༢༠༡༤ ཟླ་ ༤ ཚེས་ ༨ རེས་གཟའ་ཕུར་བུ།

༄༅།། ཤེས་རིག་ལས་ཁུངས་ཀྱི་ཁྱབ་ཁོངས་བྷུན་ཏར་དགེ་འོས་མཐོ་སློབ་ཁང་གི་འགན་འཛིན་ལས་རོགས་ཀྱི་ས་མིག་གཅིག་སྟོང་པ་ཡོད་ན། བོད་མིའི་སྒྲིག་འཛུགས་ཀྱི་ཟུང་དྲུང་གི་ཕོགས་རིམ་ཐོག་ཆོད་གན་ངོ་བོར་བསྐོ་གཞག་གནང་རྒྱུ་ཡིན་པས། ཆ་རྐྱེན་ཚང་ཞིང་ལས་སྣེར་ཞུགས་བློ་ཡོད་རིགས་ཚོས་ཤེས་རིག་དྲ་ཚིགས། (www.sherig.org) ནས་འགེངས་ཤོག་ཕབ་བཤུས་ཀྱིས་ཞིབ་བཀང་གནང་རྗེས་ལག་འཁྱེར་ཡིག་ཆ་ཁག་གི་ངོ་བཤུས་དང་འཚང་སྙན་གཤམ་གསལ་ཁ་བྱང་ཐོག་ཕྱི་ལོ་ ༢༠༡༥ ཟླ་ ༥ ཚེས་ ༣༠ འགྱངས་མེད་འབུལ་དགོས་པ་དང༌། འཚང་སྙན་ནང་སོ་སོའི་ཞལ་པར་ཨང་དང་ཨི་མེལ་ཁ་བྱང་ངེས་པར་འཁོད་དགོས། འཚང་རྒྱུགས་དངོས་གཞིའི་ཉིན་ཞིབ་འཇུག་ཆེད་ལག་འཁྱེར་ངོ་མ་མཉམ་འཁྱེར་དགོས་པ་དང༌། ཆ་རྐྱེན་ཚང་བའི་སྙན་འབུལ་བ་རྣམས་ཕྱི་ལོ་ ༢༠༡༥ ཟླ་ ༦ པའི་ནང་ངག་རྒྱུགས་ལམ་ནས་འདེམས་སྒྲུག་གིས་གཉིས་མོས་ཆོད་གན་འཇོག་རྒྱུ་ཡིན། ལས་ཡུལ་བྷུན་ཏར་རམ། ཝ་ར་ཎ་སཱི་གང་རུང་དུ་ལས་བཅར་ཞུ་རྒྱུའི་འདུན་པ་ཡོད་པ་ཞིག་དགོས།

དགོས་ངེས་ཆ་རྐྱེན།

• ངོས་འཛིན་ཡོད་པའི་མཐོ་རིམ་གཙུག་ལག་སློབ་ཁང་གང་རུང་ནས། ཤེས་ཡོན་རིག་པའི་ཐོག་ཆེས་མཐོའི་འབུམ་རམས་པའི་ (Ph. D in Education) ལག་འཁྱེར་དང༌། དེའི་ཐོག་སློབ་གྲྭའི་འཛིན་སྐྱོང་ཉམས་མྱོང་ཡོད་ན་དམིགས་བསལ་གནང་རྒྱུ། ཡང་ན། ཉུང་མཐར་གཙུག་ལག་རབ་འབྱམས་པ་ (Master’s degree) ཨང་ཐོབ་བརྒྱ་ཆ་ ༥༥ ལག་འཁྱེར་དང༌། བརྒྱ་ཆ་ ༥༥ ཐོན་པའི་ལག་འཁྱེར་ཐོག དགེ་རྒན་དང་འཛིན་སྐྱོང་ཉམས་མྱོང་ལོ་ ༣ ཡོད་དགོས།
• དྭང་བླངས་དཔྱ་དངུལ་ལག་དེབ་ཀྱི་ཤོག་ངོས་དང་པོ་དང༌། གཉིས་པ། མཐའ་མ་བཅས་ཀྱི་ངོ་བཤུས་མཉམ་འབུལ་ཞུ་དགོས།
• གནས་ཡུལ་རྒྱལ་ཁབ་ཏུ་གནས་སྡོད་ཆོག་པའི་ལག་འཁྱེར་ (RC) ཤོག་གྲངས་དང་པོ་དང༌། དུས་འགྱངས་ཞུས་པའི་མཐའ་མའི་ངོ་བཤུས་མཉམ་འབུལ་དགོས།
• སྨན་ཁང་ཚད་ལྡན་ཞིག་ནས་གཟུགས་བདེ་ལས་འཕེར་ཡིན་པའི་སྨན་པའི་ངོས་སྦྱོར་སྟེང་རང་ཉིད་ཀྱི་འདྲ་པར་མཉམ་སྦྱར་ཐོག་སྨན་པའི་ལས་དམ་དང་མཚན་རྟགས་འཁོད་པ་ངོ་མ།
• ད་ལྟ་སྤྱི་སྒེར་གང་རུང་དུ་ལས་ཀ་བྱེད་མུས་ཡིན་ཚེ་ལས་ཡུལ་དེ་ནས་དགག་བྱ་མེད་པའི་ངོས་སྦྱོར་དགོས།
• གོང་གསལ་ལག་འཁྱེར་དང་ཡིག་ཆ་ཁག་གི་ངོ་བཤུས་ཐོག ས་གནས་འགོ་འཛིན་ནམ། བོད་མིའི་སྒྲིག་འཛུགས་ཀྱི་ཟུང་དྲུང་གནས་རིམ་ཡན་ནམ། ཡང་ན་སློབ་གྲྭའི་སློབ་སྤྱི་སུ་རུང་གི་དག་མཆན་ལས་དམ་འཁོད་དགོས་པ་བཅས། ཤེས་རིག་ལས་ཁུངས་ནས། ཕྱི་ལོ་ ༢༠༡༥ ཟླ་ ༤ ཚེས་ ༡༠ ལ།།
• The Secretary
  Department of Education, CTA
  Gangchen Kyishong
  Dharamsala – 176215, Distt. Kangra H.P. India
  Email: [email protected]