༢༠༡༥ ཟླ་ ༡༢ ཚེས་ ༡༦ རེས་གཟའ་ལྷག་པ།

(Jai Mukhi Scholarship for Tibetans to study at Oxford)

༄༅། །ཉེ་སྔོན་ལྟར་འདི་ལོ་ཡང་སྐུ་ཞབས་ (Prof. Deepak Mukhi, Programme Director, The Oxford Programme for Undergraduate Studies, UK) ལགས་ནས་ཟླ་གསུམ་ཙམ་དུས་ཐུང་སློབ་སྦྱོང་༼༢༠༡༦ ཟླ་ ༤ ནས་ ༦ བར།༽ཆེད་སློབ་ཡོན་གྲངས་གཉིས་གནང་རྒྱུའི་ཞལ་བཞེས་བྱུང་ཡོད། སློབ་སྦྱོང་གི་དུས་ཡུན་རིང་ཟས་དོད་ཆེད་བདུན་ཕྲག་གཅིག་ལ་ཨིན་སྒོར་ ༥༠ ཐམ་པ་དམིགས་བསལ་གནང་རྒྱུ་ཞལ་བཞེས་ཡང་བྱུང་ཡོད། འོན་ཀྱང་ཕར་ཕྱིར་གནམ་གླ་དང༌། ལག་དངུལ་སོགས་འགྲོ་གྲོན་ཁག་རང་ངོས་ནས་གཏོང་དགོས། སློབ་ཡོན་འདི་བརྒྱུད་སོ་སོའི་ཤེས་ཚད་དང་ཁྱད་མཁས། དེ་བཞིན་མཐོང་རྒྱ་ཐོས་རྒྱ་དང་ཉམས་མྱོང་སོགས་གོང་འཕེལ་གཏོང་བའི་གོ་སྐབས་བཟང་པོ་ཞིག་ལ་སོང་ཤེས་རིག་ལས་ཁུངས་ནས་ས་མིག་གཅིག་བོད་མིའི་སྒྲིག་འཛུགས་ཀྱི་སྲི་ཞུ་བ་གནས་རིམ་དྲུང་ལས། དྲུང་གཞོན། ཟུང་དྲུང་དང༌། གཞན་ཞིག་ཤེས་རིག་ལས་ཁུངས་ཀྱིས་ཁྱབ་ཁོངས་བོད་རིགས་སློབ་དགེ་རྣམས་ལ་དམིགས་བསལ་ཟུར་འཇོག་ཞུ་རྒྱུ། གོང་གསལ་སློབ་ཡོན་གྱི་སློབ་ཚན་ཁག་ www.oxfordprogram.com དྲ་ཚིག་ནང་འདེམས་སྒྲུག་གནང་འཐུས་ཀྱང་སོ་སོའི་ཁྱད་མཁས་དང་ཤེས་ཚད་དང་འབྲེལ་ཆགས་སློབ་གཉེར་གནང་མཁན་རིགས་ལ་ངག་རྒྱུགས་སྐབས་དམིགས་བསལ་བརྒྱ་ཆ་འབུལ་རྒྱུ། བཞུགས་བློ་ཡོད་རིགས་རྣམས་གཤམ་གསལ་སྡེ་ཚན་སོ་སོར་ཆ་རྐྱེན་དང་དགོས་མཁོའི་ཡིག་ཆ་ངོ་བཤུས་འཚང་སྙན་ཁག་ཕྱི་ལོ་ ༢༠༡༦ ཟླ་ ༡ ཚེས་ ༡༨ འགྱངས་མེད་འདི་ག་ཤེས་རིག་ལས་ཁུངས་སུ་འབུལ་ཟིན་པ་དགོས་རྒྱུ། དེ་མཚུངས་ཐུགས་སྣང་དགོས་པ་ཞིག་ལ་ངག་རྒྱུགས་ཀྱིས་གྲུབ་འབྲས་ལྟར་བརྒྱ་ཆ་རྩེ་བཏོག་གིས་སྡེ་ཚན་སོ་སོའི་ནང་ནས་མི་འགྲོ་གཉིས་འདེམས་སྒྲུག་གནང་རྒྱུ་ཡིན་ཀྱང༌། མཐའ་མའི་མི་འགྲོ་དེ་གོང་གསལ་ཚོགས་པ་ནས་འདེམས་སྒྲུག་གནང་གཏན་འཁེལ་ཡོད༌།

སྡེ་ཚན་དང་པོ་སློབ་གྲྭའི་དགེ་རྒན།

༡། དོ་བདག་སོ་སོའི་མིང་དང་ལོ་རྒྱུས་ Curriculum Vitae (CV) ཞིག་འབུལ་གནང་དགོས་རྒྱུ།
༢། ཉུང་མཐའ་ལོ་གསུམ་དགེ་རྒན་ཉམས་མྱོང་ཡོད་པ།
༣། འབྲེལ་ཆགས་སློབ་གྲྭའི་འཛིན་སྐྱོང་ནས་དགག་ཆ་མེད་པའི་ངོས་སྦྱོར་ངོ་མ།
༤། དྭང་བླངས་དཔྱ་ཁྲལ་ ༢༠༡༥ ཟླ་ ༡༢ བར་གཙང་ཕུལ་ཟིན་པའི་ངོ་བཤུས།
༥། རྒྱ་གར་སྐྱབས་བཅོལ་ལག་དེབ་ཐོག་ཁྲིམས་མཐུན་དུས་འགྱངས་བཀའ་འཁྲོལ་ཞུས་པའི་ངོ་བཤུས།
༦། ཉུང་མཐར་ཉེ་བའི་གཙུག་ལག་རབ་འབྱམས་པ་དང་དགེ་རྒན་འོས་སྦྱོང་གི་ལག་འཁྱེར་ངོ་བཤུས།
༧། ཕྱིར་བསྐྱོད་ལག་འཁྱེར་སེར་པོའི་ (IC) ངོ་བཤུས་བཅས།

སྡེ་ཚན་གཉིས་པ་སྲི་ཞུ་ལས་བྱེད།

༡། དོ་བདག་སོ་སོའི་མིང་དང་ལོ་རྒྱུས་ Curriculum Vitae (CV) ཞིག་འབུལ་གནང་དགོས་རྒྱུ།
༢། སྲི་ཞུ་བ་རང་ཉིད་ལས་བྱེད་བླང་དོར་དང་ཐོབ་ཐང་གི་སྒྲིག་གཞིའི་དོན་ཚན་ཉེར་གཉིས་པའི་ནང་གསེས་ ང༽ པ་ ལྟར་ཞབས་ལོ་ ༥ ཧྲིལ་པོ་ལོན་པ་ཞིག་དགོས།
༣། དོན་ཚན་ཉེར་གཉིས་པའི་ནང་གསེས་ ཁ༽ ག༽ ཅ༽ ཆ༽ བཅས་ལག་བསྟར་བྱ་རྒྱུར་མོས་མཐུན་ཡོད་ དགོས།
༤། འབྲེལ་ཆགས་ལས་ཁུངས་ནས་དགག་ཆ་མེད་པའི་ངོས་སྦྱོར་ངོ་མ།
༥། ཉུང་མཐའ་ཉེ་བའི་གཙུག་ལག་རབ་འབྱམས་པའི་ལག་འཁྱེར་(degree)ངོ་བཤུས།
༦། ཕྱིར་བསྐྱོད་ལག་འཁྱེར་སེར་པོའི་ (IC) ངོ་བཤུས།
འདེམས་ཐོན་མི་འགྲོ་དེ་དག་ནས་ཤེས་རིག་ལས་ཁུངས་མཉམ་གན་རྒྱ་འཇོག་དགོས་རྒྱུ་བཅས་ཀྱི་གསལ་བསྒྲགས་སུ། ཤེས་རིག་ལས་ཁུངས་ནས་ཕྱི་ལོ་ ༢༠༡༥ ཟླ་ ༡༢ ཚེས་ ༡༤ ལ།།

SECRETARY
Department of Education CTA
Gangchen Kyishong
Distt. Kangra
Dharamsala – 176 215
Himachal Pradesh
Ph: 01892 – 226695, 222572, 222721 Fax: 01892- 223481
Email: [email protected]
Website: www.tcewf.org or www.sherig.org/tb