ཕྱི་ལོ་ ༢༠༡༦ ཟླ་ ༡ ཚེས་ ༢༥ རེས་གཟའ་ཟླ་བ།
༄༅། །འདི་གར་ཤེས་རིག་ལས་ཁུངས་ནས་བཏང་གནས་ནང་འཁོད་དོན། བོད་མིའི་སྒྲིག་འཛུགས་ཤེས་རིག་དྲུང་ཆེ་འབུམ་རམ་པ་ངག་དབང་རབ་རྒྱས་ལགས་ཀྱིས་ཕྱི་ལོ་ ༢༠༡༦ ཟླ་ ༡ ཚེས ༡༤ ཉིན་ཤེས་རིག་ལས་ཁུངས་ནས་གོ་སྒྲིག་ཞུས་པའི་གཞི་རིམ་བར་མའི་ཚན་རིག་དགེ་རྒན་རྣམས་ལ་རིགས་ལམ་བརྒྱུད་ནས་ཚན་རིག་སློབ་ཁྲིད་བྱེད་ཐབས་ཀྱི་ཟབ་སྦྱོང་དབུ་འབྱེད་དང་འབྲེལ།
ཕྱི་ཚེས ༡༥ ཉིན་སམ་བྷོ་ཊའི་ཁྱབ་ཁོངས་སྦེལ་ཀོབ་ཨར་ལི་ཀུ་མར་རི་དང་ཀེ་ལཤ་པུ་ར་གཞི་རིམ་འོག་མའི་སློབ་ཁག་གཉིས་དང་། ཕྱི་ཚེས ༡༦ ཉིན་སམ་བྷོ་ཊ་གོ་ལ་ཐ་ལའི་གཞི་རིམ་འོག་མ་དང་བདེ་སླར་ཉིན་སློབ། ཉིན་དེའི་ཕྱི་དྲོ་སྦེལ་ཀོབ་བོད་ཁྱིམ། ཕྱི་ཚེས་ ༡༧ ཉིན་སྦེལ་ཀོབ་སློབ་མ་དབུས་མ། ཕྱི་ཚེས་ ༡༨ ཉིན་ཅོ་ཀུར་གཞི་སློབ། ཕྱི་ཚེས་ ༡༩ ཉིན་ཧུན་སུར་ཉིན་སློབ། ཕྱི་ཚེས ༢༠ ཉིན་ཀོ་ལི་གྷལ་ཉིན་སློབ། གཞན་ཡང་སློབ་ཁག་གི་གནས་སྟངས་གཟིགས་ཞིབ་དང་དགེ་རྒན་ཐུག་འཕྲད། དགེ་ལས་སློབ་ཕྲུག་བཅས་ལ་ལམ་སྟོན་བཀའ་སློབ་གནང་ནས་ཕྱི་ཚེས ༢༡ སྔ་དྲོ་སྦེང་ལོར་བོད་ཁྱིམ་མཐོ་སློབ་ཏུ་གཟིགས་ཞིབ་དང་། ཉིན་དེའི་ཕྱི་དྲོ་སྦེང་ལོར་ཁུལ་དུ་སློབ་སྦྱོང་གནང་བཞིན་མཐོ་རིམ་སློབ་མ་རྣམས་ལམ་སྟོན་བཀའ་སློབ་དང་དྲི་བ་དྲིས་ལན་གནང་ཡོད་པ་བཅས། །
