༄༅། །དབུས་བོད་མིའི་སྒྲིག་འཛུགས་ཤེས་རིག་ལས་ཁུངས་ནས་ཉེ་བའི་གཙུག་ལག་རབ་འབྱམས་པ་སློབ་ཐོན་པ་གྲངས་ ༡༥ ལ་ Lovely Professional University, Jalandhar གཙུག་ལག་སློབ་གཉེར་ཁང་ཏུ་ལོ་གཅིག་གི་རིང་ Bachelors of Library & Information Science. BLIS སློབ་ཚན་ཐོག་སློབ་ཡོན་ཆ་ཚང་གནང་གཏན་འཁེལ་བ་བཞིན་བཞུགས་བློ་ཡོད་རིགས་ནས་གཤམ་གསལ་ཆ་རྐྱེན་ཡིག་ཆ་ཁག་གི་ངོ་བཤུས་ཐོག་ས་གནས་འགོ་འཛིན་ནམ། ཟུང་དྲུང་དང་དེ་ཡན་གྱི་སྲི་ཞུ་བ་གང་རུང་གི་ཞིབ་བཤེར་ཟིན་པའི་འགན་ལེན་དག་མཆན་ (Attestation) འཁོད་ནས་ཕྱི་ལོ་ ༢༠༡༥ ཟླ་ ༦ ཚེས་ ༣༠ འགྱངས་མེད་འདི་གར་ཞུ་སྙན་འབུལ་དགོས། འདེམས་སྒྲུག་དེ་བཞིན་ཉེ་བའི་གཙུག་ལག་རབ་འབྱམས་པའི་ཡིག་རྒྱུགས་གྲུབ་འབྲས་ཀྱི་བརྒྱ་ཆ་རྩེ་བཏོག་ལྟར་འདེམས་སྒྲུག་བྱ་རྒྱུར་དང༌། འདེམས་ཐོན་ཟིན་པའི་སློབ་མ་རྣམས་ནས་ཤེས་རིག་ལས་ཁུངས་ཀྱི་ཁྱབ་ཁོངས་སློབ་གྲྭ་ཁག་ཏུ་ཉུང་མཐར་ལོ་ལྔའི་རིང་ཕྱག་ལས་གནང་རྒྱུའི་ཁས་ལེན་ཞུ་དགོས་པའི་གསལ་བསྒྲགས་སུ།

༡། ཉེ་བའི་གཙུག་ལག་རབ་འབྱམས་པའི་B.A/B.Sc/B.Com or equivalentཐོག་ཉུང་མཐའ་བརྒྱ་ཆ་ ༥༥ ལོན་པས་ཨང་ཤོག་(Marks Card)ངོ་བཤུས།

༢། དོ་བདག་གིས་དྭང་བླངས་དཔྱ་དངུལ་ལག་དེབ་གཙང་ཕུལ་དང་རྒྱ་གར་སྐྱབས་བཅོལ་ལག་དེབ་དུས་འགྱངས་ཞུས་པའི་ངོ་བཤུས།

༣། ཀམ་པུར་ཊར་རྨང་གཞི་བདེ་སྤྱོད་བྱེད་སྟངས་ཐོག་རྒྱུས་མངའ་ཡོད་པ།

༤། འདི་ནས་དོ་བདག་སོ་སོར་དུས་ཐོག་གནས་འབྲེལ་ཐུབ་རྒྱུའི་སླད་སོ་སོའི་ཁ་བྱང་དང༌། གློག་འཕྲིན། ཁ་པར་ཨང་སོགས་ཁ་གསལ་འགོད་དགོས་པ་བཅས།

                                                                                                                                                                                                                                                                    ཤེས་རིག་ལས་ཁུངས་ནས་ཕྱི་ལོ་ ༢༠༡༥ ཟླ་ ༥ ཚེས་ ༡༥ ལ།།Secretary
Department of Education, CTA
Gangchen Kyishong
Dharamsala-176215
Distt. Kangra, Himachal Pradesh
Ph: 01892 – 226695, 222572, 222721
Fax: 01892- 223481
Email: [email protected]
Website: www.tcewf.org  or www.sherig.org