༢༠༡༥ ཟླ་ ༡༢ ཚེས་ ༢ རེས་གཟའ་ལྷག་པ།

ཉེ་ལམ་ལག་བྲིས་ཕྱི་བསྐྱོད་ལག་དེབ་སེར་པོ་རྙིང་པ་(Non-machine readable IC) ཡོད་མཁན་བོད་མི་འགའ་ཤས་ཕྱི་བསྐྱོད་གནང་སྐབས་གནམ་ཐང་ལ་དཀའ་ངལ་བྱུང་བའི་གནས་ཚུལ་བྱུང་འདུག འདི་ནས་རྒྱ་གར་ལག་དེབ་ལས་ཁུངས་སུ་དེ་ལྟར་སྙན་སེང་ཞུས་པར། རྒྱལ་སྤྱི་གནམ་འགྲུལ་མཐུན་ཚོགས་ནས་ལག་བྲིས་ཕྱི་བསྐྱོད་ལག་དེབ་ཡོངས་བརྩི་མེད་གཏང་རྒྱུ་དང་། ཀཱོམ་པཱུ་ཀྲར་བརྒྱུད་ལམ་བཟོས་པའི་ཕྱི་བསྐྱོད་ལག་དེབ་ (Machine readable passport) ཁོ་ན་རྩ་འཛིན་གནང་རྒྱུའི་གསལ་བསྒྲགས་གནང་ཡོད་འདུག

འདི་རང་རེའི་ཕྱི་བསྐྱོད་ལག་དེབ་སེར་པོ་དེའང་དེ་ལྟར་སྤྱི་མཚུངས་ཡིན་མིན་གྱི་གསལ་ཁ་མི་འདུག་ནའང་། མ་འོངས་དཀའ་ངལ་མི་འཕྲད་ཆེད་སྔོན་བརྟན་དུ་ད་ལྟ་ནས་ལག་དེབ་གསར་པར་བསྒྱུར་དགོས་གལ་མཐོང་འདུག་ན། ལག་བྲིས་ལག་དེབ་རྙིང་པ་རྒྱབ་ཤ་མཁྲེགས་པོ་ཡོད་མཁན་ཡོངས་ནས། གཤམ་འཁོད་དབྱིན་ཡིག་ལམ་སྟོན་ལ་གཟིགས་ནས་སྙན་ཞུ་གང་མྱུར་གནང་རོགས་ཞུ་རྒྱུ་དང་། འདི་ནས་ལག་དེབ་གསར་པ་གང་མྱུར་ཐོན་ཐབས་འབད་བརྩོན་ཞུ་རྒྱུ་དང་། ཅི་ཏེ་གང་མྱུར་ལག་དེབ་རྙིང་པའི་ཐོག་ཕྱི་བསྐྱོད་གནང་དགོས་གནས་སྟངས་ཆགས་ཡོད་ན་འདི་གར་འབྲེལ་བ་གནང་རོགས་ཞུ། ལྡི་ལི་དོན་ཁང་ནས་ ༢༠༡༥ ཟླ་ ༡༡ ༢༥ ལ།། །།

http://tibetbureau.in/%E0%BD%A3%E0%BD%98%E0%BC%8B%E0%BD%A6…/