༢༠༡༤ ཟླ་ ༡༠ ཚེས་ ༣ རེས་གཟའ་པ་སངས།
༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེང་གེ་མཆོག་ཕྱི་ལོ་ ༢༠༡༤ ཟླ་ ༡༠ ཚེས་ ༥ ནས་ ༧ བར་རྡོར་གླིང་དང་། ཁར་ཤང་། སོ་ན་དྷ་བཅས་སུ་གཞུང་འབྲེལ་འཚམས་གཟིགས་དང་། ཕྱི་ཚེས་ ༨ ཉིན་ཀ་སྦུག་ཏུ་དབུས་བོད་མིའི་གཏན་སློབ་དབུ་བརྙེས་ནས་ལོ་ངོ་ ༥༠ འཁོར་བའི་དུས་དྲན་མཛད་སྒོའི་སྐུ་མགྲོན་གཙོ་བོར་ཕེབས་ཞུགས་གནང་རྒྱུ་ཡིན་འདུག
དེ་ཡང་སྲིད་སྐྱོང་མཆོག་ཕྱི་ཟླ་ ༡༠ ཚེས་ ༥ ཉིན་རྡ་ས་ནས་གྷ་གལ་བརྒྱུད་ལྡི་ལིར་ཕེབས་ཐོན་གྱིས། ཕྱི་ཚེས་ ༦ ཉིན་ལྡི་ལི་ནས་མཁའ་ལམ་བརྒྱུད་བྷག་ཌོག་རར་ཕེབས་འབྱོར་དང་། དེ་ཉིན་གྱི་ཕྱེད་ཡོལ་ཁར་ཤང་དང་སོ་ན་དྷའི་མི་མང་དང་སློབ་ཕྲུག་ཚོར་གསུང་བཤད་གནང་རྒྱུ། ཕྱི་ཚེས་ ༧ ཉིན་རྡོར་གླིང་མི་མང་དང་སློབ་ཕྲུག་རྣམས་ལ་གསུང་བཤད། ཕྱི་ཚེས་ ༨ ཉིན་ཀ་སྦུག་གཏན་སློབ་ཀྱི་ལྔ་བཅུའི་དུས་དྲན་མཛད་སྒོར་མཉམ་ཞུགས་གནང་རྒྱུ། ཕྱི་ཚེས་ ༩ ཉིན་བྷག་ཌོག་ར་ནས་མཁའ་ལམ་བརྒྱུད་ལྡི་ལིར་ཕེབས་འབྱོར་དང་། ཕྱི་ཚེས་ ༡༠ ཉིན་རྡ་སར་ཕེབས་འབྱོར་གནང་རྒྱུ་ཡིན་འདུག
