༄༅།། ཕྱི་ལོ་ ༢༠༡༢ ནས་བཟུང་དགའ་ལྡན་ཕོ་བྲང་ཡིག་ཚང་ནས་སློབ་ཡོན་ས་མིག་གྲངས་ ༥༥ ལ་སྤར་ཆ་བྱུང་བ་ལྟར་བཙན་བྱོལ་བོད་མི་སྐྱབས་བཅོལ་བའི་སློབ་ཕྲུག་གྲངས་ ༥༠ ལ་ཉེ་བའི་གཙུག་ལག་རབ་འབྱམས་པ་དང༌། སློབ་ཕྲུག་གྲངས་ ༥ ལ་གཙུག་ལག་རབ་འབྱམས་པའི་སློབ་སྦྱོང་ཐོག་སློབ་ཡོན་གནང་རྒྱུ་ཞལ་བཞེས་བྱུང་བ་ལྟར། འཚང་སྙན་འབུལ་བློ་ཡོད་རིགས་རྣམས་ནས་ཕྱི་ལོ་ ༢༠༡༥ ཟླ་ ༥ ཚེས་ ༣༡ འགྱངས་མེད་དགོས་ངེས་ཡིག་ཆ་ཁག་དང་མཉམ་དུ་འཚང་སྙན་འགེངས་ཤོག་བཅས་པ་ངེས་འབུལ་དགོས་པའི་ཡོངས་ཁྱབ་གསལ་བསྒྲགས།

ཀ༽ སློབ་ཡོན་ཞུ་ལེན་གྱི་དགོས་ངེས་ཆ་རྐྱེན།

• རྒྱུན་གཏན་སློབ་སྦྱོང་ལེགས་པོ་ཡོད་ལ་ཐོན་རྒྱུགས་སྐབས་བརྒྱ་ཆ་མཐོ་པོ་བླངས་མ་ཐུབ་པ།
• སྤྱི་དོན་སེམས་ཁུར་དང༌། ལྷག་བསམ། དྲང་བདེན། ཡ་རབས་སྤྱོད་བཟང་བཅས་ལྡན་པ།
• དྭ་ཕྲུག་དང༌། ཕྱེད་དྭ་ཕྲུག དབུལ་ཕོངས་ཉམ་ཐག་ཅན་གྱི་ཁྱིམ་ཚང་གི་ཕྲུ་གུ་བཅས།
• ཁ༽ སློབ་ཡོན་གྲངས།
• སློབ་ཡོན་འདིའི་ཁོངས་སློབ་ཕྲུག་གྲངས་ ༥༠ ལ་ཉེ་བའི་གཙུག་ལག་རབ་འབྱམས་པའི་སློབ་དུས་ཆ་ཚང་རིང་ Bachelor Degree) སློབ་ཡོན་གནང་རྒྱུ།
• དེ་བཞིན་གོང་གསལ་སློབ་ཡོན་ཁོངས་ནས་ཐོན་མཁན་སློབ་ཕྲུག་གྲངས་ ༥ ལ་གཙུག་ལག་རབ་འབྱམས་པའི་ (Master Degree) སློབ་ཡོན་གནང་རྒྱུ།ག༽ འཚང་སྙན་འབུལ་ཕྱོགས་སྐོར།

  སྒྲིག་གསལ་སློབ་ཡོན་ཞུ་ལེན་གྱི་དགོས་ངེས་ཆ་རྐྱེན་ཚང་རིགས་ནས་ཉེ་བའི་གཙུག་ལག་རབ་འབྱམས་པའི་ (Bachelor Degree) སློབ་སྦྱོང་ཐོག་འཚང་སྙན་འགེངས་ཤོག་གཤམ་གསལ་ལྟར་བཀང་འབུལ་དགོས་པ་ཡིན།
  ༡། འགེངས་ཤོག་དང་པོ་སློབ་ཕྲུག་རང་ཉིད་ཀྱི་བཀང་སྟེ་ས་གནས་འགོ་འཛིན་ནས་ཞིབ་འཇུག་གིས་དག་མཆན་མཚན་རྟགས་ངེས་པར་ཞུས་སྟེ་ཤེས་རིག་ལས་ཁུངས་སུ་དུས་བཀག་ནང་ཚུན་འབུལ་དགོས།
  ༢། གལ་ཏེ་ཆ་རྐྱེན་དང་པོ་དང་གཉིས་པ་གང་རུང་ཐོག་འཚང་སྙན་འབུལ་མཁན་ཡིན་ན། འགེངས་ཤོག་གཉིས་པ་རང་ཉིད་ཀྱི་སློབ་གྲྭ་ནས་ཞུ་དགོས་ཤིང༌། དེ་ཡང་སློབ་གྲྭའི་སློབ་སྤྱིའམ་རེག་ཊར་ནས་དོ་བདག་སློབ་ཕྲུག་གི་གནས་ཐབས་ཞིབ་ཚགས་ཁ་གསལ་བཀང་སྟེ་འདི་གར་གསང་སྟབས་ཀྱིས་དུས་བཀག་ནང་ཚུན་འབུལ་དགོས་པ་ཡིན།
  ༣། གལ་ཏེ་ཆ་རྐྱེན་གསུམ་པའི་ཐོག་འཚང་སྙན་འབུལ་མཁན་ཡིན་ན། འགེངས་ཤོག་གསུམ་པ་ས་གནས་འགོ་འཛིན་ནས་ཞུ་དགོས་པ་དང༌། དེ་ཡང་ས་གནས་འགོ་འཛིན་ནས་དོ་བདག་སློབ་ཕྲུག་གི་གནས་སྟངས་ཞིབ་ཚགས་ཁ་གསལ་ཐབས་སྟེ་འདི་གར་གསང་སྟབས་ཀྱིས་དུས་བཀག་ནང་ཚུན་འབུལ་དགོས་པ་ཡིན།

  ང༽ ཤེས་རིག་ལས་ཁུངས་སུ་འཚང་སྙན་འགེངས་ཤོག་མཉམ་ངོ་བཤུས་ངེས་པར་འབུལ་དགོས་པའི་ཡིག་ཆ་ཁག་གཤམ་གསལ།
  ༡། འཛིན་རིམ་བཅུ་པ་དང༌། བཅུ་གཉིས་ཀྱི་ཡིག་རྒྱུགས་གྲུབ་འབྲས་ཨང་ཤོག་ (Marks card) དང་ (Pass certificate) རྒྱུགས་འཕྲོད་ལག་འཁྱེར།
  གལ་ཏེ་གཙུག་ལག་རབ་འབྱམས་པའི་སློབ་ཚན་ (Master or Equivalent) ཁོངས་སུ་འཚང་སྙན་འབུལ་མི་ཡིན་ན་འཚང་སྙན་མཉམ་སོ་སཱུའི་ཉེ་བའི་གཙུག་ལག་རབ་འབྱམས་པའི་ (Bachelor) ལོ་རིམ་དང་པོ་ནས་མཐའ་མའི་བར་གྱི་ཡིག་རྒྱུགས་ཨང་ཤོག་དང༌། རྒྱུགས་འཕྲོད་ལག་འཁྱེར་བཅས་དགོས་མཁོའི་ཡིག་ཆ་ཁག་གསལ་བསྒྲགས་ནང་གསལ་ལྟར་ཕྱི་ལོ་ ༢༠༡༥ ཟླ་ ༨ ཚེས་ ༣༡ འགྱངས་མེད་ཤེས་རིག་ལས་ཁུངས་སུ་འབྱོར་བ་འབུལ་དགོས།
  ༢། སློབ་གྲྭའི་ནང་བུམ་སྐྱོན་གསུམ་བྲལ་གྱི་བྱ་དགའ་ཐོབ་ཡོད་ཚེ་ལག་འཁྱེར་གྱི་ངོ་བཤུས། (Best Boy or Girl Award)
  ༣། ཕ་མ་བོད་ནང་ཡོད་པའམ། འདས་གྲོངས། ཁ་བྲལ་སོང་བའི་རིགས་ཡིན་ཚེ་འབྲེལ་ཆགས་ས་གནས་འགོ་འཛིན་ནམ་ཤེས་རིག་ཁྱབ་ཁོངས་ཉུང་མཐར་འཛིན་རིམ་བཅུ་པ་ཡོད་པའི་སློབ་གྲྭའི་དབུ་འཛིན་དང་རེག་ཊར་སུ་རུང་ནས་ཕ་མའི་གནས་སྟངས་ངོ་སྤྲོད་ཀྱི་ཡིག་ཆུང༌།
  ༤། བལ་ཡུལ་དང་འབྲུག་ཁུལ་གནས་སྡོད་སྙན་འབུལ་བ་ཡིན་ན་བོད་མི་སྐྱབས་བཅོལ་བ་དངོས་འབྲེལ་ཡིན་པ་ངོས་འཛིན་ཐུབ་སླད་ས་གནས་རང་བདེན་ཚོགས་ཆུང་གི་ངོ་སྤྲོད་རྒྱབ་གཉེར་ཐོག་རྒྱབ་གཉེར་མཉམ་སྦྱར་དགོས་པ་ས་གནས་འགོ་འཛིན་ནས་ཞིབ་འཇུག་གིས་བོད་མི་སྐྱབས་བཅོལ་བ་དངོས་འབྲེལ་ཡིན་པའི་ངོས་སྦྱོར་ངེས་འབུལ་དགོས་རྒྱུ།

  ཅ༽ དོ་བདག་དང་ཕ་མའི་དང་བླངས་དཔྱ་དངུལ་ཕྱི་ལོ་ ༢༠༡༤ ཟླ་ ༡༢ བར་གཙང་ཕུལ་ཟིན་མིན་དང༌། རྒྱ་གར་ནང་སྐྱབས་བཅོལ་ལག་དེབ་ཁྲིམས་མཐུན་དུས་འགྱངས་ཡོད་མེད་སོགས་འབྲེལ་ཡོད་ས་གནས་འགོ་འཛིན་ནས་ཞིབ་བཤེར་གྱིས་འགེངས་ཤོག་ནང་དག་མཚན་བཀོད་པས་འཐུས་པ་ལས་ཡིག་ཆ་འདི་དག་གི་ངོ་བཤུས་ཤེས་རིག་ལས་ཁུངས་སུ་འབུལ་མི་དགོས།

  ཆ༽ ཐུགས་སྣང་དགོས་པའི་གནད་དོན་གཞན་ཁག
  ༡། འཚང་སྙན་འབུལ་མི་གང་ཞིག་འཛིན་རིམ་བཅུ་པའམ་བཅུ་གཉིས་གང་རུང་ནང་བོད་ཡིག་སློབ་ཚན་ཐོག་སློབ་སྦྱོང་བྱས་མེད་ཚེ་མཐོ་སློབ་སློབ་ཡོན་གནང་རྒྱུ་མིན།
  ༢། སློབ་ཡོན་ཉིས་ལྡབ་ལེན་མི་ཆོག་ཀྱང༌། རོགས་ཚོགས་དང་སྒེར་ཁག་ནས་སློབ་ཡོན་ཁ་སྣོན་ཞུས་ཐོབ་བྱུང་བའི་ཁུངས་ལྡན་དན་རྟགས་ཁ་གསལ་ཕུལ་ཚེ་དམིགས་བསལ་དགོངས་བཞེས་ཡོང་རྒྱུ་ཡིན།
  ༣། འགེངས་ཤོག་དང་པོའི་མཉམ་དུ་འབུལ་དགོས་པའི་རྒྱུགས་སྤྲོད་ཨང་ཤོག་དང་ལག་འཁྱེར་གཞན་གྱི་ངོ་བཤུས་ཐོག་ས་གནས་འགོ་འཛིན་ནམ། ཟུང་དྲུང་གནས་རིམ་ཡན་གྱི་སྲི་ཞུ་བ། ཡང་ན་ཤེས་རིག་ཁྱབ་ཁོངས་ཉུང་མཐར་འཛིན་རིམ་བཅུ་པ་ཡོད་པའི་སློབ་གྲྭའི་དབུ་འཛིན་དང་རེག་ཊར་སུ་རུང་ནས་ཞིབ་བཤེར་སོང་བའི་དག་མཆན་འཁོད་དགོས།
  ༤། ལས་རིགས་སློབ་སྦྱོང་ (Vocational Courses) གྲས་ལ་སློབ་ཡོན་གནང་རྒྱུ་མིན།
  ༥། ཏཱ་ལའི་བླ་མའི་དགེ་རྩའི་སློབ་ཡོན་གྱི་འཚང་སྙན་འགེངས་ཤོག་ཁག་འདི་གའི་དྲ་རྒྱ་ནས་ཕབ་བཤུས་ཀྱིས་ཕུལ་ནའང་འཐུས་རྒྱུ།
  ༦། གསལ་བསྒྲགས་ཀྱི་དོན་ཚན་ ཀ༽ སློབ་ཡོན་ཞུ་ལེན་ཀྱི་དགོས་ངེས་ཆ་རྐྱེན་གྱི་ནང་གསེས། ༣། དབུལ་ཕོངས་ཉམ་ཐག་གི་ཨང་གྲངས་ཅན་ཕུད་གཞན་སྡེ་ཚན་ཁག་སོ་སོ་ནས་འཚང་སྙན་འགེངས་ཤོག་མཉམ་ཡིག་འབྲེལ་སྦྲག་གླ་སོགས་ཀྱི་ཆེད་ཧིན་སྒོར་ ༡༥༠ ཤེས་རིག་ལས་ཁུངས་ཀྱི་དེབ་བསྐྱེལ་ཚོགས་པའི་ (Tibetan Children’s Educational and Welfare Fund) མཚན་ཐོག་ཌབ་འཛིན་བཟོས་ཏེ་འབུལ་དགོས།
  ༧། དུས་བཀག་གི་ཉིན་གྲངས་ ༡༤ སྔོན་ཚུད་འཚང་སྙན་ཕུལ་འབྱོར་བྱུང་བ་རྣམས་ལ་དགོས་ངེས་ཡིན་ཆ་མ་ཚང་བའི་གནས་ཚུལ་ཡོད་ཚེ་བརྡ་ལན་གཏོང་རྒྱུ་ཡིན་ཡང༌། ཆ་རྐྱེན་ཚང་མིན་གྱིས་འགན་འཁུར་དོ་བདག་སོ་སོ་ནས་འཁྱེར་དགོས།
  ༨། འཚང་སྙན་འགེངས་ཤོག་དང་དགོས་ངེས་ཡིག་ཆ་ཁག་དམ་དོན་གྱིས་གཤམ་གསལ་ཁ་བྱང་ཐོག་དུས་བཀག་ནང་ཚུན་ངེས་འབུལ་དགོས་པ་བཅས་ཀྱི་གསལ་བསྒྲགས་སུ། ཤེས་རིག་ལས་ཁུངས་ནས། ཕྱི་ལོ་ ༢༠༡༥ ཟླ་ ༣ ཚེས་ ༡༢ ལ།།

  Secretary
  Department of Education CTA
  Gangchen Kyishong
  Dharamsala – 176 215
  Dist. Kangra
  Himachal Pradesh
  Phone: 01892-226695, 222572, 222721
  Fax: 01892-223481
  E-mail: [email protected]
  Website: www.tcewf.org or www.sherig.org/tb