བོད་ཀྱི་ཟློས་གར་ཚོགས་པའི་འཁྲབ་སྟོན་པ་གསར་འདེམས་གསལ་བསྒྲགས།

གསར་ལས་ཁང་གི་གསར་འགོད་པས།

༢༠༡༤-༡༠-༠༦

༢༠༡༤ ཟླ་ ༡༠ ཚེས་ ༦ རེས་གཟའ་ཟླ་བ།

༄༅། །དབུས་བོད་མིའི་སྒྲིག་འཛུགས་ནས་ཕྱི་ལོ་ ༢༠༡༤ འདི་བཞིན་བོད་མིའི་ཆོས་སྲིད་གཉིས་ཀྱི་དབུ་ཁྲིད། ཁམས་གསུམ་ཆོས་ཀྱི་རྒྱལ་པོ་༸གོང་ས་ལྷ་མིའི་རྣམ་འདྲེན་སྐྱབས་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་བཀའ་དྲིན་རྗེས་དྲན་གྱི་ལོར་སྲུང་བརྩི་ཞུ་གཏན་འཁེལ་བ་བཞིན། བོད་ཀྱི་ཟློས་གར་ཚོགས་པ་ནས་༸གོང་ས་མཆོག་གི་ཐུགས་དགོངས་བསྒྲུབ་ཕྱིར། བྱེས་འཁོད་བོད་མིའི་ཁྲོད་ནས་ན་གཞོན་རྣམས་ལ་བོད་ཀྱི་རྩ་ཆེའི་རིག་གཞུང་རྒྱུན་འཛིན་ཐུབ་ཆེད་གསར་འཇུག་ཞུ་གཏན་འཁེལ་བས་ཆ་རྐྱེན་གཤམ་གསལ།

ཀ༽ བྲོ་པ་བུ་ ༡༢ དང་། བུ་མོ་ ༡༢

ཁ༽ འཚང་རྒྱུགས་ཆ་རྐྱེན།

༡། ལོ་ཚད། རང་ལོ་ ༢༠ ལས་མ་བརྒལ་བ།

༢།གཟུགས་པོ་མཐོ་ཚད། 4.10ft-5.6ft མ་བརྒལ་བ།

༣། གསུང་སྐད་དང་མི་བབ་ལེགས་པོ་ཡོད་པ།

༤། འཛིན་རིམ་ ༨ ཐོན་པའི་ལག་འཁྱེར་གྱི་ངོ་བཤུས།

༥། དང་བླང་དཔྱ་དངུལ་གཙང་འབུལ་ཟིན་པའི་ངོ་བཤུས།

༦། གཟུགས་ཁམས་བདེ་ཐང་ཡོད་པའི་སྨན་པའི་ངོས་སྦྱོར།

ག༽ ཐུགས་སྣང་།

༡། ལོ་གསུམ་རིང་རྐང་བྲོ་གླུ་གཞས་དང་ལྷ་མོ་སོགས་ཀྱི་སྦྱོང་བརྡར་ཕུལ་མཚམསརྒྱུགས་སྤྲོད་ཀྱི་ལམ་ནས་ཟློས་གར་གྱི་ཚོགས་མིའམ་འཁྲབ་སྟོན་པར་འདེམས་སྒྲུག་བྱ་རྒྱུ།

འབྲེལ་བ་བྱ་ཡུལ་ཁ་བྱང་།

Tibetan Institute of Performing Arts