོ་ ༡༠༡༥ ཕྱི་ཟླ་ ༡༢ ཚེས་ ༣༡ བར་འབུལ་འབབ་གཙང་ཕུལ་ཟིན་པའི་དཔྱ་ཁྲལ་ལག་དེབ་ཀྱི་ཤོག་ངོས་དང་པོ་དང་མཐའ་མའི་ངོ་བཤུས།
༣༽ ངོས་འཛིན་ཡོད་པའི་སྨན་ཁང་ཞིག་ནས་གཟུགས་ཐང་ལས་འཕེལ་ཡིན་པའི་སྨན་པའི་ངོས་སྦྱོར་ངོ་མ།
༤༽ ད་ལྟ་རང་རེའི་སྤྱི་ཚོགས་ཀྱི་སྡེ་ཚན་གང་རུང་དུ་ལས་ཞབས་ཞུ་མུས་ཡིན་ཚེ་ལས་ཡུལ་ནས་དགག་བྱ་མེད་པའི་ངོས་སྦྱོར་ངོ་མ། གོང་གསལ་ལག་འཁྱེར་དང་ཡིག་ཆ་ཁག་གི་ངོ་བཤུས་ཐོག་དབུས་བོད་མིའི་སྒྲིག་འཛུགས་ཀྱི་ཁྱབ་ཁོངས་ལས་ཁུངས་གང་རུང་གི་ཟུང་དྲུང་ཡན་དང་། ས་གནས་འགོ་འཛིན། ཡང་ན་བོད་མིའི་སློབ་གྲྭའི་སློབ་སྦྱི་བཅས་གང་རུང་གིས་ངོ་མཚུངས་ཡིན་པའི་དག་མཆན་ངེས་པར་དུ་འཁོད་དགོས་པ་བཅས་ཀྱི་གསལ་བསྒྲགས་སུ། ཤེས་རིག་ལས་ཁུངས་ནས་ཕྱི་ལོ་ ༢༠༡༦ ཕྱི་ཟླ་ ༥ ཚེས་ ༢༦ ལ།
SECRETARY
Department of Education, CTA
Gangchen Kyishong, Dharamsala-176 215 (H.P.)
India- Fax: 01892-223481, E-mail: [email protected]
