༢༠༡༥ ཟླ་ ༡༢ ཚེས་ ༡༡ རེས་གཟའ་པ་སངས།
༄༅། །བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་ཕྱི་ལོ་ ༢༠༡༥ ཟླ་ ༡༢ ཚེས་ ༡༣ ནས་ཟླ་ ༡༢ ཚེས་ ༡༩ བར་སྦེང་ལོར་ Christ College མཐོ་སློབ་ཏུ་ཕེབས་རྗེས། སྦེལ་ཀོབ་ཏུ་བཀྲ་ཤིས་ལྷུན་པོའི་འདུ་ཁང་དང་། སེར་སྨད་སྤོ་འབོར་ཁམས་ཚན་གྱི་འདུ་ཁང་གསར་རྒྱག་ལེགས་གྲུབ་ཟིན་པའི་དབུ་འབྱེད་མཛད་སྒོར་མཉམ་ཞུགས་གནང་རྗེས། ཕྱི་ཚེས་ ༢༤ ཉིན་སྦེང་ལོར་ནས་རྡ་སར་ཕེབས་ཐོན་གནང་གཏན་འཁེལ་འདུག
དེ་ཡང་དཔལ་ལྡན་སྲིད་སྐྱོང་མཆོག་ཕྱི་ལོ་ ༢༠༡༥ ཟླ་ ༡༢ ཚེས་ ༡༣ ཉིན་གྱི་སྔ་དྲོར་རྡ་ས་ནས་ཅན་དི་གྷར་དུ་ཕེབས་ཐོན་གྱིས་ཅན་དི་གྷར་ནས་མཁའ་ལམ་བརྒྱུད་སྦེང་ལོར་དུ་ཕེབས་འབྱོར་གནང་རྒྱུ། ཕྱི་ཚེས་ ༡༤ ཉིན་ Christ College མཐོ་སློབ་ཏུ་དགེ་ལས་སློབ་ཕྲུག་རྣམས་ལ་གསུང་བཤད་གནང་རྒྱུ་དང་། དེ་རྗེས་སྦེལ་ཀོབ་བོད་མིའི་གཞིས་ཆགས་སུ་ཕེབས་ཐོན་གྱིས་ཕྱི་ཚེས་ ༡༥ ནས་ ༡༩ བར་ས་གནས་སུ་ལས་འཆར་དང་ཕྱི་ཚེས་ ༢༠ ནས་ ༢༣ བར་སྐུ་སྒེར་གུང་གསེང་། ཕྱི་ཚེས་ ༢༤ ཉིན་སྦེང་ལོར་ནས་ཅན་དི་གྷར་དུ་ཕེབས་ཐོན་གྱིས་ཅན་དི་གྷར་ནས་རྡ་སར་ཕྱིར་ཕེབས་གནང་གཏན་འཁེལ་ཡོད་པ་བཅས།།
